Horiso 118:9 - Sơ̆p Hlabơar Nơ̆r 'Bok Kei-Dei

⁹ Gơnang kơ Kră Yang đĕch hloh kơ gơnang kơ lu pơtao mơng.

Horiso 118:9 Referans Kwoze

Êsêkiên 29:7

Lăp lu sư rôp ih hăm ti, na ih pơchah tơgơ̆ đĭ, hiĕt hơngiĕng lu sư; lu sư gơning 'bơ̆t ih, na ih tơgơ̆ pơm kơ lu sư pơ̆k tơgơ̆ kơiĕng.

Êsai 31:8

“Asiri gô pơ̆k răm kơ đao gưm, ưh kơ trŏ kơ đao kon bơngai ôh kư̆m ưh kơ đao gưm đơ̆ng bơngai bu wă pơlôch sư. Lu sư gô kơdâu ôn đơ̆ng đao gưm noh păng lu kon tơdăm lu sư gô jing đĭch jang pơmat.

Êsai 31:1

Răm-'băm dêh kơ lu đe năm jur tơ Êyiptơ wă chă apinh tơdrong dŏng tơgŭm, gơnang kơ lu aseh, lu gre aseh, yua kơ lu sư lơ; gơnang kơ lu linh hao gre aseh yua kơ lu sư pran, Mă-lei ưh pă lăng gơnang kơ Tơ'ngla 'Lơ̆ng Rơgoh đe Isơrael, păng ưh kơ chă Kră Yang dŏng Tơgŭm.

Hôsia 10:3

Tơpă lu sư gô khan: Lu bơ̆n ưh kơ đei pơtao yua kơ lu bơ̆n ưh kơ hli yom kơ Kră Yang; mă đei pơtao sư gơh tơgŭm kơ lu bơ̆n kiơ?