Horiso 113:5 - Sơ̆p Hlabơar Nơ̆r 'Bok Kei-Dei

⁵ Bu đei thoi Kră Yang 'Bok Kei-Dei lu bơ̆n? Tơ'ngla oei lăm anih kơpal hloh;

Horiso 113:5 Referans Kwoze

Horiso 89:6

Yua kơ tơ plĕnh, hăm đei bu gơh pơtŏ hăm Kră Yang? Hăm đei bu lăm lu yang nhen thoi Kră Yang.

Je 10:6

Ưh kơ đei yang kiơ thoi Ih ơ Kră Yang. Ih boih Kră Yang Tih Dêh, Ih mơsêh mơyang pran kơtang hloh.

Êsai 40:25

Tơ'ngla 'Lơ̆ng Rơgoh khan: “Lu iĕm wă pơting Inh hăm bu?” Bu hơtŏ hăm Inh?

Both 33:26

Ưh kơ đei bu thoi Kră Yang 'Bok Kei-Dei Jêsurun, Tơ'ngla, păr tơ lu tăl plĕnh, năm dŏng tơgŭm ih. Tơ lăm lu hơmơ̆l, Sư 'lơ̆ng rŏ hloh.

Le 15:11

Ơ Kră Yang! Lăm lu yang bu yang, thoi Ih? 'Lơ̆ng rơgoh, mơsêh mơyang, mă đei ư-ang, Trŏ kơ hli, trŏ kơ pơyom, gơh pơm dôm tơdrong hlĭch chrơp.

Horiso 89:8

Ơ Kră Yang 'Bok Kei-Dei Tih Hloh, bu mơsêh thoi Ih? Tơdrong 'lơ̆ng tơpăt Ih oei tăp dăr kơ Ih.

Êsai 40:18

Lu iĕm hăm gơh pơting Kră Yang 'Bok Kei-Dei hăm bu? Iĕm iŏk hơbŏ kiơ wă pơtih hăm Sư?

Horiso 35:10

Lu kơting inh khan: “Ơ Kră Yang. Bu thoi Ih, Ih pơklaih lu bơngai tơrăn đơ̆ng lu bơngai pran hloh kơ sư. Tơgŭm lu bơngai pơmat păng lu bơngai dơnuh hoh kơđei đơ̆ng ti lu bơngai tơtông tơgar.”

Êsai 16:5

Na gô đei pơtao pơgơ̆r hăm tơdrong 'mêm mơnat, đơ̆ng adrĕch Đawit gô đei minh 'nu 'bok tŏk pơgơ̆r tơpăt, sư gô sek tơlang, chă tơdrong tơpăt hơnơ̆ng păng pơm hloi tơdrong 'lơ̆ng tơpăt.

Horiso 103:19

Kră Yang pơjing boih anih pơtao Sư tơ plĕnh. Dêh char Sư pơgơ̆r kơ đĭ-đăng tôm tơmam.

Horiso 11:4

Kră Yang oei tơ Anih 'lơ̆ng rơgoh Sư; Tang-dŏ Pơtao Sư tơ plĕnh ti; Măt Sư nger lăng, Gơnur măt Sư tưk lăng kơchăm tơ kon bơngai,

Horiso 89:7

Kră Yang 'Bok Kei-Dei trŏ kơ hli yom tơpă lăm khŭl Yang 'lơ̆ng rơgoh. Sư Kră Yang Tih Hloh. Trŏ kơ hli krưp hloh kơ lu Yang tăp dăr kơ Sư.

Horiso 89:9

Ih boih pơgơ̆r đĭ đak dơsĭ, tơdrŏ poh-yă. Mưh sư poh-yă Ih khă sư thĕng hơđơ̆ng.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.