Horiso 111:5 - Sơ̆p Hlabơar Nơ̆r 'Bok Kei-Dei

⁵ Sư ăn tơmam sŏng sa kơ lu đe bu mă hli yom kơ Sư. Păng 'blŏk ling-lang kơ dôm nơ̆r Sư pơgơ̆p.

Horiso 111:5 Referans Kwoze

Horiso 105:8

Sư 'blŏk tơdrong pơgơ̆p Sư ling-lang. Sư ưh kơ hiơt tơdrong pơkă pơkăm mă truh rơbâu chăl.

Luka 1:72

Sư pơm tơdrong noh wă kiơ̆ kơ tơdrong Sư pơkă kơ 'bok kơdră bơ̆n sơ̆, khan gô wă tơgŭm bơ̆n tơpă.

Da 9:4

Thoi noh, na inh krao khan kơ Kră Yang 'Bok Kei-Dei inh păng inh tơbral yoch inh hăm Sư. Thoi âu: Ơ! Kră Yang 'Bok Kei-Dei Tih hloh, trŏ kơ hli krưp! Ih mă oei răk dôm nơ̆r đêl pơkă păng tơdrong 'mêm mơnat kơ lu bơngai mă 'mêm kơ Ih păng lu bơngai oei răk khôi juăt Ih.

Luka 12:30

Lu bơngai nai mă ưh kơ lui, lu sư tơchĕng kơ tơdrong noh ling-lang. Mă-lei 'Bă bơ̆n kư̆m băt boih dôm tơdrong lu iĕm kăl yua, Sư gô tơgŭm iĕm tơpă.

Êsai 33:16

Bơngai noh sư gô oei tơ lăm anih kơjung Sư gô kơ'nơp tơ lăm kông tơmo kơjăp tơmam sa sư rơkah rơkai, đak nhă sư mah ling-lang.

Horiso 106:45

'Blŏk dơ̆ng kơ lu sư, yua đơ̆ng nơ̆r Sư pơgơ̆p. Yua kơ đơ̆ng tơdrong 'mêm mơnat tih Sư 'mêm mơnat kơ lu sư.

Horiso 89:34

Inh kư̆m ưh kơ layơ pơm yoch kơ nơ̆r Inh pơgơ̆p. Kŭm ưh kơ đei tơplih nơ̆r mă lĕch đơ̆ng 'bơ̆r Inh đei pơma.

Horiso 37:3

Gơnang bĕ kơ Kră Yang păng pơm 'lơ̆ng. Oei bĕ lăm dêh char păng oei arih lăm tơdrong 'lơ̆ng tơpăt Sư.

Ne 1:5

Ơ Kră Yang 'Bok Kei-Dei kơ hơtăl plĕnh, wă khan Kră Yang 'Bok Kei-Dei tih hloh păng trŏ kơkuh tơ'ngla wei nơ̆r pơgơ̆p păng jơhngơ̆m 'mêm mơnat kơ lu bơngai mă kơkuh 'mêm kơ Sư păng wei răk dôm nơ̆r tơtă đơ̆ng Sư!

Horiso 33:18

To măt Kră Yang lăng tơ lu bơngai mă hli yom kơ sư păng chang gô tơdrong 'mêm mơnat.

Horiso 33:19

Wă pơklaih bơhngol lu sư đơ̆ng lôch, Păng bơwei tơdrong arih lu sư lăm năr pơngot rơwĕt.