Horiso 110:7 - Sơ̆p Hlabơar Nơ̆r 'Bok Kei-Dei

⁷ Sư gô nhă đak hơbong ro rok trong, yua kơ thoi noh sư gơh ngơk kơ̆l.

Horiso 110:7 Referans Kwoze

Horiso 27:6

Dang ei kơ̆l inh gô ngơk kơjung. Hloh kơ lu ayăt mă wang tăp kơ inh. Lăm kơđông Sư inh pơyơ̆r tơmam soi. Hăm nơ̆r ôr chơt hiôk, Inh gô hơri, bơnê kơ Kră Yang.

Mathiơ 26:42

Yêsu năm krao khan mă 'bar Sư khan thoi âu: “Ơ 'Bă, dah Ih wă kơ Inh chu iŏk tơdrong gleh âu tơpă, kư̆m bưh, gô mơ̆ng kơ Ih wă.”

I Pet 1:11

Yang Bơhngol 'Lơ̆ng Yêsu Krist oei hơdai hăm lu sư, ăn kơ lu sư jing bơngai khan lê̆ hơdrol gah tơdrong 'Bok Krist gô đei tơdrong pơmat, klaih kơ noh Sư gô pơgơ̆r đĭ-đăng. Mă-lei lu sư ưh kơ băt tơdrong noh wă truh layơ, sư thoi yơ, na lu sư adrin pơhrăm wă kơ băt tơdrong noh.

Yo 18:11

Na Yêsu khan kơ Pêtrôs: “Tah lê̆ dao ih tơ anglop bĕ. 'Bă Inh ăn tơdrong anat anot âu truh kơ Inh, trŏ kơ Inh iŏk boih.”

Luka 24:26

Đe pơlôch 'Bok Krist thoi noh trŏ tơpă boih, na dang ei Sư iung arih wă tŏk tơ plĕnh ti pơgơ̆r.”

Mathiơ 20:22

Yêsu khan kơ bre kon sư: “Lơliơ biĕm ưh kơ pơwao tơdrong biĕm wă noh? Biĕm hăm kĕ iŏk tơdrong anat thoi Inh iŏk?” Bre sư khan: “Nhi kĕ iŏk.”

Je 52:31

Đơ̆ng rŏng kơ pêng-jĭt tơpơh sơnăm Jêhôiachin pơtao Juđa pơm bơnă, lăm năr 'bar-jĭt pơđăm, khei mơjĭt-'bar Êwil Mêrôđak pơtao Babilôn lăm sơnăm sư 'nao pơgơ̆r, plôh tơlĕch Jêhôiachin pơtao đe Juđa đơ̆ng hnam bơnă.

Je 23:15

Thoi noh Kră Yang Tih Hloh khan gah lu bơngai khan lê̆ adrol noh: “Inh gô ăn kơ lu sư sa 'long tăng păng nhă đak hơkăm, yua kơ đơ̆ng lu bơngai khan lê̆ adrol lăm pơlei Jêrusalem, tơdrong pơm yoch kơnê̆ dêh rai jơ̆p kơ dêh char.”

Horiso 3:3

Mă-lei, Ơ Kră Yang! Ih boih khêl pĕng tăp kơ inh; Ih jing tơdrong mă inh ư-ang, păng Ih ăn kơ inh gơh ngơk kơ̆l.

Jop 21:20

Ăn kơ măt lu sư 'bôh tơdrong pơrăm truh tơ lu sư, Ăn kơ lu sư đei huch tơdrong hil mĭl Kră Yang Tih Hloh.

Horiso 102:9

Inh sa tơnuh tơplih kơ por. Đak inh nhă hrâu păng đak măt.

Lu 15:19

Kră Yang 'Bok Kei-Dei ăn tơmo hơđang tơ lăm tơring Lêhi, na đei đak lĕch ro hloi: Samsơn đang kơ sư nhă lăm jơhngơ̆m sư 'brưk đei jơhngơ̆m pran dơ̆ng. Yua kơ 'noh na đe krao anăn đak mơlĕch âu Ên Hakor, truh tơ dang ei đak mơlĕch 'noh tơ tơring Lêhi.