Horiso 109:16 - Sơ̆p Hlabơar Nơ̆r 'Bok Kei-Dei

¹⁶ Yua kơ lu sư pă đei 'blŏk mơnat kơ đe. Na rôp pơmat lu bơngai dơnuh răm. Lu bơngai pơmat-tat đei jơhngơ̆m ơh kư̆m wă pơlôch mơ̆n.

Horiso 109:16 Referans Kwoze

Horiso 34:18

Kră Yang oei jê̆ lu bơngai đei chhŭr nuih, Păng dŏng pơklaih lu bơhngol mă sơ'ngon kơ tơdrong yoch

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.

Horiso 37:14

Lu bơngai kơnê̆ toh đao, Păng gŭt hră lu sư, Wă blah pơrăm lu bơngai pơmat-tat hăm lu bơngai dơnuh hin, Wă pơlôch lu bơngai kiơ̆ tơdrong tơpăt.

Mathiơ 5:7

“Pŭn dêh lu bơngai mă băt mơnat kơ đe, 'Bok Kei-Dei kư̆m mơnat kơ lu sư mơ̆n.

Horiso 37:32

Lu bơngai kơnê̆ hơrum tăp kơ lu bơngai tơpăt, Wă chă pơlôch.

Horiso 10:14

Kră Yang 'bôh boih, tơdrong răm, pơmat-tat hăm tơdrong gleh, Na ti Ih pơm tơwih kơ lu sư. Lu bơngai răm-'băm jao akâu lu sư tơ Kră Yang; Kră Yang jơ̆ Tơ'ngla tơgŭm lu bơngai mơti.

Horiso 10:2

Lu bơngai kơnê̆, hăm tơdrong pơang lu sư druh lu dơnuh răm; Ăn kơ lu sư 'leh lăm hơđong mă lu sư đăk.

Bl 42:21

Lu sư khan tơduă lu sư thoi âu: Sĭt tơpă bơ̆n đei pơm yoch hăm oh bơ̆n boih; yua kơ adrol sơ̆ bơ̆n 'bôh jơhngơ̆m sư sơ'ngon, sư apinh bơ̆n mơnat, mă-lei lu bơ̆n ưh kơ mơ̆ng, thoi noh na 'nâu đei tơdrong truh kơ lu bơ̆n thoi âu.