Horiso 109:14 - Sơ̆p Hlabơar Nơ̆r 'Bok Kei-Dei

¹⁴ Ăn kơ tơdrong kơnê̆ lu 'bok sư oei tơ'blŏk 'bơ̆t anăp Kră Yang; Păng tơdrong yoch mĕ sư oei ưh kơ sut lê̆.

Horiso 109:14 Referans Kwoze

Ne 4:5

'Nĕ kơ đơ̆p lê̆ tơdrong kơnê̆ lu sư, 'nĕ kơ sŭt lê̆ tơdrong yoch lu sư 'bơ̆t anăp Ih; yua kơ 'bơ̆t anăp Ih lu bơngai man dur, lu sư tơblĕk Ih.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Je 18:23

Ơ Kră Yang, Ih băt boih, đĭ lu sư chă đon wă pơlôch inh. Apinh Ih 'nĕ pă mơnat ăn tơdrong yoch kơnê̆ lu sư, apinh Ih 'nĕ sut tơdrong yoch lu sư đơ̆ng anăp Ih. Apinh Ih ăn kơ lu sư pơ̆k 'bơ̆t anăp Ih. Apinh Ih phak lu sư lăm năr Ih hil!

Êsai 43:25

Noh, Inh kơdih 'mơ̆i sŭt lê̆ tơdrong iĕm pơm yoch păng Inh ưh pă 'blŏk dơ̆ng tơdrong yoch iĕm.

II Pot 11:1

Lăp yă Athalia, mĕ pơtao Ahasia 'bôh kon drŏ-nglo sư lôch bơih, sư iung blah hloi, pơlôch đĭ-đăng adrĕch pơtao.

II Pot 9:27

Lăp Ahasia pơtao đe Juđa 'bôh tơdrong noh na kơdâu ôn tơklă Pơlei Bet Hagan. Mă-lei, Jêhu druh 'moi sư păng khan: “Kŭm khŏm prah pơlôch sư mơ̆n.” Na lu sư răp găn prah pơtao Ahasia 'bơ̆t trong kuĕl tơklă pơlei Gur jê̆ Iblêam. Đơ̆ng noh Ahasia kơdâu tơ Pơlei Mêgiđô păng sư lôch hloi tơ noh.

II Pot 8:27

Sư năm kiơ̆ trong adrĕch adrung Ahap, pơm kơnê̆ 'bơ̆t anăp Kră Yang lei-lăi thoi Ahap hlôi pơm bơih, yua kơ sư ŏng pơtao Ahap.

II Sam 21:1

Lăm chăl Đawit đei pơngot rơwĕt tih truh tơ pêng sơnăm. Pơtao Đawit krao apinh Kră Yang; Kră Yang tơl: “Tơdrong pơngot rơwĕt truh yua kơ Sôl păng hnam dơnŏ sư đei hre pham, yua kơ Sôl đei pơlôch lu bơngai Gibeôn.”

II Sam 3:29

Thŭ pham Apner noh tuh tơ kơpal kơ̆l Jôap hăm đĭ-đăng adrĕch 'bă sư păng adrĕch sư ưh kơ đei bu huay kơ đei jĭ krơ, jĭ chin, jopo, mơ'nah lôch kơ đao, mơ'nah tơmam sa ưh mah”

Lêwi 26:39

Lu iĕm mă oei arih gô lôch ơh ol lăm char lu bơngai ayăt kơ iĕm. Yua kơ tơdrong yoch lu iĕm, kư̆m thoi tơdrong yoch lu yă 'bok iĕm sơ̆, iĕm gô lôch ơh ol thoi sư mơ̆n.

Le 34:7

Răk tơdrong 'mêm kơeng kơ lơ rơbâu jơhnơr kon bơngai, mơnat ăn tơdrong pơm kơnê̆, pơm yoch kơ tơdrong juăt mă-lei Inh ưh kơ lê̆ ôh gô phak bơngai pơm yoch păng jô̆ tơdrong yoch đơ̆ng Mĕ 'Bă sư pơm, inh gô phak truh tơ kon sâu sư dĭng truh tơ pêng puăn jơhnơr.