Horiso 107:42 - Sơ̆p Hlabơar Nơ̆r 'Bok Kei-Dei

⁴² Lu bơngai tơpăt 'bôh păng chhôk hơnôk. Gah bơngai pơm kơnê̆ lu sư pơŏm 'bơ̆r.

Horiso 107:42 Referans Kwoze

Horiso 63:11

Mă-lei pơtao gô chơt hiôk lăm Kră Yang 'Bok Kei-Dei. Bu pơkă hăm anăn Kră Yang gô pôk pơư kơ Kră Yang; Yua kơ Sư gô chĭt lê̆ 'bơ̆r lu bơngai pơma plêl.

Jop 22:19

Lu bơngai 'lơ̆ng tơpăt chơt hiôk 'bôh tơdrong phak lu bơngai pơm kơnê̆. Na bơngai ưh kơ đei yoch gô che bơle kơ lu sư,

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

Horiso 52:6

Lu bơngai tơpăt gô 'bôh păng hli, Păng hiĕk kơ sư na khan:

Tơdrông Pơđơk 10:11

Nơ̆r đơ̆ng 'bơ̆r lu bơngai tơpăt noh boih tơm tơdrong arih; Mă-lei 'bơ̆r lu bơngai pơm kơnê̆ ôn tơdrong kơnê̆.

Êsai 66:14

Lu iĕm gô 'bôh dôm tơdrong noh, na lăm jơhngơ̆m hiôk-hian, kơting lu iĕm gô bluh thoi 'nhĕt. Đe gô băt ti Kră Yang gô tơgŭm lu đĭch đam Sư, mă-lei tơdrong Sư hil mĭl gô phak lu bơngai ayăt kơ Sư.

Horiso 112:10

Lu ayăt gô 'bôh păng blĕk tơpă. Kăp hơnĕnh, đơ̆ng noh lôch hiong đĭ, Tơdrong lu bơngai pơm kơnê̆ hơpơi gô ưh kơ đei.

Le 11:7

Mă-lei, lăm đĭ-đăng kon pơlei Isơrael hiôk-hian mă đơ̆ng kon kŏ kư̆m gô ưh kơ kuăl, mă kon bơngai, mă sem dơrong; wă kơ lu iĕm băt kơ Kră Yang ăn kơ kon pơlei Isơrael hăm bơngai Êyiptơ phara.