Horiso 107:3 - Sơ̆p Hlabơar Nơ̆r 'Bok Kei-Dei

³ Lu bơngai mă đei krao akŭm boih đơ̆ng jơ̆p kơ dêh char, Đơ̆ng gah hơlĕch, gah bơmơ̆t, đơ̆ng gah yă-nơ̆m gah gơal.

Horiso 107:3 Referans Kwoze

Horiso 106:47

Ơ Kră Yang, 'Bok Kei-Dei lu nhôn, apinh Ih dŏng pơklaih lu nhôn. Akŭm pơpôi lu nhôn đơ̆ng jơ̆p kơ dêh char. Wă kơ lu nhôn bơnê ư-ang kơ anăn 'lơ̆ng rơgoh Ih păng gơh oei hiôk hơri kơkuh kơ Ih.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.

Je 29:14

Kră Yang khan: “Inh gô ăn kơ lu iĕm tơ'bơ̆p Inh păng Inh gô iŏk chông anhăk pơdrâu lu iĕm brŏk đơ̆ng pơm bơnă.” Kră Yang khan: “Inh gô akŭm pơđĭ lu iĕm đơ̆ng jơ̆p kơ dêh char, đơ̆ng rim pơlei pơla mă Inh đei puh lu iĕm tơ noh păng gô iŏk anhăk lu iĕm wih brŏk tơ teh đak mă đêl Inh puh iĕm đơ̆ng noh sơ̆.”

Êsêkiên 39:27

Kơplah Inh chông lu sư wih brŏk đơ̆ng lu kon pơlei, pơpôi akŭm đơ̆ng teh đak lu ayăt kơ lu sư Inh yua lu sư gô tơ'bôh tơdrong 'lơ̆ng rơgoh Inh 'bơ̆t anăp lơ lu dêh char.

Êsêkiên 36:24

Inh gô dui iŏk lu iĕm đơ̆ng lăm lu dêh char akŭm pơpôi lu iĕm đơ̆ng jơ̆p kơ teh đak, ba lu iĕm wih brŏk oei tơ char lu iĕm kơdih.

Je 31:10

Mơ̆ng bĕ nơ̆r Kră Yang, ơ kon bơngai jơ̆p kơ dêh char; Ră roi bĕ nơ̆r âu tơ jơ̆p pơlei lăm bŏl đak dơsĭ ataih khan: ‘Kră Yang Tơ'ngla mă pơm ăn kơ adrĕch Isơrael tơklah tơklang, Sư wă akŭm pơpôi ba wih brŏk dơ̆ng, Sư gô wei thoi bơngai wei khŭl triu sư.’

Je 31:8

'Nâu, Inh gô chông lu sư brŏk đơ̆ng char gah yă-nơ̆m, Inh akŭm pơpôi lu sư đơ̆ng tôch kơ teh đak. Lăm lu sư đei bơngai măt tol, bơngai hơwen, lu drŏ-kăn oei anăp păng drŏ-kăn wă tơpŭ, minh khŭl tơpôl lơlap tơpă gô wih brŏk tơ âu.

Both 30:3

Na Kră Yang 'Bok Kei-Dei iĕm gô dŏng pơklaih iĕm đơ̆ng pơm đĭch păng gô chông ba iĕm brŏk. Kră Yang gô mơnat păng akŭm pơpôi lu iĕm đơ̆ng rim anih mă Sư pơm kơ iĕm tơklah tơklang.

Êsêkiên 20:34

Inh gô chông tơlĕch lu iĕm đơ̆ng lu kon pơlei păng akŭm lu iĕm đơ̆ng lu dêh char mă Inh ăn lu iĕm tơklah tơklang hăm tơpang ti pran kơtang Inh gô yơ̆r ti tơ kơpal păng gô tuh tơdrong hil mĭl.

Êsai 56:8

Kră Yang Tih Hloh, Tơ'ngla krao akŭm kon pơlei Isơrael đơ̆ng tơklah tơklang khan thoi âu: Kon pơlei mă lu sư akŭm bơih, Inh gô wă krao akŭm dơ̆ng lu kon pơlei nai brŏk hăm sư.

Êsai 49:12

Lăng to lu sư gô truh đơ̆ng ataih; mơ'nah gô truh đơ̆ng gah yă-nơ̆m, lu mơ'nah gô truh đơ̆ng gah bơmơ̆t păng lu bơngai nai dơ̆ng đơ̆ng dêh char Sinim.a

Êsai 54:7

Inh achăng hŭt iĕm lăp minh kơchon; mă-lei hăm tơdrong 'mêm mơnat tih Inh gô sơng iŏk iĕm brŏk.