Horiso 104:4 - Sơ̆p Hlabơar Nơ̆r 'Bok Kei-Dei

⁴ Sư yua kial pơm bơngai pơtruh nơ̆r Sư. Pla ŭnh pơm đĭch đam Sư.

Horiso 104:4 Referans Kwoze

Hêbrơ 1:7

Na Sư khan dơ̆ng gah lu linh jang Sư khan: “Inh ăn kơ lu linh jang mă pơm đam Inh, jang hơbĕch dang kial hơbal dang pla ŭnh.”

II Pot 2:11

Kơplah bre sư oei nơnăm rah pơma dơnuh rah na 'bôh đei minh pôm gre aseh ŭnh păng aseh kư̆m ŭnh jur plah tơklah lê̆ bre sư; Êli phŭt gơhnŏk pôk ba sư tŏk tơ plĕnh.

II Pot 6:17

Đơ̆ng noh, Êlisê krao khan thoi âu: “Ơ Kră Yang apinh ih pơih ăn măt đĭch đam inh wă kơ sư gơh 'bôh.” Kră Yang pơih ăn măt đam noh, na sư 'bôh rơwơ̆nh rơwănh kơ aseh 'bĕnh kơ kông păng gre aseh ŭnh tăp tang kơ Êlisê.

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.

Horiso 148:8

Ơ ŭnh păng 'mi prĕl, prĕl păng hơmơ̆l. Kial hơbŭt chu kiơ̆ Sư athei.

Êsêkiên 1:13

Akâu lu kon sem arih noh nhen thoi ngar ŭnh khơ̆ng thoi hơchô̆ 'long ŭnh khơ̆ng năm rŏng anăp tŏk-bŏk lu kon sem arih noh; ŭnh hơdah păng đei kơmlat đơ̆ng ŭnh lĕch hơdah

Jang 23:8

Đơ̆ng sơ̆ lu bơngai Pharisi khan kon bơngai gô iung arih đơ̆ng lôch ning-mônh. Na lu bơngai Sađusê khan ưh. Lu bơngai Pharisi khan đei linh jang 'lơ̆ng păng lu yang nai. Lu bơngai Sađusê khan ưh kơ đei ôh, đei 'Bok Kei-Dei đĕch. Yua kơ thoi noh na lu sư pơjah dih băl.

Sa 6:5

Linh jang khan dơ̆ng kơ inh: “Noh kiala đơ̆ng plĕnh, lĕch đơ̆ng lăm anih lu sư 'bơ̆t anăp Kră Yang mă Kră Yang kơ đĭ-đăng teh đak.