Horiso 104:35 - Sơ̆p Hlabơar Nơ̆r 'Bok Kei-Dei

³⁵ Ăn kơ lu bơngai yoch lôch hiong đĭ đơ̆ng teh đak. Păng lu bơngai pơm kơnê̆ pă đei dơ̆ng, Ơ bơhngol inh hơri bơnê bĕ kơ Kră Yang: Halêluya!

Horiso 104:35 Referans Kwoze

Horiso 103:22

Hơri bơnê bĕ kơ Kră Yang! Ơ dôm lu sem tơmam mă Kră Yang pơjing, Lăm jơ̆p anih teh đak Sư, Ơ bơhngol inh, hơri bơnê bĕ kơ Kră Yang!

Horiso 37:38

Gah lu bơngai yoch lu sư gô pŭ tơdrong răm hơdai; Tơdrong chơt hiôk đe gô pơrăm đĭ tơ anăp lu bơngai kơnê̆.

Tơdrông Pơđơk 2:22

Mă-lei lu bơngai kơnê̆ đe pơlôch lê̆ đơ̆ng teh đak, Păng lu bơngai hơlĕnh pơdăr gô buch lê̆ đơ̆ng teh noh.

Horiso 106:48

Kơkuh bơnê kơ Kră Yang 'Bok Kei-Dei Isơrael. Đơ̆ng blŭng-a adrol kơ đĭ-đăng dĭng truh tơ ning-mônh ling-lang! Đĭ kon pơlei pơla gô khan “A-men”! Halêluya!

Horiso 105:45

Wă kơ lu sư bơwei tơdrong Kră Yang tơtă Păng pơm kiơ̆ dôm khôi juăt Sư Halêluya!

Horiso 101:8

Lăm rim pơgê inh gô pơlôch pơđĭ lu bơngai pơm kơnê̆ lăm tơring. Wă pơrăm lê̆ lu bơngai pơm kơnê̆, đơ̆ng pơlei Kră Yang.

Horiso 59:13

Apinh Kră Yang hil păng pơlôch lu sư, tơpă pơlôch pơrăm đĭ lu sư. Wă kơ lu sư ưh pă đei dơ̆ng; Ăn kơ kon bơngai băt Kră Yang 'Bok Kei-Dei wei-lăng păng pơgơ̆r? Jakôp! Truh tơ tôch teh đak. Sêla

Horiso 1:4

Lu bơngai kơnê̆ ưh kơ đei thoi noh; Lu sư thoi hơnong 'ba kial pơđông.

Horiso 73:27

To lu bơngai ataih đơ̆ng Ih gô hiong răm; Ih gô pơrăm lê̆ lu bơngai kuă kơ chu Ih.

Lu 5:31

Ơ Kră Yang, Ăn đĭ kơ lu ayăt kơ Ih lôch hiong răm thoi noh! Apinh Ih ăn kơ lu bơngai mă 'mêm kơ Ih gơh thoi măt 'năr, Lĕch hơdah hơdong! Đơ̆ng noh, dêh char noh đei hiôk-hian lăm puăn-jĭt sơnăm.

Horiso 104:1

Ơ bơhngol inh hơri bơnê bĕ kơ Kră Yang! Ơ Kră Yang 'Bok Kei-Dei inh. Ih Tih tơpă. Ih hrŭk boih tơdrong ư-ang păng krưp rŏ tơpă!

Horiso 145:20

Kră Yang wei-lăng lu bơngai mă 'mêm kơ Sư, Mă-lei gô pơlôch pơrăm lu bơngai pơm kơnê̆.

Êsai 13:9

'Nâu năr Kră Yang truh bơih, năr kơnê̆ krưp đei tơdrong hil mĭl kơtang, wă pơrăm teh âu jing juơ păng pơlôch lu bơngai pơm kơnê̆ đơ̆ng lăm noh.