Horiso 103:21 - Sơ̆p Hlabơar Nơ̆r 'Bok Kei-Dei

²¹ Hơri bơnê bĕ kơ Kră Yang! Ơ lu linh Kră Yang, đĭch đam pơm kiơ̆ nơ̆r Sư.

Horiso 103:21 Referans Kwoze

I Pot 22:19

Mikai tơl: “Thoi noh, mơ̆ng bĕ nơ̆r Kră Yang khan: Inh 'bôh Kră Yang hơ-oei kơpal tang-dŏ pơtao păng đĭ-đăng linh jang 'lơ̆ng dơ̆ng awih awăn gah 'ma gah 'ngiĕo kơ Sư.

Luka 2:13

Klaih kơ noh lu sư 'bôh blư bla linh jang 'lơ̆ng lơ tơpă dơ̆ng hơdai păng buăl sư mă jur hơdrol. Lu sư hơri bơnê kơ Kră Yang 'Bok Kei-Dei thoi âu:

Horiso 104:4

Sư yua kial pơm bơngai pơtruh nơ̆r Sư. Pla ŭnh pơm đĭch đam Sư.

Ne 9:6

Ơi! Minh 'nu Kră Yang đĕch, ưh kơ đei 'bar nai. Ih boih Kră Yang pơjing kơ lu tăl plĕnh păng lu hơtăl plĕnh hăm lu linh jang 'lơ̆ng kơpal plĕnh, kơtuăl teh păng lu tơmam kơpal teh, đak dơsĭ păng dôm lu kon sem brem lăm noh; Ih wei rong lu tơmam noh păng dôm lu linh kơpal plĕnh kư̆m kơkuh, pơyom kơ Ih.

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.

Jôsuê 5:14

Sư tơl: Ưh, Inh Yŏng Linh Kră Yang. Jôsuê drap tơ teh kŭp kơ̆l kơkuh: Jet “Kră Yang athei đĭch đam Ih 'nâu pơm kiơ?”

Bl 32:2

Kơplah Jakôp 'bôh lu đe ei, sư khan: Noh kơđông linh Kră Yang 'Bok Kei-Dei! Sư krao anăn anih noh Mahanaim.a

Horiso 68:17

Gre aseh Kră Yang 'Bok Kei-Dei 'bar hơngan. Lơ rơbâu hơngan, Kră Yang oei tơ lăm gre ei, năm đơ̆ng kông Sinai mơ̆t lăm anih rơgoh.

Horiso 33:6

Lu plĕnh mă đei pơjing đơ̆ng nơ̆r Kră Yang. Đĭ lu linh tơ plĕnh đơ̆ng hơyuh dui jơhngơ̆m đơ̆ng 'bơ̆r Sư na đei.

II Ho 18:18

Mikaia pơma dơ̆ng: “Thoi ei mơ̆ng bĕ nơ̆r Kră Yang khan: Inh 'bôh Kră Yang hơ-oei tơ kơpal tang-dŏ pơtao Sư, lu linh jang đĭ-đăng dơ̆ng kơkuh 'bar pah gah 'ma păng gah 'ngiĕo.