Horiso 101:5 - Sơ̆p Hlabơar Nơ̆r 'Bok Kei-Dei

⁵ Inh gô ngăn hreh kơ lu đe mă pơma roi 'bơm lu rông 'bôt. Gah lu bơngai đei măt pơrŏ păng jơhngơ̆m pơang, Inh ưh kơ lăp ôh.

Horiso 101:5 Referans Kwoze

Horiso 18:27

Yua kơ Ih dŏng tơgŭm lu bơngai iŏk đon ala; Mă-lei Ih gô tơjur lu bơngai pơang.

Horiso 15:3

Bu mă hơpiĕt huay kơ hơwơ̆t kư̆ kă, Ưh kơ đei pơrăm bôl buăl, Ưh kơ đei pơm mơlâu kơ lu rông 'bôt;

Tơdrông Pơđơk 30:13

Đei khŭl bơngai muh măt lu sư pơm pơrŏ, Tưk kơnur pơang dêh.

Horiso 50:20

Ih pơma kơnê̆ kơ lu 'nhŏng oh pơma hơlĕnh kơ kon drŏ-nglo mĕ ih.

Tit 2:3

Păng ih bơtho khan kơ lu yă kră athei sư iŏk đon tơpăt, khă lu sư 'nĕ pă bâu roi đe, 'nĕ kơ et sik suai. Păng athei lu sư bơtho lu drŏ-kăn oei moh mă trŏ wă kơ lu sư 'mêm mơnat kơ lu kon klo sư.

I Kor 5:11

Kơthơ inh chih kơ iĕm ki, inh khă kuă ăn iĕm tơbôl păng bơngai mă lui ră, mă sư ưh kơ kiơ̆ tơdrong lui tơpă. Sư oei pơm pơyô kư̆ kă, sư oei 'nhĕng kơ mŭk tơmam đe, sư kơkuh kơ rup yang, sư oei hiĕk achơ̆ kơ đe ling-lang, sư oei et sik suai, sư oei tơtông mŭk tơmam đe; dôm lu bơngai thoi noh inh kuă ăn iĕm tơbôl păng kuă ăn sŏng sa hơdai.

Luka 18:14

Na Yêsu khan dơ̆ng: “Inh khan kơ iĕm tơpă, lăp bơngai mă iŏk jên thuê̆ noh brŏk tơ hnam, 'Bok Kei-Dei jô̆ sư klaih đơ̆ng tơdrong yoch boih. Bơngai Pharisi noh 'Bok Kei-Dei ưh kơ jô̆ kơ sư khan klaih đơ̆ng tơdrong yoch ôh, yua kơ bơngai bu pơang akâu kơdih, sư ei gô mơlâu; bơngai bu pơma sơdrĭ tơ ala kơ 'Bok Kei-Dei, na sư 'nei boih 'Bok Kei-Dei 'brơ̆k mơnat tơiung sư.”

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Tơdrông Pơđơk 20:19

Lu bơngai yak ưh kơ tơklă wă pơdah tơdrong hlơp; Thoi ei lei 'nĕ pă pơm buăl hăm bơngai 'bơ̆r 'bơ̆t 'nguaih.

Êsêkiên 22:9

Lăm ih đei bơngai chă đon hơlĕnh chă pơlôch tuh pham, sa tơmam đe soi kơ yang tơ kơpal kông; arih sa pơm pơyô kư̆ kă.

Êsai 2:11

Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Tơdrông Pơđơk 25:23

Kial đơ̆ng yă-nơ̆m ba đak 'mi. Hơpiĕt ayơ roi sa pơma krŭl pơm kơ đe blĕk.

Tơdrông Pơđơk 10:18

Bơngai bu ôn tơdrong hil areh gô lĕch nơ̆r 'bơ̆r pơma hơlĕnh. Păng bơngai bu chă roi sa jing bơngai kơtul.

Horiso 138:6

Mă khan, Kră Yang tih-tin. Kŭm oei lăng ba lu bơngai răm-'băm. Gah lu bơngai pơang, Sư băt lê̆ đơ̆ng adrol boih.

I Sam 2:3

Thôi, 'nĕ pă pơma pơang dêh. 'Nĕ pă ăn tơdrong pơang lĕch đơ̆ng 'bơ̆r ih; Yua kơ Kră Yang bơih 'Bok Kei-Dei băt đi; Sư boih kŏng pơtŏ lăng đĭ tơdrong bơ̆n jang.

Lêwi 19:16

'Nĕ kơ roi sa pơma 'bơm, 'nĕ chă tơdrong wă pơm kơnê̆ kơ rông 'bôt ih, Inh bơih Kră Yang.

Le 23:1

Ih 'nĕ kơ chă roi hơlĕnh, kư̆m 'nĕ kơ pôm đon kiơ̆ lu bơngai kơnê̆ wă roi hơlĕnh.

Le 20:16

'Nĕ pơm kơdranh hơlĕnh kơ bôl buăl.

I Tim 3:11

Lu bơngai drŏ-kăn wă jang lăm hnam 'Bok Kei-Dei, sư kư̆m athei pơm mă 'lơ̆ng tơpăt mơ̆n; 'nĕ kơ pơma plĕch kơ đe, 'nĕ kơ et sik suai. Sư athei pơm tôm tơdrong 'lơ̆ng tơpăt ngăl.

Tơdrông Pơđơk 21:4

Măt lăng pơrŏ, păng jơhngơ̆m pơang, Ŭnh kơđeng lu bơngai kơnê̆, tă kơ yoch ngăl.