Horiso 101:3 - Sơ̆p Hlabơar Nơ̆r 'Bok Kei-Dei

³ Inh ưh kơ ăn minh tơdrong kiơ kơnê̆ 'bơ̆t muh măt inh. Inh areh kơ tơdrong jang lu bơngai achăng lê̆ Ih: Tơdrong noh ưh kơ 'bơm tơ inh.

Horiso 101:3 Referans Kwoze

Horiso 119:37

Apinh Ih pơdăr măt inh wă kơ huay lăng lu tơdrong ưh kơ yua. Ăn kơ inh gơh arih kiơ̆ lăm lu trong Ih.

Jop 31:1

Inh đei pơgơ̆p hăm măt inh; Inh ưh pă lăng tơ bơngai adruh hle.

Tơdrông Pơđơk 6:25

Ih 'nĕ hưch kơ akâu sư 'lơ̆ng hơbŏ, Phŏ kơnh măt ih pơ̆k huŏng kơ tơdrong sư pơhlŭ.

Mathiơ 5:28

Na Inh bơtho iĕm dang ei thoi âu: Bơngai bu 'bôh drŏ-kăn, rŏ kơ ngôi hăm sư, bơngai 'noh yoch boih, bơngai 'noh dang lĕ pơm kư̆ kă hăm drŏ-kăn boih.

Horiso 40:4

Pŭn dêh kơ đe bu mă gơnang kơ Kră Yang. Ưh kơ kiơ̆ lu bơngai pơang Păng lu bơngai chă yang glăi!a

Le 20:17

'Nĕ 'nhĕng kơ hnam đe, kư̆m lê̆ kơ 'nhĕng akăn đe, dah đĭch đam drŏ-nglo, drŏ-kăn, rơmo, aseh, dah mŭk tơmam đe.

Both 15:9

Kơchăng bĕ, 'nĕ kơ răk mong tơchĕng kơnê̆ 'nâu: Sơnăm mă tơpơh jơ̆ sơnăm ăn rơngei wă truh boih! Kơchăng bĕ, wă kơ iĕm huay kơ đei jơhngơ̆m kơnê̆ hăm lu 'nhŏng oh iĕm bơngai dơnuh hin, ưh kơ ăn lu sư gơh tŏk iŏk kiơ, kơnh lu sư krao ôr Kră Yang tơmăk kơ iĕm, iĕm gô đei tơdrong yoch.

II Pet 2:21

Dah sư ưh tam kơtơ̆ng đe bơtho tơdrong 'Bok Kei-Dei, noh pha. 'Nâu sư băt boih mă sư achăng lê̆ tơdrong 'lơ̆ng tơpăt 'Bok Kei-Dei.

Galati 4:9

Dang ei iĕm chă Kră Yang 'Bok Kei-Dei 'bôh boih; mă tơpă ưh kơ sĭ bơ̆n chă Sư ôh, Sư krao bơ̆n. Thoi noh boih na yua kơ kiơ iĕm wă kiơ̆ dơ̆ng tơdrong juăt kon bơngai? Kiơ̆ kơ tơdrong juăt noh ưh kơ yua kiơ ôh, ưh kơ đei tơgŭm minh tơdrong kiơ wă kơ bơ̆n yua ôh. Na lơliơ iĕm wă jing đĭch tơdrong juăt kon bơngai bơ̆n dơ̆ng?

Rom 12:9

Bơ̆n 'mêm kơ bôl athei 'mêm mă tơpă, areh kơ tơdrong kơnê̆, athei adrin chă tơdrong 'lơ̆ng.

Je 22:17

Mă-lei măt păng jơhngơ̆m ih 'maih chă lơi, pơlôch lu bơngai ưh kơ đei yoch, păng 'maih chă rôp pơgŏ pơjuă pơđep pơm kơnê̆ dêh.

Bôk Bơthô 6:9

Tơdrong kiơ măt 'bôh sư 'lơ̆ng, sư hloh kơ chă hơpơi rŏ. Noh kư̆m tơdrong kơđei.

Jôsuê 23:6

Thoi noh athei chơ̆n jơhngơ̆m kơjăp păng pơm kiơ̆ mă pơ'lơ̆ng wei răk dôm tơdrong đei chih lăm sơ̆p hla bơar khôi juăt Môis boih, 'nĕ pă weh tơ 'ma dah tơ 'ngiĕo.

Hêbrơ 10:39

Mă-lei bơ̆n ưh kơ sĭ kơ bơngai mă lêl kơdŭn tơ rŏng wă kơ hiong tơdrong arih ôh, bơ̆n bơngai nuih, bơngai lui kơjăp wă dŏng akâu kơdih gơh arih ling-lang.

Horiso 119:113

Inh areh kơ lu bơngai đei jơhngơ̆m 'bar pah. Mă-lei 'mêm kơ khôi juăt Ih.

Horiso 78:41

Lu sư lơ wơ̆t pơlong lăng Kră Yang 'Bok Kei-Dei, Pơjah păng Kră Yang 'lơ̆ng rơgoh lu bơngai Isơrael.

Horiso 14:3

Đĭ-đăng weh tơklah băl, lu sư hiong răm đĭ. Ưh kơ đei bu pơm 'lơ̆ng, Hoh-hoy 'nhŏ kơ minh 'nu.

Le 32:8

lu sư đĭ hăt kơ tơklah boih đơ̆ng trong Inh đei tơtă ăn kơ lu sư. Lu sư man pơm rup kon rơmo kơdih lu sư bơih, lu sư kơkuh păng pơyơ̆r tơmam soi kơ rup noh, klaih kơ noh lu sư khan; Ơ bơngai Isơrael, 'nâu yang ih, tơ'ngla mă đei chông tơlĕch ih đơ̆ng char Êyiptơ!

Mi 2:2

Lu sư 'ngeng kơ mir chŭn na tơgar iŏk. 'Ngeng kơ hnam đe păng tơgar iŏk hloi mŭk tơmam sư.

Êsai 33:15

Lu bơngai arih kiơ̆ trong 'lơ̆ng tơpăt, pơma tơpăt, areh kơ tơdrong pơjuă sa tơmam đe. Hơpuih ti sư ưh kơ chro iŏk tơmam kơnê̆ đe apah, đon sư ưh kơ wă mơ̆ng tơdrong pơlôch băl, măt sư ưh kơ wă lăng tơdrong kơnê̆.

Êsai 30:11

Weh bĕ trong nai, tơklah bĕ đơ̆ng trong noh lê̆ pă roi gah Tơ'ngla 'Lơ̆ng Rơgoh đe Isơrael, weh bĕ đơ̆ng muh măt lu nhôn.”

Horiso 39:1

Inh khan: “Inh gô bơwei tơdrong arih sa inh, Wă kơ inh yua hơpiĕt inh, huay kơ pơma yoch, Kơplah lu bơngai kơnê̆ oei dơ̆ng 'bơ̆t anăp inh, Inh gô iŏk 'bông pơhơ̆p lê̆ 'bơ̆r inh.”

Horiso 125:5

Mă gah lu bơngai hơlơ̆k kiơ̆ lu trong kơnê̆, Kră Yang gô puh lu sư hơdai lu bơngai pơm kơnê̆. Ăn tơdrong hiôk-hian kơ lu bơngai Isơrael!

Horiso 97:10

Ơ lu bơngai mă 'mêm kơ Kră Yang areh bĕ kơ tơdrong kơnê̆; Sư wei wêr tơdrong arih bơngai 'lơ̆ng rơgoh Sư. Păng dŏng pơklaih lu sư đơ̆ng ti lu bơngai pơm kơnê̆.

Horiso 78:57

Lu sư plơ̆ pơm kơnê̆ thoi 'bok yă lu sư sơ̆. Lu sư weh thoi 'brơ̆m hră đŏng.

Horiso 36:3

Lu nơ̆r lĕch đơ̆ng 'bơ̆r sư tă kơnê̆ hơlĕnh ngăl ưh pă pơm tơdrong tơpăt pơm 'lơ̆ng trŏ.

I Sam 15:11

Inh hmach dêh pôk boih Sôl pơm pơtao; yua kơ sư achăng lê̆ Inh, ưh kơ pơm kiơ̆ nơ̆r Inh. Samuel blĕk krao khan kơ Kră Yang prăt măng.

Both 13:17

Dôm tơmam trŏ kơ đe pơrăm tơhiong ưh kơ đei bu mă chro ti iŏk ôh wă kơ Kră Yang huay kơ hil mĭl, na tơ'bôh tơdrong Sư 'mêm mơnat kơ iĕm ăn kơ iĕm hrôh ngôh rai lơ thoi sư đei pơkă pơkăm hăm lu 'bok iĕm sơ̆.

I Yo 2:19

Lu bơngai ayăt kơ Yêsu Krist dang ei, tơm hmơm sơ̆ sư khan sư wă bôl lu bơngai lui tơpă, mă dang ei sư achăng tŭk lu bơ̆n bơngai lui. Dah sư bôl bơ̆n bơngai lui tơpă lei sư bôl bơ̆n ling-lang ưh kơ đei layơ tŭk. Na dang ei sư achăng tŭk bơ̆n tơpă boih, noh bơ̆n băt lơ̆m lu sư ưh kơ đei bu buăl bơ̆n.

Horiso 41:9

Truh tơ buăl inh juăt, d Mă inh gơnang bơngai mă sa boih 'bĕng inh, Kŭm hiŏng kơnơl wă 'lơ̆r inh.

Horiso 139:22

Inh areh kơ lu sư, areh dêh tơpă. Lăng lu sư jing ayăt kơ inh.

Tơdrông Pơđơk 6:12

Bơngai bu arih hăm 'bơ̆r kơnê̆, Lu bơngai răm, lu bơngai pơm kơnê̆.

Tơdrông Pơđơk 6:13

Kơtrơ̆m jơ̆ng wă tơbăt sư lăng măt cheng wă tơ'bôh, Iŏk hơnglâu tơhlâu pơm tơdra;

Tơdrông Pơđơk 8:13

Băt hli yom kơ Kră Yang jing areh kơ tơdrong kơnê̆, Inh areh kơ tơdrong pơrŏ, pơang tơdrong pơma kơnê̆, ưh kơ tơpăt.

Sa 8:17

'Nĕ chă tơdrong kơnê̆ lăm jơhngơ̆m 'nĕ kơ tơhil hăm lu rông 'bôt; păng 'nĕ kơ pơma hơlĕnh, yua kơ noh jơ̆ tơdrong mă Inh areh.” Kră Yang khan thoi noh.