Hêbrơ 8:8 - Sơ̆p Hlabơar Nơ̆r 'Bok Kei-Dei

⁸ Kơlih kơ thoi noh na Kră Yang hil kơ lu bơngai Isơrael ưh kơ pơm kiơ̆ tơdrong pơgơ̆p so: Kră Yang khan thoi âu: “Ning-mônh Inh gô pơjing tơdrong pơgơ̆p 'nao kơ lu bơngai Juđê hăm đĭ kơ lu bơngai Isơrael nai.

Hêbrơ 8:8 Referans Kwoze

Hêbrơ 12:24

Bơ̆n gô năm truh tơ Yêsu tơ'ngla mă pơm 'long sơlam kơ bơ̆n kiơ̆ kơ tơdrong pơgơ̆p 'nao. Pham Sư pơklaih bơ̆n đơ̆ng tơdrong yoch. Pham Sư noh 'lơ̆ng hloh kơ pham Abel sơ̆ yua kơ pham Abel tơ'bôh kơ đe gah tơdrong pơm tơwih kơ 'nhŏng sư pơlôch sư đĕch.

Je 32:40

Inh gô pơgơ̆p hăm lu sư ling-lang hlŏng hloi; Inh ưh pă wă lê̆, dah lu sư ưh pă ăn pŭn hiôk kơ lu sư; Inh kư̆m wă pơm ăn kơ jơhngơ̆m lu sư băt hli yom kơ Inh, wă kơ lu sư ưh pă achăng lê̆ Inh.

Hêbrơ 9:15

Thoi noh bơ̆n băt lăp pôm Yêsu đĕch boih gơh pơm 'long sơlam kơ bơ̆n kiơ̆ tơdrong pơgơ̆p 'nao, wă kơ đĭ-đăng lu bơ̆n bơngai mă 'Bok Kei-Dei krao iŏk, gô đei tơdrong Sư pơkă wă ăn kơ bơ̆n ning-mônh ei. Dôm lu bơngai noh gơh klaih đơ̆ng tơdrong yoch đêl kiơ̆ tơdrong pơgơ̆p so, yua kơ Yêsu lôch huai iŏk sư.

II Kor 3:6

Sư ăn kơ nhôn pran kơtang gơh jang tơdrong pơgơ̆p 'nao, tơdrong Yêsu Krist pơgơ̆p bơ̆n hăm 'Bok Kei-Dei. Tơdrong noh ưh kơ đei chih tơ tơmo lat thoi tơdrong 'Bok Kei-Dei pơkă hơdrol sơ̆ ôh, tơdrong noh Yang Bơhngol 'Lơ̆ng tơgŭm. Tơdrong chih tơ tơmo lat phak pơlôch kon bơngai. Yang Bơhngol 'Lơ̆ng ưh ôh. Sư ling-lang ăn kon bơngai arih.

I Kor 11:25

Kư̆m thoi noh mơ̆n đơ̆ng rŏng kơ sŏng sa Sư iŏk minh pôm kơchŏk đak hơmu păng khan: “Kơchŏk đak hơmu âu boih pham Inh wă lĕch tang ăn lu iĕm. Thoi noh na 'Bok Kei-Dei pơklaih iĕm đơ̆ng tơdrong yoch. Rim wơ̆t iĕm huch đak âu wă kơ iĕm 'blŏk hơdơ̆r kơ Inh.”

Luka 22:20

Kư̆m thoi noh mơ̆n, đơ̆ng rŏng kơ sŏng sa Sư iŏk minh pôm kơchŏk đak hơmu păng khan: “Kơchŏk đak hơmu âu boih pham Inh wă lĕch tang ăn kơ lu iĕm. Thoi noh na 'Bok Kei-Dei gô pơklaih iĕm đơ̆ng tơdrong yoch.

Êsêkiên 37:26

Inh gô pơm tơdrong pơgơ̆p hiôk-hian hăm lu sư, noh pơgơ̆p ling-lang lu sư hăm Inh, Inh gô ăn kơ lu sư jing rai lơ. Inh gô 'măn anih rơgoh Inh tơ lăm lu sư ling-lang hlŏng hloi.

Je 31:38

Kră Yang khan: “Gô đei 'năr, pơlei tih đe gô pơdơ̆ng dơ̆ng kơ Inh đơ̆ng Hnam Thôt Hananêl truh tơ 'Măng Jang Mum.

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Markôs 14:24

Na Yêsu khan kơ lu sư: “Đak hơmu âu boih pham Inh wă lĕch tang ăn lơ bơngai na 'Bok Kei-Dei pơklaih tơdrong yoch lu sư.

Je 31:27

Kră Yang khan: “Lăm năr tơ anăp âu kơnh Inh gô rei adrĕch kon bơngai hăm adrĕch sem dơrong lăm char Isơrael păng char Juđa.

Je 30:3

Kră Yang khan: “Gô đei năr, Inh gô chông ba kon pơlei Inh bơngai Juđa păng Isơrael wih brŏk đơ̆ng pơm bơnă. Kră Yang khan: “Inh gô ba lu sư brŏk iŏk teh đak mă Inh đei ăn boih kơ lu yă 'bok lu sư.”

Je 23:7

Kră Yang khan: “Lei na gô đei năr truh tơ anăp, kơplah noh đe ưh pă đei pơma pơkăm pơkă thoi âu dơ̆ng: ‘Sĭt tơpă thoi Kră Yang arih, Kră Yang mă đei pơklaih adrĕch adrung Isơrael đơ̆ng char Êyiptơ.’

Je 23:5

Kră Yang khan: “Năr gô truh tơ anăp âu, Inh gô tơiung đei minh pôm dơng tơpăt chăt đơ̆ng adrĕch Đawit, Sư pơm pơtao pơgơ̆r gơh hơgei, pơm tơdrong 'lơ̆ng tơpăt hơnơ̆ng lăm teh đak.

Luka 17:22

Klaih kơ noh Yêsu khan kơ lu bơngai pơhrăm păng Sư: “Ning-mônh iĕm chang gô Inh Kon Bơngai jur dơ̆ng păng khan: ‘Ô kuă kơ kiơ Yêsu jah jur dang ei lah?’ Mă-lei kơplah ei kơnh iĕm tam mă 'bôh Inh jur ôh.

Mathiơ 26:28

đak hơmu âu boih pham Inh wă lĕch tang ăn lơ bơngai, na 'Bok Kei-Dei pơklaih tơdrong yoch.

Both 29:14

Kră Yang krao lu iĕm wă kơ lu iĕm pơkă wă pơm kiơ̆ dôm tơdrong pơgơ̆p mă Kră Yang đei pơm, ưh kơ sĭ lu bơ̆n đĕch ôh wă khan ưh kơ lăp dôm lu bơ̆n dơ̆ng tơ âu 'bơ̆t anăp Kră Yang 'Bok Kei-Dei lu bơ̆n đĕch ôh.

Hêbrơ 7:22

Thoi noh na bơ̆n băt kơ Yêsu pơgơ̆p bơ̆n kơ 'Bok Kei-Dei dang ei hiôk hloh kơ lu 'bok soi noh pơgơ̆p sơ̆.

Hêbrơ 8:6

Mă-lei 'Bok Kei-Dei ăn kơ Yêsu đei tơdrong jang tih hloh kơ tơdrong jang lu 'bok soi noh. Rai pơthim dơ̆ng kơ Sư pơm 'long sơlam pơgơ̆p kon bơngai kơ 'Bok Kei-Dei. Tơdrong pơgơ̆p noh 'lơ̆ng hloh kơ tơdrong pơgơ̆p so, yua kơ Sư pơkă wă tơgŭm bơ̆n dang ei 'lơ̆ng hloh.

Hêbrơ 8:13

'Bok Kei-Dei pơma dơ̆ng gah tơdrong pơgơ̆p 'nao, Sư jô̆ kơ tơdrong pơgơ̆p hơdrol sơ̆ thoi lĕ kơ so boih. Tơdrong kiơ so, tơdrong noh wă jê̆ hiong tôch boih.

Luka 5:38

Tơ̆ng bu wă tring sư athei tring mong sik 'nao tơ kơdŭng akar 'nao, yua kơ kơdŭng akar 'nao 'noh kơjăp.