Hêbrơ 7:28 - Sơ̆p Hlabơar Nơ̆r 'Bok Kei-Dei

²⁸ Tơdrong juăt sơ̆ 'Bok Kei-Dei pôk kon bơngai pơm 'bok soi tih, pôk tă kơ lu kon bơngai bơ̆n rơdu tơrăn ngăl. Mă-lei đơ̆ng rŏng kơ 'Bok Kei-Dei ăn tơdrong juăt noh, 'Bok Kei-Dei pơkă kơjăp tơpă pôk Kon Sư kơdih pơm 'bok soi hloi, Kon Sư pơm tôm tơdrong 'blep trŏ ling-lang.

Hêbrơ 7:28 Referans Kwoze

Hêbrơ 2:10

'Bok Kei-Dei pơjing tôm tơdrong. Tôm tơdrong Sư pơjing, noh Sư wă kơ đe ư-ang kơ Sư. Thoi noh na trŏ kơ Sư ăn kơ Yêsu đei tơdrong pơmat-tat, wă kơ Yêsu iŏk tôm tơdrong thoi kon bơngai bơ̆n wă kơ Sư gơh anhăk ba lơ bơngai klaih đơ̆ng tơdrong yoch. Thoi noh na đĭ-đăng lu kon Sư nai kư̆m hiôk lei-lăi thoi Yêsu.

Hêbrơ 7:21

Tơdrong noh lăm sơ̆p hla bơar 'Bok Kei-Dei đei khan thoi âu: “Inh Kră Yang, Inh pao anăn Inh kơdih pơkă kơjăp tơpă, Inh ưh kơ gơh lê̆ ôh tơdrong pơkă noh.” Tơdrong pơkă noh Sư khan kơ Kon Sư thoi âu: “Ih pơm 'bok soi ling-lang ưh kơ tôch.” Mă kơplah Sư ăn lu bơngai noh pơm 'bok soi sơ̆ 'Bok Kei-Dei ưh kơ đei pao anăn Sư kơdih pơkă kơjăp thoi noh ôh.

Hêbrơ 1:2

Mă-lei gah chăl arih lu bơ̆n ahrei, Sư wơh Kon Sư kơdih năm pơtruh kơ bơ̆n. Sư kư̆m ăn kơ Kon Sư gơh pơjing plĕnh pơjing teh păng pơgơ̆r tôm tơdrong.

Luka 13:32

Na Yêsu khan: “Iĕm jah năm tơ 'bok hơlĕnh pơdăr noh khan kơ sư thoi âu: ‘Năr âu păng dơning Inh chă pơpuh yang kơnê̆ păng chă pơklaih đe jĭ jăn. Na năr dơmônh Inh đang tơdrong jang Inh boih.’

Horiso 110:4

Kră Yang đei pơkă pơkăm kơdih; Sư ưh kơ đei tơplih đon: “Ih jing 'bok soi ling-lang, kiơ̆ thoi Mêlkisêdek.”

Hêbrơ 7:24

Mă gah Yêsu Sư oei pơm ling-lang ưh kơ tôch, yua kơ Sư gơh arih ling-lang.

Hêbrơ 7:3

Mêlkisêdek bơ̆n ưh kơ 'bôh đe chih roi lăm hla bơar 'Bok Kei-Dei khan sư đei mĕ 'bă, đei adrĕch adrung, dah đei đe tơpŭ kơ sư, dah roi tơdrong sư lôch ôh. Sư thoi lĕ kơ Yêsu Kon 'Bok Kei-Dei, yua kơ sư pơm 'bok soi pơgơ̆r ling-lang.

Hêbrơ 5:5

Yêsu Krist kư̆m thoi noh, Sư ưh kơ gơh pôk akâu Sư kơdih pơm 'bok soi tih ôh, 'Bok Kei-Dei pôk Sư. 'Bok Kei-Dei khan kơ Sư thoi âu: “Ih boih Kon Inh, năr âu Inh wă ăn kơ Ih pơgơ̆r.”

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.

Yo 19:30

Trip sik 'nhŭ ei boih, Yêsu khan: “Dôm tơdrong đang boih.” Na Sư kŭp kơ̆l, pơjao bơhngol Sư kơ 'Bok Kei-Dei, kơtĕch jơhngơ̆m hloi.

Lêwi 4:3

Tơdah 'bok soi mă đei tuh đak rơmă boih na pơm yoch, noh pơm ăn kơ kon pơlei yoch kiơ̆, 'bok soi noh sư athei pơyơ̆r kơ Kră Yang minh pôm rơmo dăm ưh kơ đei jĭ kiơ, yua kơ yoch sư pơm noh.

Hêbrơ 4:14

Bơ̆n đei minh 'nu 'bok soi tih wei-lăng bơ̆n, Sư tŏk ưh kơ băt hơdôm tăl plĕnh, anăn Sư Yêsu Kon 'Bok Kei-Dei; noh na bơ̆n athei lui kơ Sư khŏm khŏm.

Hêbrơ 2:17

Sư pơm tôm tơdrong dang kơ 'nhŏng oh tơpă. Sư jang tơdrong 'Bok Kei-Dei pơklaih yoch kon bơngai thoi 'bok soi tih mơnat kơ kon bơngai, na kon bơngai gơnang kơ Sư tơpă.

Hêbrơ 3:1

Ơ lu 'nhŏng oh, iĕm jing bơngai 'lơ̆ng tơpăt boih păng iĕm đei anăn 'Bok Kei-Dei wă krao tơmơ̆t tơ Pơlei 'Lơ̆ng Sư ning-mônh. Na inh wă kơ iĕm tơchĕng 'biơ̆ gah tơdrong Yêsu mă tơpă, yua kơ 'Bok Kei-Dei pôk Sư pơm jơ̆ng 'bang wă tơbăt ăn kơ bơ̆n tơdrong 'Bok Kei-Dei. Păng 'Bok Kei-Dei kư̆m pôk Sư pơm 'bok soi tơm jang tơdrong 'Bok Kei-Dei gah tơdrong lui bơ̆n.