Hêbrơ 6:1 - Sơ̆p Hlabơar Nơ̆r 'Bok Kei-Dei

¹ Thoi noh dang ei bơ̆n ưh kơ kăl boih pơhrăm dơ̆ng dôm tơdrong mă bơ̆n 'nao pơtơm lui kơ Yêsu, tơdrong mă tơbral kơdih tơdrong yoch, tơdrong lui kơ 'Bok Kei-Dei,

Hêbrơ 6:1 Referans Kwoze

Hêbrơ 9:14

Tơ̆ng thoi ei, lei pham Yêsu Krist kăl hloh kơ dôm lu pham sem noh, yua kơ Sư rơgoh ling-lang ưh kơ đei yoch kiơ ôh. Pơthim kơ Sư Yang arih ling-lang tăm. Sư soi kơ 'Bok Kei-Dei hăm pham Sư kơdih, na pham Sư sut lê̆ đĭ dôm tơdrong yoch bơ̆n, pơm kơ jơhngơ̆m đon bơ̆n jing 'lơ̆ng tơpăt hăm 'Bok Kei-Dei wă kơ bơ̆n gơh jang kơ 'Bok Kei-Dei mă arih ling-lang.

II Kor 7:1

Ơ lu 'nhŏng oh mă inh 'mêm kơeng, yua kơ 'Bok Kei-Dei wă ăn kơ bơ̆n jing kon Sư thoi noh boih, na bơ̆n athei tŭk lê̆ đĭ dôm tơdrong kơnê̆ 'mê̆-'mach đơ̆ng akâu bơ̆n juăt kơ pơm, hăm đơ̆ng jơhngơ̆m đon bơ̆n tơchĕng kơnê̆; bơ̆n athei adrin pơm mă tơpăt lăm tôm tơdrong, yua kơ bơ̆n băt hli kơ 'Bok Kei-Dei.

Jang 26:20

Thoi noh na inh bơtho đe tơ Pơlei Đamas hơdrol, klaih kơ noh inh năm bơtho tơ Pơlei Jêrusalem, hăm inh năm bơtho jơ̆p-jang dêh char Juđê păng lu dêh char tơmoi. Inh bơtho athei lu sư tơbral kơdih đơ̆ng tơdrong yoch hăm lui kơ 'Bok Kei-Dei, na pơm kiơ̆ tơdrong 'lơ̆ng wă kơ đe băt kơ lu sư tơbral kơdih tơpă.

Hêbrơ 12:13

Iĕm athei pơm trong iĕm yak mă tơpăt, wă kơ lu bơngai jĭ cho jo jăn yak huay kơ tơpling jơ̆ng, wă kơ lu sư jah klaih.

Mathiơ 21:32

Yôhan, sư bơngai bơtho tơdrong 'lơ̆ng tơpăt, sư bơtho truh tơ iĕm tơ âu boih wă kơ iĕm pơm đon 'lơ̆ng tơpăt păng 'Bok Kei-Dei ră, mă-lei iĕm ưh kơ wă chu lui kơ nơ̆r sư bơtho. Lu bơngai iŏk jên thuê̆ păng lu drŏ-kăn pơm đi wih lui hơdrol kơ iĕm dơ̆ng. Iĕm 'bôh lu sư đĭ lui boih lĕ mă-lei iĕm ưh tam chu tơbral 'mơ̆i.”

Hêbrơ 7:11

Lu 'bok soi kon sâu 'bok Lêwi hăm 'bok Arôn pơgơ̆r gah tơdrong juăt 'Bok Kei-Dei pơkă kơ lu bơngai Isơrael. Tơ̆ng kon bơngai gơnang kơ lu sư, na gơh jing 'lơ̆ng tơpăt hăm 'Bok Kei-Dei, lei kon bơngai ưh pă kăl boih kơ 'bok soi tih adrĕch Mêlkisêdek jur pơgơ̆r. Dôm lu sư jang mah boih.

Êphêsô 4:12

Sư chă asong đe thoi noh Sư wă kơ lu bơngai jang noh tơgŭm đĭ-đăng lu kon 'Bok Kei-Dei lui kơjăp gơh jang tơdrong 'Bok Kei-Dei. Thoi noh na đĭ-đăng lu kon 'Bok Kei-Dei jing pôm đon hăm Yêsu Krist rai đunh rai wơ̆.

Yo 12:44

Na Yêsu bơtho 'bơ̆r re khan: “Bơngai bu lui kơ Inh, ưh kơ sĭ sư lui kơ Inh đĕch ôh, sư kư̆m lui kơ 'Bă Inh mă wơh Inh.

Yo 5:24

Inh khan kơ iĕm tơpă, bơngai bu mơ̆ng Inh bơtho păng lui hloi kơ 'Bok Kei-Dei mă wơh Inh, bơngai 'noh ning-mônh sư gô oei hơdai hăm 'Bok Kei-Dei arih ling-lang păng Inh huay pă sek tơlang tơdrong sư boih. Sơ̆ sư kiơ̆ tơdrong lôch mă-lei dang ei sư kiơ̆ tơdrong arih.

Mathiơ 3:2

Sư bơtho đe thoi âu: “Iĕm athei tơbral kơdih tơdrong yoch, yua kơ 'Bok Kei-Dei wă pơgơ̆r iĕm boih.”

I Tim 3:16

Tơdrong lui bơ̆n tih hloh tơpă: Kră Yang jur jing bơngai, Yang Bơhngol 'Lơ̆ng tơbăt kơ đe Sư bơngai 'lơ̆ng tơpăt. Lu linh jang 'lơ̆ng kư̆m 'bôh Sư mơ̆n. Na lu bơngai lui kơ Sư bơtho tơdrong Sư tơ teh đak đe. Đei lơ bơngai lui kơ Sư tơ ala teh âu, klaih kơ noh 'Bok Kei-Dei atŏk Sư tơ Pơlei 'Lơ̆ng Sư.

II Kor 7:10

Tơdrong sơ'ngon yua kơ bơ̆n băt kơ 'Bok Kei-Dei, na 'Bok Kei-Dei pơm kơ bơ̆n tơbral kơdih tơdrong yoch huay kơ sơ'ngon; mă-lei dah bơ̆n sơ'ngon kơ tơdrong ala teh, bơ̆n gô hiong răm đĕch ưh kơ yua kiơ kơ bơ̆n.

II Tim 2:19

Dôm tơdrong 'Bok Kei-Dei trŏ kơjăp tơpă. Sư pơkă thoi âu: “Inh Kră Yang 'Bok Kei-Dei băt kơnăl kơ đĭ-đăng bơngai lui kơ Inh păng đĭ-đăng bơngai lui kơ Inh sư athei tŭk lê̆ tơdrong yoch.”

Jang 20:21

Inh bơtho bơngai Juđê hăm bơngai nai lei-lăi đĕch mơ̆n, khan kơ sư athei tơbral kơdih tơdrong yoch sư, na brŏk tơ 'Bok Kei-Dei păng lui kơ Kră Yang bơ̆n Yêsu Krist.

Jang 11:18

Lăp lu bôl Pêtrôs kơtơ̆ng Pêtrôs pơma thoi noh, lu sư chu hloi, huay pă pơjah dơ̆ng. Na lu sư ư-ang kơ 'Bok Kei-Dei păng khan: “'Noh 'Bok Kei-Dei ăn kơ kon tơmoi tơbral tơdrong yoch lu sư, wă kơ lu sư arih ling-lang kư̆m thoi bơ̆n mơ̆n.”

Jang 3:19

Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt;

Yo 14:1

Yêsu oei pơma kơ lu sư thoi âu: “Na dang ei iĕm athei chơ̆n jơhngơ̆m iĕm 'nĕ kơ hli tơdrong kiơ. Iĕm adrin lui kơ 'Bok Kei-Dei păng lui kơ Inh.

Markôs 6:12

Thoi noh boih na lu sư năm bơtho athei đe tơbral kơdih tơdrong yoch.

Markôs 1:1

Âu boih roi gah tơm hmơm tơdrong 'nao 'lơ̆ng Yêsu Krist, Kon 'Bok Kei-Dei:

Mathiơ 4:17

Đơ̆ng năr noh boih Yêsu pơtơm jang tơdrong Sư, Sư bơtho đe thoi âu: “Iĕm athei tơbral kơdih tôm tơdrong yoch, yua kơ 'Bok Kei-Dei wă pơgơ̆r iĕm boih.”

I Yo 4:12

Ưh tam đei bu 'bôh 'Bok Kei-Dei, sơmă dah bơ̆n 'mêm mơnat dih băl, 'noh yua kơ 'Bok Kei-Dei oei hơdai păng bơ̆n păng ăn kơ bơ̆n đei đon 'mêm mơnat kư̆m thoi Sư 'mêm mơnat mơ̆n.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.

Ya 1:4

Păng bơ̆n athei adrin lui kơjăp khŏm khŏm wă kơ bơ̆n jing bơngai tơpăt huay kơ'bah tơdrong kiơ.

Hêbrơ 11:6

Bơngai bu ưh kơ đei đon lui, bơngai noh 'Bok Kei-Dei ưh kơ lăp đon ôh. Bơngai bu wă năm tơ 'Bok Kei-Dei, sư athei lui kơ đei 'Bok Kei-Dei tơpă na 'Bok Kei-Dei lăp đon păng athei lui kơ Sư wă tơgŭm dôm lu bơngai mă krao chă Sư.

Kôlôsê 4:12

Êpapra sư bơngai pôm pơlei hăm iĕm, sư kư̆m jang tơdrong Yêsu Krist na sư wă jet gia iĕm tơ âu. Sư krao khan apinh 'Bok Kei-Dei tơgŭm iĕm ling-lang, wă kơ iĕm lui kơjăp păng hlôh băt tôm tơdrong 'Bok Kei-Dei na pơm kiơ̆ hloi.

Kôlôsê 1:28

Tơdrong 'Bok noh boih nhôn bơtho dang ei, 'Bok noh boih mă nhôn gơnang kơ 'Bok Kei-Dei, wă kơ 'Bok Kei-Dei ăn kơ nhôn hơgei tôm tơdrong Sư na gơh năm bơtho khan kơ jơ̆p-jang bơngai. Yua kơ tơdrong 'Bok noh boih na nhôn pơjao kon bơngai kơ 'Bok Kei-Dei wă kơ kon bơngai wih đĭ tơ 'Bok Kei-Dei jing bơngai 'lơ̆ng tơpăt hăm Sư boih, pôm đon hăm Yêsu Krist.

Êphêsô 2:5

mă khan bơ̆n bơngai dang lôch yua kơ tơdrong yoch, mă-lei dang ei bơ̆n kư̆m dang Sư tơiung lu bơ̆n thoi Yêsu Krist boih. Bơ̆n gơh klaih đơ̆ng tơdrong yoch yua kơ Sư mơnat ăn.

I Pet 5:10

Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.

Êphêsô 2:1

Sơ̆ iĕm dang lôch yua kơ tơdrong yoch hăm dôm tơdrong kơnê̆ iĕm oei juăt kơ pơm.

I Kor 13:10

Mă-lei ning-mônh đĭ-đăng kơ bơ̆n gô hlôh wao tôm tơdrong, thoi noh na bơ̆n ưh pă kăl kơ đe bơtho bơ̆n dơ̆ng.

Jang 17:30

Sơ̆ Kră Yang 'Bok Kei-Dei huay kơ jô̆ kơ kon bơngai yua kơ kon bơngai ưh kơ băt kơ Sư. Mă-lei dang ei Sư athei đĭ-đăng bơngai jơ̆p kơ teh đak tơbral dôm tơdrong yoch sư kơdih,

Jang 2:38

Pêtrôs khan: “Iĕm athei tơbral kơdih tơdrong yoch iĕm. Iĕm athei iŏk 'batem hăm anăn Yêsu Krist wă kơ Sư pơklaih tơdrong yoch iĕm, Sư ăn kơ iĕm Yang Bơhngol 'Lơ̆ng.

Mathiơ 7:25

Mă 'mi tih, mă đak lơ̆p, mă kial hơbŭt kư̆m ưh kơ hơlŭng, ưh kơ păk ôh, yua kơ sư pơm klop kơ tơmo kŭk.

Mathiơ 5:48

Thoi noh na iĕm athei 'mêm kơ đĭ-đăng bơngai kư̆m thoi 'Bă bơ̆n tơ plĕnh ti 'mêm kơ đĭ-đăng bơngai thoi noh mơ̆n.

Tơdrông Pơđơk 4:18

Mă-lei trong lu bơngai tơpăt thoi hơdah pơchrang, Pơchrang hơdah truh tơ 'năr dơ̆ng.

I Tim 6:19

Dah sư hơlăng kơ đe thoi noh, mŭk măk sư huach 'biơ̆ mơ̆n, mă-lei sư mơdrŏng tôm tơdrong nơ̆r pơma đơ̆ng 'Bok Kei-Dei tơgŭm sư ling-lang păng sư gô iŏk tơdrong arih ning-mônh.

Luka 6:48

sư noh thoi lĕ kơ bơngai sir jrăng hnam jrŭ pơm hnam tơ kơpal tơmo kŭk. Na lăp đak krong tih blŭng hnam noh ră, mă-lei hnam noh oei kơjăp, na sư ưh kơ kĕ adrŏ ôh, yua kơ sư pơm kơpal tơmo kơjăp tơpă.

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.

Mathiơ 21:29

Kon sư khan: ‘Hăt lah, inh ưh kơ wăn.’ Mă-lei pă 'biơ̆ kơ noh kon sư tơchĕng mơnat kơ 'bă sư, na sư năm jang hloi.

I Kor 2:6

Gah lu bơngai lui kơjăp boih inh bơtho mơ̆n kiơ̆ kơ tơdrong hơgei, mă-lei ưh kơ sĭ kiơ̆ kơ tơdrong hơgei ala teh âu, dah kiơ̆ kơ lu 'bok pơgơ̆r ala teh âu ôh, yua kơ lu sư rai wă tôch boih.

Kôlôsê 3:14

Kăl tơpă tơdrong 'mêm mơnat dih băl; dah bơ̆n đei tơdrong 'mêm mơnat dih băl boih, bơ̆n gô 'bôh tôm tơdrong bơ̆n pơm 'lơ̆ng.