Hêbrơ 2:15 - Sơ̆p Hlabơar Nơ̆r 'Bok Kei-Dei

¹⁵ Sư pơklaih kon bơngai đơ̆ng pơm đĭch yang sơmăt. Sơ̆ kon bơngai đĭch yang sơmăt ling-lang, lu sư hli dêh kơ tơdrong lôch.

Hêbrơ 2:15 Referans Kwoze

Rom 8:15

Ưh kơ sĭ 'Bok Kei-Dei ăn Yang Bơhngol 'Lơ̆ng wă kơ bơ̆n jing bơngai đĭch, dah wă kơ bơ̆n oei hli ôh. Sư ăn kơ bơ̆n Yang Bơhngol 'Lơ̆ng wă kơ bơ̆n jing kon Sư. Thoi noh na bơ̆n gơh krao kơ 'Bok Kei-Dei Aba, 'Bă bơ̆n.

II Tim 1:7

'Bok Kei-Dei ăn kơ bơ̆n Yang Bơhngol 'Lơ̆ng Sư. Na Yang Bơhngol 'Lơ̆ng ưh kơ wă ăn kơ bơ̆n jơhngơ̆m lêl ôh, Sư ăn kơ bơ̆n jơhngơ̆m nuih kơtang. Sư ăn kơ bơ̆n gơh 'mêm kơ 'Bok Kei-Dei păng bôl buăl bơ̆n mơ̆n păng ăn kơ bơ̆n jơhngơ̆m chơ̆n tơpă.

II Kor 1:10

Tơ̆ng Sư ưh kơ tơdŏng nhôn, nhôn lôch tơpă boih. Mă Sư kư̆m oei wă tơdŏng nhôn kơnh pơgê đơ̆ng tôm tơdrong hli hlơt. Lu nhôn oei wă sơđơ̆ng kơ Sư tơdŏng nhôn ling-lang.

Rom 8:21

Tơpă ning-mônh Sư ăn kơ lu tơmam Sư pơjing noh, ưh pă pơmat lôch răm thoi dang ei dơ̆ng ôh, lu sư jing rơngei hiôk tơpă, kư̆m thoi lu bơ̆n kon 'Bok Kei-Dei mơ̆n.

Horiso 55:4

Inh jĭ lăm jơhngơ̆m inh dêh, Tơdrong hli kơ lôch blah inh.

Horiso 89:48

Bu gơh arih hloi mă ưh kơ đei lôch? Bu gơh dŏng pơklaih bơhngol sư kơdih dơ̆ng dêh atâu pơgơ̆r.

Horiso 56:13

Yua kơ Ih dŏng pơklaih bơhngol inh đơ̆ng lôch; Ih kiơ̆ bơwei jơ̆ng inh huay kơ tơpling pơ̆k! Wă kơ inh năm 'bơ̆t anăp Kră Yang 'Bok Kei-Dei arih hơdah hơdong.

Horiso 33:19

Wă pơklaih bơhngol lu sư đơ̆ng lôch, Păng bơwei tơdrong arih lu sư lăm năr pơngot rơwĕt.

Jop 24:17

Gah lu sư măng mu noh kơ 'năr. Yua kơ lu sư pơm buăl juăt hăm tơdrong hli lăm măng mu gueo

Jop 18:11

Tơdrong hli krưp đơ̆ng puăn pah pơm kơ sư tơrơ. Trŏ kơ sư druh kiơ̆ jê̆ kơnơl jơ̆ng sư.

Galati 4:21

Iĕm khan wă kiơ̆ tôm tơdrong juăt Môis tơpă, na dang ei inh wă kơ iĕm đŏk lăng tôm kơ hla bơar tơdrong juăt Môis bĕ, wă kơ iĕm hlôh.

Horiso 73:19

Ơ lăng deh, lu sư răm hloi 'bônh đĕch! Tơdrong hli krưp hơpuih pơgoh lu sư.

Jop 18:14

Đe puh sư đơ̆ng lăm bơsŭn, anih mă sư oei hơđơ̆ng. Anhăk ba sư truh tơ pơtao hli krưp.

Hêbrơ 2:16

Lu linh jang, Yêsu ưh kơ đei tơdŏng ôh, Sư tơdŏng lu bơ̆n mă kon sâu Abraham đĕch.