Hêbrơ 12:11 - Sơ̆p Hlabơar Nơ̆r 'Bok Kei-Dei

¹¹ Kơplah bơ̆n đei tơdrong bơtho pơjĭ, bơ̆n mơn kơ chhŭr nuih ưh kơ hiôk ôh. Mă-lei tơ̆ng bơ̆n băt kơ chu yom, bơ̆n gô jing bơngai 'lơ̆ng tơpăt hiôk hơiă tơpă.

Hêbrơ 12:11 Referans Kwoze

II Kor 4:17

Nhôn iŏk tơdrong pơmat-tat dang ei kư̆m bưh, sư hơiơch 'biơ̆, nhôn hăt kơ chă tơdrong arih ling-lang ning-mônh ei kăl hloh.

I Pet 1:6

Iĕm băt thoi noh boih na mă iĕm đei tơdrong gleh pơmat hang nuih dang ei, iĕm athei iŏk jơhngơ̆m hiôk bĕ. Păng tơdrong gleh sư ưh kơ ling-lang ôh.

Hêbrơ 12:10

Mĕ 'bă, sư bơtho pơjĭ bơ̆n gô mơ̆ng kơ sư wă, kơplah bơ̆n oei 'lơ̆p. Na 'Bok Kei-Dei bơtho pơjĭ bơ̆n Sư wă tơgŭm bơ̆n tơpă, wă kơ bơ̆n pơm 'lơ̆ng thoi Sư.

Horiso 118:18

Kră Yang phak bơtho inh dêh tơpă. Mă-lei huay ăn kơ inh truh kơ lôch.

Êsai 32:17

Tơdrong jang 'lơ̆ng tơpăt gô jing tơdrong hiôk-hian, plei tơdrong 'lơ̆ng tơpăt gô đei hiôk hơđơ̆ng ling-lang.

Tơdrông Pơđơk 19:18

Bơtho hơmet bĕ kon iĕm kơplah oei đei hơmĕng; Mă-lei 'nĕ kơ đei đon wă pơlôch sư.

Horiso 119:165

Bu mă 'mêm kơ khôi juăt Ih đei tơdrong hiôk-hian tih. Ưh kơ đei kiơ mă gơh pơm kơ lu sư pơ̆k huŏng.

Tơdrông Pơđơk 15:10

Phak kơtang tơpă bơngai bu kuă kơ kiơ̆ trong tơpăt; Bơngai areh kơ tơdrong teh bơtho gô lôch.

Hêbrơ 5:14

Pôm lu bơngai pơm kră đĕch gơh sa tơmam arăng, lu sư pơhrăm đunh boih, lu sư băt kơnăl kơ tơdrong 'lơ̆ng, tơdrong kơnê̆ boih.

Rom 14:17

Na bơ̆n bơngai mă 'Bok Kei-Dei pơgơ̆r boih, mah kăl kiơ kơ sa 'nhĕm 'nhot thoi noh, mah 'nhĕng kiơ kơ đe sa et tơdrong 'noh. Tơdrong bơ̆n pơm 'lơ̆ng kơ 'Bok Kei-Dei, tơdrong bơ̆n pơm 'lơ̆ng kơ bôl buăl, tơdrong bơ̆n chơt ngă 'nă hal yua kơ đei Yang Bơhngol 'Lơ̆ng, tơdrong noh bơ̆n kăl.

Horiso 89:32

Na Inh gô yua sơnguĕt teh bơtho tơdrong lu sư pơm glăi. Păng teh bơtho lu sư yua kơ tơdrong kơnê̆ lu sư.

II Pet 2:14

Măt lu sư nŏng kơ chă lăng 'maih pơm tơdrong kư̆ kă. Tơdrong lu sư pơm kư̆ kă ưh kơ yĕng kơ hrăp, nŏng kơ chă pơlung lu bơngai lui rơdu kiơ̆ lu sư pơm yoch păng pơhlŭ pơlung đe, wă kơ đe ăn kơ sư jên dah tơmam. Lu sư ling-lang pơhrăm tơdrong 'noh; lu sư jing bơngai 'Bok Kei-Dei wă phak.

Êsai 19:22

Kră Yang gô teh bơtho dêh char Êyiptơ đơ̆ng noh hơmet pơklaih lu sư dơ̆ng, lu sư gô wih tơ Kră Yang, Kră Yang gô mơ̆ng nơ̆r lu sư krao khan păng ming pơklaih ăn.

II Tim 4:8

Pơtih gia lu bơngai kơdâu pơjei, dah jei bu đe apah agăl pơkao. Kră Yang Yêsu Krist sek tơlang tơpăt, thoi noh na ning-mônh Sư wă jur tơ ala teh pă 'măng dơ̆ng na Sư wă ăn apah kơ inh. Tơdrong apah ei Sư wă ăn kơ đĭ-đăng bơngai 'lơ̆ng tơpăt, dôm lu bơngai 'mêm kơ Sư păng chang gô Sư wă jur dơ̆ng tơ teh.

Bl 21:11

Nơ̆r âu pơm kơ Abraham sơ'ngon dêh, yua kơ Ismael kon drŏ-nglo sư.