Hêbrơ 11:35 - Sơ̆p Hlabơar Nơ̆r 'Bok Kei-Dei

³⁵ Yua kơ minh tơdrong lui, na lu sư rai đunh rai tih kơjăp. Na đei lu bơngai drŏ-kăn mơ'nah đei lu kon sư đêl lôch boih iung arih dơ̆ng. Lu bơngai lui mơ'nah đe teh pơlôch sư yua kơ sư ưh kơ chu lê̆ 'Bok Kei-Dei. Sư tơchĕng lôch bưh, iung arih oei hăm 'Bok Kei-Dei hiôk hloh.

Hêbrơ 11:35 Referans Kwoze

Philip 3:11

Inh adrin thoi noh wă kơ ning-mônh inh iung arih thoi Sư.

Jang 9:41

Đơ̆ng noh Pêtrôs rôp ti sư tơiung sư hloi. Klaih kơ noh Pêtrôs krao đe yă adro păng lu bơngai lui, tơ'bôh kơ lu sư yă Đêka iung arih boih.

Jang 24:15

Inh kư̆m lui kơ 'Bok Kei-Dei gô tơiung arih đĭ-đăng bơngai đơ̆ng lôch ning-mônh, mă lu bơngai 'lơ̆ng mă lu bơngai kơnê̆. Lu bơngai jâu inh âu kư̆m lui thoi noh mơ̆n.

I Kor 15:54

Thoi noh akâu bơ̆n mă ling-lang kơ ôm hach, iŏk tơplih boih akâu 'nao mă ưh kơ ôm hach, akâu bơ̆n ling-lang kơ lôch, iŏk tơplih boih akâu 'nao mă ưh kơ lôch, 'noh 'blep trŏ thoi đe chih khan lê̆ hơdrol sơ̆ thoi âu: “Tơdrong lôch ưh pă đei boih, jei bơ̆n boih.”

Jang 23:6

Lăm lu kră sek tơlang, Pôl kơnăl kơ lu sư 'bar khŭl bơngai lui phara, khŭl Sađusê păng khŭl Pharisi. Na Pôl khan: “Ơ lu 'nhŏng oh, inh bơngai Pharisi. 'Bă inh kư̆m bơngai Pharisi lei-lăi mơ̆n. Dang ei iĕm sek tơlang tơdrong inh yua kơ inh lui kơ lu bơngai lôch iung arih ning-mônh.”

Jang 22:29

Na lu linh mă chô̆ Pôl hăm wă teh sư ei, lu sư weh ataih đơ̆ng Pôl. 'Bok tih linh băt kơ sư bơngai Rôm boih sư kư̆m hli lei-lăi thoi lu 'noh mơ̆n kơlih kơ sư athei lu linh chô̆ Pôl wă teh sư hei.

Jang 4:19

Mă-lei bre Pêtrôs păng Yôhan pơma tơwih kơ sư thoi âu: “Iĕm tơchĕng lăng deh, 'Bok Kei-Dei athei nhi chu kơ iĕm dah athei chu kơ Sư đĕch?

Yo 5:29

na lu sư lĕch đơ̆ng bơsat. Lu bơngai đei đon 'lơ̆ng tơpăt sư iung arih đơ̆ng noh sư gô arih ling-lang. Lu bơngai pơm kơnê̆, sư iung arih đơ̆ng noh Inh gô phak sư.

Luka 14:14

Na ih gô hiôk yua kơ lu sư ưh kơ gơh wơ̆n hơlơ̆k kơ ih dơ̆ng ôh. Na 'Bok Kei-Dei gô apah ih lăm năr lu bơngai 'lơ̆ng iung arih dơ̆ng ning-mônh.”

Markôs 12:25

Ning-mônh đĭ-đăng kon bơngai iung arih đơ̆ng lôch, đe ưh pă đei tơiŏk băl klo kăn dơ̆ng ôh, lu sư thoi lu linh jang 'lơ̆ng 'Bok Kei-Dei tơ plĕnh ti.

Mathiơ 22:30

Ning-mônh đĭ-đăng kon bơngai gô iung arih đơ̆ng lôch, đe ưh pă đei tơiŏk băl klo kăn dơ̆ng ôh, lu sư thoi lu linh jang 'lơ̆ng tơ plĕnh ti.

Luka 20:36

Lu sư thoi lĕ kơ lu linh jang 'lơ̆ng 'Bok Kei-Dei păng ưh kơ gơh lôch ôh. Lu sư kon 'Bok Kei-Dei, yua kơ 'Bok Kei-Dei tơiung arih sư đơ̆ng lôch.