Hagai 2:6 - Sơ̆p Hlabơar Nơ̆r 'Bok Kei-Dei

⁶ Yua kơ Kră Yang Tih Hloh khan thoi âu: ‘Oei pơma minh wơ̆t, ưh pă đunh dơ̆ng, Inh gô pơm kơ plĕnh păng teh tơdrŏ; đak dơsĭ păng teh gô hrĕng kro.

Hagai 2:6 Referans Kwoze

Êsai 10:25

Ưh pă đunh bơih tơdrong Inh hil kơ iĕm gô đĭ na. Tơdrong Inh mĭl gô plơ̆ tơwih pơrăm lu sư.”

Jang 2:19

Inh gô pơm tơdrong hlĭch hlăch tơ kơpal plĕnh, hăm tơ'bôh tơdrong pha tơ ala teh; 'noh lu pham, ŭnh hăm 'nhui.

Jôel 3:16

Kră Yang ôr gơhuh đơ̆ng pơlei Siôn, Sư ôr pơret thoi grơ̆m glaih đơ̆ng Jêrusalem. Tơ kơpal plĕnh tơ ala teh pơpơ̆ tơdrŏ ngăl, mă-lei Sư bơih anih kon pơlei pơla Sư kơ'nơp gơnang, jing minh kơđông kơjăp kơ lu kon sâu Isơrael.

Êsai 29:17

Hăm trŏ Pă 'biơ̆ kơ âu Liban gô jing chŭn mir teh mơ̆r 'lơ̆ng, păng chŭn teh mơ̆r 'lơ̆ng noh gô jing thoi bri brah?

Hêbrơ 10:37

Yua kơ 'Bok Kei-Dei khan boih kiơ̆ kơ đe chih lăm sơ̆p hla bơar Sư khan sơ̆ thoi âu: “Ưh pă đunh boih tơ'ngla mă wă jur, Sư gô jur tơpă.

Êsêkiên 38:20

'Bơ̆t anăp Inh, lu ka đak dơsĭ, sem păr kơpal plĕnh, kon sem bri, đĭ lu hơdrông kơep lep-ler mơmŏ kơpal teh păng lu kon bơngai kơpal teh gô hli tơtơ̆, lu kông hơlih, lu dur tơmo gô pơchah, đĭ-đăng lu anih kơjăp gô hơlih đĭ tơ teh.

Je 51:33

'Nâu Kră Yang Tih Hloh 'Bok Kei-Dei Isơrael khan: “Đĭ-đăng bơngai Babilôn thoi dơnih đe pơjuă 'ba, trŏ bơyan đe pơjuă 'ba; ưh pă đunh boih bơyan yuă 'ba wă truh kơ sư.

Êsai 34:4

Đĭ-đăng lu măt khei sơnglŏng kơpal plĕnh gô hach lek, plĕnh gô tơlôm nhen đe lôm sơnôm hla bơar. Đĭ-đăng lu măt khei sơnglŏng sư gô hiong đĭ, nhen thoi hla hơmu hơlŭng, nhen thoi plei hơra hơlŭng huŏng đơ̆ng tơm sư.

Horiso 37:10

Pă 'biơ̆ kơnh lu bơngai kơnê̆ ưh pă đei. Mă Ih chă lăng tơ anih sư, kư̆m pă đei 'bôh dơ̆ng.

Tơdrông Tơ'bôh 11:9

Đĭ-đăng kon tơring tơrang rim dêh, rim teh đak, rim nơ̆r pơma wang luh năm lăng bre sư lôch, kuă ăn 'bŭ bre sư truh tơ pêng năr minh puăt.

Jop 9:6

Sư gơgŭ teh đơ̆ng hơnă sư, jrăng tơjră sư pơpơ̆ gĭl-gŭl;

Horiso 18:7

Dang ei teh pơpơ̆ păng tơdrŏ, Na lu kông kư̆m tơrĭ păng kư̆m tơdrŏ, yua kơ Sư hil.

Êsai 2:19

Đe gô kơdâu ôn tơ lăm hơgơp tơmo, lăm trôm teh wă kơ weh đơ̆ng anăp tơdrong hli krưp Kră Yang păng tơdrong mơsêh mơyang Sư, kơplah năr Kră Yang wă iung pơm kơ teh âu tơdrŏ pơpơ̆.

Êsai 13:13

Na Inh gô pơm kơ plĕnh pơpơ̆ teh tơdrŏ đơ̆ng anih sư, yua kơ đơ̆ng Kră Yang Tih Hloh hil mĭl lăm năr Sư hil iung tơtŏ thoi ŭnh.

Je 33:14

Kră Yang khan: “Đơ̆ng âu tơ anăp, Inh gô pơsĭt nơ̆r Inh pơkă 'lơ̆ng rŏ mă Inh đei pơkă hăm adrĕch Isơrael păng adrĕch Juđa.”

Êsêkiên 38:19

Lăm tơdrong Inh gar, lăm tơdrong Inh hil mĭl tơpă, lăm năr noh gô đei tơdrong pơpơ̆ tih dêh truh kơ char Isơrael.