Hagai 2:13 - Sơ̆p Hlabơar Nơ̆r 'Bok Kei-Dei

¹³ Hagai khan dơ̆ng: “Tơdah bu mă 'mê̆-'mach yua kơ pel akâu bơngai lôch na hơtŭt 'bơm dôm tơmam noh, na dôm lu tơmam noh hăm tơ 'bơm hơpoh 'mê̆-'mach ưh?” Lu 'bok soi tơl thoi âu: “Lu tơmam noh gô kơnê̆ 'mê̆-'mach.”

Hagai 2:13 Referans Kwoze

Hôsia 9:4

Lu sư kư̆m ưh pă đei tuh pơyơ̆r boih sik hơmu kơ Kră Yang, păng dôm tơmam soi lu sư kư̆m ưh kơ pơm kơ Kră Yang hiôk ôh, mă-lei jing thoi 'bĕng mi đe sa nhơ̆m hmoi ơh sơ'ngon kơ bơngai lôch, đĭ-đăng lu bơngai sa 'bĕng noh jing 'mê̆-'mach, yua kơ 'bĕng mi noh 'măn kơ lu sư kơdih đĕch 'bĕng noh ưh kơ truh ôh tơ hnam Kră Yang.

Bôk Bơthô 10:1

Minh pôm roi lôch pơm kơ đak 'bâu phu jing 'bâu ôm; wơnh 'bơm tŏ sĕt đĕch pơm ăn kơ anăn bơngai hơgei đe ưh pă ư-ang.