Habakuk 3:9 - Sơ̆p Hlabơar Nơ̆r 'Bok Kei-Dei

⁹ Ih iŏk hră đơ̆ng tơpu, trŏ thoi nơ̆r Ih pơkă, nơ̆r pơkă hăm lu adrĕch adrung noh nơ̆r sĭt tơpă. Sêla Ih blah klah asong teh hăm đak glung: Lu kông 'bôh Ih tơtơ̆ rơrĭnh rơrănh.

Habakuk 3:9 Referans Kwoze

Horiso 105:41

Sư blah tơmo, na đei hloi đak lĕch, ro tơ char glă thoi đak krong.

I Kor 10:4

păng đak nhă lu sư đơ̆ng 'Bok Kei-Dei ăn mơ̆n. Đak lĕch đơ̆ng tơmo. Tơmo 'noh kiơ̆ bơwei lu sư khŏm khŏm. Tơmo 'noh wă khan 'Bok Krist.

Nhom 2:4

Sư gŭt hră thoi lu ayăt, yơ̆r ti 'ma Sư pơm thoi lu bơngai wă blah; Sư pơlôch boih dôm bơngai pơhiôk kơ măt, Lăm anih kon adruh Siôn, Sư tuh tơdrong hil thoi ŭnh.

Êsai 52:10

Kră Yang tơ'bôh ăn bơih tơdrong jang ti rơgoh Sư 'bơ̆t anăp măt rim kơ teh đak; đĭ-đăng teh đak gô 'bôh tơdrong dŏng pơklaih Kră Yang 'Bok Kei-Dei lu bơ̆n!

Horiso 143:6

Inh yơ̆r ti inh gah Ih; Jơhngơ̆m inh rơhing kơ Ih thoi teh hrĕng kro. Sêla

Both 32:23

Inh gô tơpŭ ăn tơdrong răm pơmat-tat tơ kơpal lu sư. Iŏk hră Inh prah lu sư, dĭng đĭ 'brơ̆m.

Jo 20:11

Môis yơ̆r ti sư teh tơmo 'bar wơ̆t hăm 'long jra sư. Đak lĕch ro hloi lơ tơpă, kon pơlei nhă păng lu sem dơrong sư kư̆m nhă.

Le 17:6

Inh gô dơ̆ng 'bơ̆t anăp ih, kơpal tơmo tơ kông Hôrêp; ih athei teh tơmo noh, na đak gô lĕch đơ̆ng lăm tơmo noh wă ăn kơ kon pơlei nhă. Môis pơm hloi thoi noh 'bơ̆t anăp măt lu kră kon pơlei Isơrael.

Habakuk 3:11

Măt 'năr măt khei dơ̆ng kơtă anih lu sư; Yua kơ đei 'bôh lu 'brơ̆m Ih prah păng rang hơdah đơ̆ng lu đao tơju hơlă Ih, chêr char thoi kơmlat.

Jop 28:10

Mưh bŏk tơmo wă pơih trong sơlŭng. Măt lu sư chă lăng lu tơmo gĭt tơ lăm noh.