Habakuk 3:17 - Sơ̆p Hlabơar Nơ̆r 'Bok Kei-Dei

¹⁷ Mă khan 'long hơra ưh pă pơkao dơ̆ng, Păng tơm hơmu kư̆m ưh pă plei; Tơm 'long ôliwơ kư̆m pă đei plei hmĕt pơm đak rơmă păng kư̆m pă đei chŭn mir ayơ mă oei đei chăt tơmam sa 'ba sŏng; Mă khŭl triu păng đei lăm hơdrong, Sem dơrong rơmo bơbe pă đei lăm war.

Habakuk 3:17 Referans Kwoze

Je 5:17

Lu sư gô luăn sa phe 'ba lu iĕm, luăn sa lu kon drŏ-nglo drŏ-kăn iĕm, lu sư gô 'buh sa triu păng rơmo lu iĕm. Gô phĕ sa plei hơmu păng plei hơra lu iĕm. Lu sư gô iŏk đao koh pơrăm lu pơlei tih kơjăp mă lu iĕm gơnang hơđơ̆ng.”

II Kor 4:8

Đĭ dôm tơdrong đe wă kơtĭt pơglơ̆k nhôn, mă-lei nhôn pơm huay huăi kơ glơ̆k; đĭ sơleng kơ đon boih, mă-lei nhôn khŏm adrin adrăi.

II Kor 4:9

Đe pơm kơnê̆ pơmat nhôn, mă-lei 'Bok Kei-Dei ưh kơ lê̆ nhôn; đe teh tơpơ̆k nhôn, nhôn kư̆m huay kơ răm.

Je 12:4

Lăm char gô ơh sơ'ngon dĭng dang yơ? 'Nhĕt tơ chŭn mir gô jô kro dĭng dang yơ? Yua kơ đơ̆ng tơdrong kơnê̆ kon pơlei oei lăm noh pơm, lu sem bri sem păr lôch đĭ. Đei lu sư khan: “Kră Yang ưh kơ 'bôh ôh tơdrong kiơ lu bơ̆n pơm.”

Mi 6:15

Lu iĕm gô rei mă-lei ưh kơ đei kĕch yuă; iĕm hmĕt đak ôliwơ mă-lei ưh kơ đei tring mong ôh; lu iĕm gô hmĕt chơpĕt đak hơmu mă-lei ưh kơ đei huch đak hơmu noh.

Malachi 3:11

Inh gô găn lu hơdrông kơnu wă kơ lu sư huay kăp kuer sa pơkao plei 'long đơ̆ng teh iĕm; păng lu tơm 'long hơmu lăm mir pơgar plei pơkao sư huay kơ hơlŭng adrol kơ bơyan sư, Kră Yang khan thoi noh.