Habakuk 2:6 - Sơ̆p Hlabơar Nơ̆r 'Bok Kei-Dei

⁶ Hăm trŏ lu bơngai noh gô iŏk nơ̆r che bơle na hiĕk kơ sư, iŏk nơ̆r pơjăm sư thoi âu: “Răm-'băm tơpă kơ lu bơngai mă mong pơpôi lu tơmam mă ưh trŏ kơ tơmam sư kơdih! Lu sư pơgŏ iŏk tơmam iŏk thuê̆ trăp tơgar đơ̆ng đe, lu sư wă pơm thoi noh dĭng dang yơ?

Habakuk 2:6 Referans Kwoze

Mi 2:4

Lăm năr noh kơnh, đe gô hơri minh tơdrong pơjăm pơjuă iĕm, đe gô nhơ̆m hmoi ơh sơ'ngon dêh păng khan: Lu bơ̆n âu đe pơlôch pơrăm đĭ boih! Sư iŏk lê̆ teh inh jang sa. Lu sư iŏk đơ̆ng inh, iŏk teh chŭn mir bơ̆n klaih asong ăn kơ bơngai ayăt.

Je 50:13

Yua kơ Kră Yang hil mĭl, Jơ̆p kơ dêh char noh jing juơ tơtŭng, ưh kơ đei bơngai oei, na lu bơngai yak năm rok trong Babilôn lăng hlĭch krưp păng che bơle, Yua kơ pơchah răm đĭ 'biao.

Je 29:22

Đĭ-đăng bơngai Juđa pơm bơnă lăm char Babilôn gô iŏk yua anăn 'bar 'nu bơngai 'nâu hiap tơhuăi, thoi âu: “Apinh Kră Yang ăn kơ iĕm kư̆m thoi Sêđekia păng Ahap, mă pơtao Babilôn đei phang lăm ŭnh,’

Jo 23:7

Balaam roi pơdah hăm nơ̆r hơri sư khan: Balak, pơtao Môap, krao inh đơ̆ng dêh Aram, đơ̆ng kông gah hơlĕch păng khan: Năm hiap lu adrĕch Jakôp bĕ! Năm hiap hil kơ lu adrĕch Isơrael bĕ.

I Pet 4:7

Khei 'năr wă jê̆ tôch boih na iĕm athei tơchĕng đon mă hơgei wă kơ kơchăng kơ tơdrong krao khan pơnam.

Luka 12:20

Mă-lei 'Bok Kei-Dei khan kơ bơngai ei: ‘Ơ bơngai kơhlôh, măng kơnh boih Inh wă iŏk Bơhngol ih, đơ̆ng noh na ih lôch hloi măng kơnh. Mŭk tơmam ih wă ăn ngôi kơ đe iŏk đĕch.’ ”

Habakuk 2:13

Lăng, noh hăm trŏ đơ̆ng Kră Yang mă tih hloh? Mă kon pơlei jang gô ăn đĕch kơ ŭnh sa păng mă lu dêh char gleh hrat jing tơdrong ưh kơ đei.

Habakuk 1:15

Sưa đei iŏk boih akâu wah, wah hơđuh iŏk đĭ, dui akŭm lăm hơnhuăl sư păng pơpôi lăm jal sư, thoi noh lu sư chơt hiôk chhôk 'nă hal.

Êsêkiên 32:21

Lu bơngai yŏng nuih kơtang hơdai hăm lu buăl sư đơ̆ng lăm dêh atâu sư khan: ‘Lu bơngai ưh kơ kăt tơdra akar, lu bơngai mă đe pơlôch hăm đao, lu sư jur boih tơ âu 'bĭch hreh tơthĕng.

Êsai 55:2

Liơ lu iĕm pơhuach jên wă răt tơmam mă ưh kơ trŏ kơ tơmam sŏng sa ôh. Ăn jơhngơ̆m gleh lap tơplih iŏk tơmam ưh kơ phĭ? Adrin mơ̆ng bĕ Inh athei sa tơmam mă 'lơ̆ng. Na jơhngơ̆m lu iĕm hiôk kơ tơmam sa bek 'lơ̆ng.

Êsai 44:20

Bơngai sa 'mui tơnuh; jơhngơ̆m đon ưh kơ ngeh ba sư jrok trong; sư ưh kơ gơh pơklaih bơhngol sư kơdih, Păng kư̆m ưh kơ băt tơmam lăm ti 'ma sư noh jơ̆ tơmam hơlĕnh đĕch?

Tơdrông Pơđơk 22:16

Bu pơđep bơngai dơnuh wă pơm kơ sư mơdrŏng, Bơngai bu ăn pơgâm kơ lu bơngai mơdrŏng noh rai pơm kơ bre sư dơnuh hloh.

Horiso 94:3

Ơ Kră Yang! Lu bơngai pơm kơnê̆ dĭng truh dang yơ? Lu bơngai pơm kơnê̆ oei wă pơang dĭng dang yơ?

Jo 23:18

Balaam drơ̆ng sư hăm nơ̆r hơri thoi âu: Ơ Balak, iung mơ̆ng bĕ! Ơ kon drŏ-nglo Sipôr, pơgling đon mơ̆ng bĕ!

Êsai 10:13

Yua kơ sư khan: “Inh đei pơm bơih tơdrong 'nâu đơ̆ng ti pran kơtang inh. Đơ̆ng tơdrong inh gơh hơgei hlôh wao. Inh đei rĭ tơplih bơih hơdral teh đak lu kon pơlei; Blah iŏk lu tơmam gĭt đơ̆ng anih lu sư mong. Thoi bơngai nuih kơtang, inh đei tơhuŏng bơih lu pơtao đơ̆ng tang-dŏ lu sư.

Habakuk 2:12

Răm-'băm tơpă kơ lu đe bu mă iŏk pham pơm pơlei păng iŏk tơdrong kơnê̆ pơjing pơlei tih!

Êsai 5:8

Răm-'băm dêh kơ lu iĕm bơngai mă pơm hnam thim hnam nai dơ̆ng, păng choh chŭn thim chŭn nai dơ̆ng, na jing pă đei teh 'bơ̆t yơ rơhơi dơ̆ng, păng lu iĕm jing oei adrô̆ lăm dêh char.”

Je 17:11

Bơngai mă mơdrŏng đơ̆ng ưh kơ tơpăt, lu sư thoi sem trăk-tra 'nơ̆m kơtăp sem nai, đei cheh kon ưh kơ trŏ kon sư, ưh kơ đunh tơdrong mơdrŏng sư gô hiong đĭ, na tuch-luch đe jô̆ sư kơtul bơlŭk.