Galati 5:10 - Sơ̆p Hlabơar Nơ̆r 'Bok Kei-Dei

¹⁰ Yua kơ iĕm lui kơ Kră Yang Yêsu Krist, na inh băt kơ iĕm wă kiơ̆ dôm tơdrong inh bơtho. Mă-lei gah lu bơngai wă pơtuah iĕm noh, mă lu sư bơngai pơm tih, pơm iĕ, 'Bok Kei-Dei wă phak lu sư tơpă ning-mônh.

Galati 5:10 Referans Kwoze

Galati 5:12

Lu sư juăt kơ pơlung iĕm đe kăt tơdra akar, lei lu sư kuă kơ kiơ kơ hlach akar sư kơdih mă tih wă kơ trŏ 'biơ̆?

Philip 3:15

Thoi noh na dôm lu bơ̆n mă lui kơjăp boih bơ̆n athei tơchĕng kơ tơdrong 'noh ling-lang. Tơ̆ng iĕm tơchĕng phara kơ tơdrong 'noh, 'Bok Kei-Dei Sư tơ'bôh hloi kơ iĕm tơdrong 'noh, wă kơ iĕm kiơ̆ 'blep thoi tơdrong Sư.

Galati 1:7

Mă tơpă đei minh tơdrong 'nao 'lơ̆ng đĕch, ưh kơ đei tơdrong 'nao 'lơ̆ng nai dơ̆ng ôh. Inh khan kơ iĕm thoi noh yua kơ đei lu bơngai nai pơtuah iĕm, lu sư wă hơmet ming pơthim tơdrong 'nao 'lơ̆ng Yêsu Krist.

II Kor 2:3

Kơthơ mă inh chih kơ iĕm ki, inh kư̆m chih khan thoi noh. Inh ling-lang wă sơđơ̆ng ngêh kơ iĕm, hiôk hăm iĕm na inh kuă kơ năm ki, hli kơ inh sơ'ngon yua kơ iĕm ưh kơ hiôk kơ đơ̆ng inh pơma pơjĭ đon iĕm. Yua kơ inh bơngai hiơ̆ hăm iĕm, iĕm băt boih.

I Tim 1:20

Thoi bre Himenaius hăm Aleksandrê hŭt tơdrong lui bre sư, na inh jao lê̆ bre sư kơ yang Satan wă kơ bre sư đei tơdrong gleh na wă kơ bre sư tơbral ưh pă pơma kơnê̆ kơ 'Bok Kei-Dei dơ̆ng.

Galati 6:17

Đơ̆ng âu tơ anăp, mă bu bu 'nĕ pă pơma khan inh ưh kơ trŏ kơ bơngai jơ̆ng 'bang Yêsu dah khan inh ưh kơ bơtho tơdrong Sư tơpă. Inh jơ̆ng 'bang Sư tơpă na inh gơh đei rơka đêl đe tôn teh inh âu.

Galati 4:17

Lu bơngai mă juăt kơ pơtuah iĕm thoi noh, lu sư lăp đon kơ iĕm mơ̆n, mă-lei lu sư kuă kơ tơgŭm iĕm. Lu sư wă kơ iĕm achăng lê̆ inh, na kiơ̆ lu sư. Lu sư wă kơ iĕm 'mêm kơ lu sư.

Galati 3:1

Ơ bơngai Galati, iĕm ưh kơ hlôh tơpă iih, iĕm lui kiơ̆ kơ đe pơtuah iĕm? Sơ̆ nhôn bơtho iĕm nhên tơpă boih gah tơdrong Kră Yang Yêsu Krist lôch tang iĕm tơ 'long pơglang.

Galati 2:6

Lu bơngai đe pôk pơm tih pơgơ̆r bơngai lui, inh băt mơ̆n lu sư oei hơdai Yêsu sơ̆, mă-lei 'Bok Kei-Dei pơgơ̆p jơhngơ̆m đon lu nhôn lei-lăi đĕch, lu sư ưh kơ đei wă ming tơplih tơdrong inh bơtho ôh.

Galati 2:4

Đei mơ̆n lu bơngai nai đĕch athei nhôn kăt tơdra akar Tĭt. Mă-lei lu bơngai noh ưh kơ trŏ bơngai lui tơpă ôh. Lu sư mơ̆t akŭm hơdai hăm nhôn, lăng sư thoi bơngai lui mơ̆n, mă tơpă lăm to sư ưh ôh. Bơ̆n bơngai rơngei yua kơ bơ̆n lui kơ Yêsu Krist. Bơ̆n ưh kơ kăl kiơ̆ dôm tơdrong juăt lu bơngai Juđê mă đơ̆ng Môis pơkă kơ sư. Lu sư mơ̆t akŭm hơdai nhôn wă chă lăng tơdrong bơ̆n lui thoi yơ, lu sư wă kơ bơ̆n kiơ̆ dôm tơdrong juăt lu bơngai Juđê. Tơdrong juăt bơngai Juđê anat tơpă, dah bu wă kiơ̆, bơngai 'noh sư dang jing đĭch.

II Kor 10:6

Păng lăp nhôn truh tơ iĕm kơnh, bu ưh tam chu kơ nhôn, nhôn wă bơtho khan phak tơbral đon sư; dôm lu iĕm mă chu, huay boih.

I Kor 5:5

Na bơ̆n athei pơjao kơ yang Satan ăn tơdrong gleh kơ bơngai mă pơm yoch noh, wă kơ bơngai noh tơbral kơdih tơdrong yoch wă kơ 'Bok Kei-Dei iŏk sư kơplah năr Yêsu jur ning-mônh.

Jang 15:24

Nhôn kơtơ̆ng ang lu bơngai đơ̆ng nhôn năm bơtho iĕm khan athei iĕm kăt tơdra akar păng răk dôm lu tơdrong juăt Môis pơkă. Đơ̆ng sơ̆ nhôn ưh kơ athei iĕm pơm thoi noh ôh, na dang ei iĕm hơwơ̆l boih. Lu bơngai athei iĕm răk dôm tơdrong juăt Môis pơkă noh, lu sư năm bơtho kơdih đĕch. Nhôn ưh kơ wơh sư ôh.

Phil 1:21

Inh chih kơ ih kơthơ âu kơlih kơ inh băt kơ ih gô pơm kiơ̆ kơ dôm nơ̆r inh pơma kơ ih. Inh kư̆m băt kơ ih gô pơm 'lơ̆ng hloh kơ nơ̆r inh pơma kơ ih.

II Tes 3:4

Nhôn băt kơ Sư tơgŭm iĕm ling-lang. Kơlih thoi noh na nhôn băt kơ iĕm dang ei pơm trŏ thoi nhôn pơkă tơpă păng iĕm gô pơm trŏ kiơ̆ kơ nhôn pơkă khŏm khŏm đơ̆ng sơ̆ khơ̆ ning-mônh.

Galati 4:20

Inh 'maih ră mơ̆n oei hơdai păng iĕm dang ei, wă kơ gơh pơma dơnuh hăm iĕm. Inh đĭ sơleng kơ đon tơpă, ưh kơ băt pơm thoi yơ boih tơdrong iĕm dang ei.

Galati 4:11

Inh tơtăm kơ lu iĕm, hli kơ tơdrong jang inh tơgŭm iĕm mă ưh kơ đei yua.

II Kor 13:10

Âu kơplah inh oei krŭl na inh chih kơ iĕm thoi noh, wă kơ mưh inh truh tơ iĕm, inh huay pă kăl kơ bơtho iĕm boih. Tơdrong bơtho noh đơ̆ng Kră Yang Yêsu Krist ăn kơ inh, wă kơ inh bơtho iĕm thoi noh, wă kơ inh tơgŭm iĕm rai đunh rai lui kơjăp; ưh kơ sĭ wă pơglăi iĕm ôh.

II Kor 10:2

Inh khan lê̆ kơ iĕm hơdrol, mưh inh truh tơ iĕm kơnh pơgê, iĕm chu kơ inh, na inh huay kơ pơma kơtang kơ iĕm. Lu bơngai mă jô̆ kơ inh khan inh thoi lĕ bơngai ưh kơ lui oei tơ ala teh âu, noh lê̆ kơ nhôn pơma dih băl lu sư khan inh bơngai lêl.

II Kor 8:22

Minh 'nu 'nhŏng oh âu dơ̆ng inh kư̆m wơh sư kiơ̆ Tĭt, inh pơlong lăng sư lơ tơdrong boih, na inh băt kơ sư adrin adran jang tơdrong 'Bok Kei-Dei tơpă. Na dang ei sư băt kơ iĕm wă adrin pơjing tơdrong noh, sư rai 'maih adrin loi.

II Kor 7:16

Inh hiôk dêh yua kơ inh băt kơ iĕm gô pơm 'lơ̆ng pơm trŏ lăm tôm tơdrong.

II Kor 5:16

Thoi noh na dang ei nhôn ưh pă lăng đe thoi kon bơngai ala teh juăt kơ lăng dih băl boih. Sơ̆ nhôn lăng Yêsu Krist thoi lĕ kơ kon bơngai đĕch, mă dang ei nhôn ưh pă lăng Sư thoi kon bơngai boih.

II Kor 2:6

Bơngai mă yoch noh dang bơ̆n phak sư mah boih yua kơ bơ̆n tơlĕch sư đơ̆ng akŭm hơdai bơ̆n ki.

II Kor 1:15

Thoi noh na ki inh băt kơ iĕm lăp đon tơpă, na inh pơkă wă năm hơpong tơ dêh iĕm, inh wă năm tơ pơlei iĕm hơdrol,

Galati 5:7

Sơ̆ iĕm lui kơ Yêsu Krist kơjăp tơpă, na liơ iĕm lui kơ đe pơhlŭ pơlung iĕm dang ei dơ̆ng?