Galati 4:15 - Sơ̆p Hlabơar Nơ̆r 'Bok Kei-Dei

¹⁵ Inh lăng iĕm chơt hiôk tơpă kơplah inh bơtho iĕm sơ̆. Na lơliơ dang ei iĕm ưh kơ wă kơ inh dơ̆ng? Sơ̆ iĕm 'mêm kơ inh dêh, iĕm 'mêm kơ inh dang wă kuek klong măt iĕm tah tơ klong măt inh.

Galati 4:15 Referans Kwoze

Rom 5:2

Bơ̆n lui kơ Yêsu Krist na 'Bok Kei-Dei 'mêm mơnat kơ bơ̆n. Sư ăn kơ bơ̆n hiôk chơt yua kơ bơ̆n băt chang gô măng năr Sư wă ăn kơ bơ̆n oei hơdai hăm Sư hiôk-hian ning-mônh.

Kôlôsê 4:13

Inh roi kơ iĕm tơpăt, sư bơngai jang dêh, sư jang wă tơgŭm iĕm, tơgŭm lu bơngai lui tơ pơlei Laodisê hăm Pơlei Hêrơ.

I Tes 5:13

Iĕm athei lui yom 'mêm mơnat kơ sư tơpă yua kơ sư jang tơdrong 'Bok Kei-Dei. Đĭ-đăng dôm iĕm athei oei hiôk hơiă dih băl.

I Tes 2:8

Nhôn mơnat kơ iĕm na nhôn bơtho ăn kơ iĕm tơdrong 'nao 'lơ̆ng đơ̆ng 'Bok Kei-Dei. Ưh kơ sĭ nhôn wă bơtho đĕch ôh, nhôn mơnat kơ iĕm hăm đĭ jơhngơ̆m nhôn wă lôch tơpă.

Galati 6:4

Na bơ̆n athei pơlong lăng tơdrong jang bơ̆n tơ lăm tơdrong jang 'Bok Kei-Dei, wă kơ băt bơ̆n jang 'lơ̆ng dah ưh. Dah bơ̆n băt kơdih bơ̆n jang 'lơ̆ng, bơ̆n gô lăp đon hiôk chơt kơdih bơ̆n. Bơ̆n 'nĕ pơang akâu bơ̆n kơdih khan bơ̆n lui hloh kơ đe.

Galati 5:22

Mă-lei plei Yang Bơhngol 'Lơ̆ng đei: 'Mêm mơnat, chơt hiôk, hơđơ̆ng, kĕ chơ̆n, gơh tơgŭm, iơ̆m dim, tơnăp,a

Galati 4:19

Ơ lu kon inh mă 'mêm kơeng, inh wă pơtih gia kơ minh 'nu bơngai drŏ-kăn sư wă tơpŭ kơ kon sư, sư sơ'ngon tơpă mơ̆n, yua kơ sư jĭ. Hlôi sư tơpŭ boih na sư gơh hiôk. Inh kư̆m lei-lăi thoi noh mơ̆n, kơplah iĕm 'nao wă pơtơm lui sơ̆ păng dang ei mơ̆n. Inh sơ'ngon tơpă, inh hli kơ iĕm achăng lê̆ tơdrong lui iĕm. Inh wă kơ iĕm lui kiơ̆ Yêsu Krist trŏ thoi Sư wă 'mơ̆i na inh gơh hiôk chơt.

Galati 3:14

Yêsu huai iŏk bơ̆n boih, na mă 'Bok Kei-Dei tơgŭm kơ đĭ-đăng kơ bơ̆n, mă bơngai Juđê, mă bơngai ưh kơ sĭ khŭl Juđê, noh kư̆m thoi Sư pơkă kơ Abraham bơ̆n sơ̆ khan wă tơgŭm bơ̆n, wă khan ăn kơ bơ̆n Yang Bơhngol 'Lơ̆ng dah bu lui păng gơnang kơ Sư.

II Kor 8:3

Inh khan tơpă, lu sư ra jên ra tơmam kiơ̆ kơ lu sư đei, phŏ lu sư kư̆m ăn hloh kơ lu sư đei. Mă-lei tơdrong noh ưh kơ sĭ kơ nhôn pơgŏ ôh, lu sư lăp đon kơdih.

Rom 15:13

Yua kơ bơ̆n gơnang kơ 'Bok Kei-Dei tơpă, na bơ̆n băt chang gô tôm tơdrong 'Bok Kei-Dei wă ăn kơ bơ̆n. Na inh apinh Sư ăn kơ chăl arih iĕm hiôk hơiă, hiôk-hian yua kơ iĕm lui kơ Sư, na Yang Bơhngol 'Lơ̆ng tơgŭm iĕm băt kơ tơdrong chang gô noh.

Rom 10:2

Inh băt mơ̆n lu sư adrin kiơ̆ tơdrong 'Bok Kei-Dei; mă-lei inh hli kơ lu sư kiơ̆ ưh kơ 'blep thoi 'Bok Kei-Dei wă.

Rom 9:3

Inh 'mêm ră kơ lu bơngai Isơrael tă kơ 'nhŏng oh inh ngăl. Đon inh hơdơ̆r kơ lu sư lui kơ Yêsu Krist đĭ, lê̆ kơ inh ưh, pŭ dôm tơdrong phak lu sư ning-mônh.

Luka 8:13

Lu găr mă huŏng tơ kơpal tơmo trêl wă pơtih gia kơ lu bơngai kơtơ̆ng đe bơtho tơdrong 'Bok Kei-Dei. Lu sư hưch hanh păng iŏk hloi mơ̆n. Kư̆m đei ră tơnơm 'ba mă-lei rơh sư chăt ưh kơ jrŭ, sư jing jô lôch hloi, 'noh wă khan lu sư đei ră đon lui mă-lei ưh kơ đunh lăp đei tơdrong pơlong lăng lu sư jing achăng lê̆.

Galati 4:14

Inh jĭ dang noh ră sơ̆, mă-lei iĕm ưh kơ đei pơchê inh ôh păng iĕm kư̆m chu mơ̆ng inh bơtho iĕm mơ̆n. Iĕm sơng iŏk inh noh sơ̆ dang iĕm sơng iŏk linh jang 'lơ̆ng 'Bok Kei-Dei đơ̆ng plĕnh păng dang sơng iŏk Yŏng bơ̆n Yêsu Krist.

Galati 4:16

Đơ̆ng rŏng kơ noh lăp inh tơ nai na đei lu bơngai năm pơtuah pơhlŭ iĕm. Inh kư̆m khan kơ iĕm tơpă boih ki, tơdrong sư pơtuah pơhlŭ iĕm noh ưh kơ yua kiơ kơ iĕm ôh, mă-lei dang ei iĕm lăng inh dang bơngai ayăt kơ iĕm hă?