Esther 9:12 - Sơ̆p Hlabơar Nơ̆r 'Bok Kei-Dei

¹² Pơtao roi kơ yă pơtao Esther khan: Lu bơngai Juđa đei pơlôch boih pơđăm-hrĕng 'nu bơngai lăm pơlei tih Susa păng kư̆m pơlôch mơjĭt 'nu kon drŏ-nglo Haman hai. Lei bĭ lu tơring nai lăm dêh char inh pơgơ̆r rŏ lu sư pơlôch lơ hloh kơ noh tơpă. Bĭ dang ei ih wă apinh tơdrong kiơ dơ̆ng? Inh gô ăn kơ ih, lei ih khan wăi wă apinh tơdrong kiơ plơ̆ng dơ̆ng inh gô ăn tơdrong noh.

Esther 9:12 Referans Kwoze

Esther 7:2

Lăm năr mă 'bar kơplah lu sư oei et sik hơmu pơtao khan dơ̆ng kơ Esther. Ih wă apinh tơdrong kiơ, ơ yă pơtao Esther? Inh gô ăn kơ ih tơdrong noh, mă khan ih apinh minh puăt dêh char inh pơgơ̆r inh kư̆m ăn mơ̆n.

Esther 5:6

Kơplah sư oei et sik hơmu, pơtao apinh Esther Ih wă apinh kiơ? Inh gô ăn kơ ih. Tơdrong kiơ ih wă? Mă khan minh puăt dêh char inh pơgơ̆r inh kư̆m ăn mơ̆n.

Esther 9:11

Lăm năr noh đe roi kơ pơtao băt hơdôm 'nu bơngai lôch lăm pơlei Susa.

Esther 9:15

Lu bơngai Juđa mă oei lăm pơlei Susa akŭm băl dơ̆ng lăm năr mơjĭt-puăn khei Adar, na pơlôch pêng-hrĕng 'nu bơngai drŏ-nglo lăm pơlei Susa; mă-lei lu sư ưh kơ blah iŏk tơmam dah mŭk măk ôh.

Esther 5:3

Pơtao pơma apinh. Ơ yă pơtao Esther ih wă apinh inh tơdrong kiơ? Ih wă kơ inh ăn kơ ih kiơ? Mă ih apinh minh puăt teh đak inh kư̆m ăn kơ ih.

Jang 23:19

'Bok tih linh rôp ti mon Pôl chông ba sư tơ nai, na jet sư: “E wă roi kơ inh tơdrong kiơ?”