Esther 8:2 - Sơ̆p Hlabơar Nơ̆r 'Bok Kei-Dei

² Pơtao plôh iŏk tơkhiĕn mă đêl sư pơsĭt đơ̆ng Haman jao kơ Morđêkai yă pơtao Esther jao ăn kơ Morđêkai wei-lăng hnam đêl Haman oei.

Esther 8:2 Referans Kwoze

Esther 3:10

Klaih kơ noh pơtao plôh tơkhiĕn đơ̆ng ti sư ăn kơ Haman wă pơsĭt bơngai Agak kon drŏ-nglo Hamedatha, bơngai mă ayăt kơ adrĕch Juđa.

Da 2:48

Pơtao pôk ăn Đaniel pơm tih păng pơjao ăn kơ sư tơmam mă gĭt dêh. Pơtao ăn kơ sư pơgơ̆r đĭ lăm char Babilôn.

Bl 41:42

Pơtao plôh hloi tơkhiĕn đơ̆ng ti sư tơ'bot ăn kơ Jôsep, athei đe pơhrŭk ăn kơ sư ao che rơmuăn păng tơ'băk ăn kon kiơng maih 'bơ̆t hơko sư;

Luka 15:22

Mă-lei 'bă sư krao hloi lu bơngai jang kơ sư na sư khan: ‘Iŏk ao mă 'lơ̆ng bĕ, pơhrŭk ăn kơ sư. Iŏk tơkhiĕn tơ'bot ăn kơ sư păng pơtrô̆ ăn kơ sư chơkhŏ.

Horiso 37:34

Chang gô bĕ Kră Yang păng wei kiơ̆ trong Sư, Sư gô hơtŏk ih wă kơ đei teh! Mưh lu kơnê̆ răm đĭ, Ih gô 'bôh tơdrong noh.

Esther 8:3

Esther pơma dơ̆ng hăm pơtao sư drap 'bơ̆t jơ̆ng pơtao, nhơ̆m apinh hơdrĭ 'bơ̆t pơtao apinh pơtao pơrăm lê̆ tơdrong Haman bơngai Agak chă đon wă pơrăm adrĕch Juđa.

Esther 10:2

Đĭ-đăng tơdrong jang pơtao pơgơ̆r păng tơdrong gơh kĕ sư păng đĭ-đăng tơdrong kơ Morđêkai pơm tih yua kơ pơtao pôk hơtŏk sư boih, đe đei chih lăm sơ̆p hla bơar tơdrong hơ'mon tơdrong jang lu pơtao dêh char Mêdi păng char Phersia.