Esther 7:7 - Sơ̆p Hlabơar Nơ̆r 'Bok Kei-Dei

⁷ Pơtao blĕk iung weh hloi đơ̆ng gơ'bang sŏng sa; đơ̆ng noh năm mơ̆t lăm anih pơgar pơkao 'bơ̆t cham pơtao. Mă-lei Haman apinh hơdrĭ iung đơ̆ng yă pơtao Esther ăn kơ sư gơh oei arih, yua kơ sư 'bôh boih tơdrong pơtao tơchĕng wă pơm kơ sư.

Esther 7:7 Referans Kwoze

Tơdrông Pơđơk 19:12

Pơtao hil nhen thoi dăm-brang grĕnh Mă-lei đei tơdrong sư mơnat thoi ngom kơpal 'nhĕt.

Esther 1:12

Mă-lei yă pơtao Wathi ưh kơ wă chu nơ̆r pơtao tơtă đơ̆ng lu linh krĕo khan, yua kơ tơdrong noh na pơtao blĕk dêh tơtŏ lăm jơhngơ̆m sư.

Tơdrông Tơ'bôh 3:9

Lu đe mơ'nah khan lu sư bơngai Juđê, mă tơpă lu sư ưh kơ trŏ bơngai Juđê ôh, lu sư hơlĕnh đĕch; tơdrong lu sư chă akŭm, lu sư akŭm tơdrong yang Satan. Thoi noh na Inh gô ăn kơ lu sư sơtơ̆p kŭl-tăng 'bơ̆t anăp iĕm, na Inh gô bơtho lu sư tơdrong Inh 'mêm kơ iĕm.

Da 3:19

Đơ̆ng noh pơtao Nebukatnessar rai blĕk muh măt sư đum rak hil kơ Sadrak, Mêsak, Abetnigo păng krao đe rŭk ŭnh mă dêh tŏ hloh dang tơpơh wơ̆t kơ adrol hei.

Êsai 60:14

Lu kon drŏ-nglo lu bơngai pơgŏ pơđep ih gô kŭp kơ̆l năm kơkuh kơ ih, păng rim 'nu lu bơngai mă pơjăm pơjuă ih gô drap 'bơ̆t jơ̆ng sơtơ̆p kŭl-tăng kơkuh kơ ih. Lu sư gô krao kơ ih pơlei Kră Yang pơlei Siôn Tơ'ngla 'Lơ̆ng Rơgoh Isơrael.

Tơdrông Pơđơk 14:19

Lu bơngai kơnê̆ gô bon 'bơ̆t anăp bơngai 'lơ̆ng, Păng lu bơngai kơnê̆ kuăr ti dơ̆ng 'bơ̆t 'măng jang bơngai tơpăt.

Horiso 112:10

Lu ayăt gô 'bôh păng blĕk tơpă. Kăp hơnĕnh, đơ̆ng noh lôch hiong đĭ, Tơdrong lu bơngai pơm kơnê̆ hơpơi gô ưh kơ đei.

I Sam 25:17

Thoi noh dang ei ih athei tơchĕng lăng wă pơm liơ yua kơ gô đei tơdrong răm truh kơ yŏng tơ'ngla lu nhôn păng kư̆m truh kơ hnam dơnŏ ih; yŏng tơ'ngla khĕnh dêh, ưh kơ đei bu pơ̆n pơma kiơ hăm sư.

I Sam 20:9

Jônathan tơl: 'Nĕ kơ tơchĕng kư̆ kă thoi noh! Tơdah inh băt tơpă kơ 'bă inh chă đon wă pơlôch ih, lei inh kư̆m ưh kơ roi kơ ih hă?

I Sam 20:7

Tơdah sư tơl: 'Lơ̆ng, lei inh âu đĭch đam ih gô gơh hiôk, mă-lei tơdah sư hil blĕk, 'noh ih băt kơ sư wă pơlôch inh.

Esther 1:5

Đơ̆ng rŏng kơ lu năr noh hlôi boih, pơtao krao đĭ-đăng lu kon pơlei mă oei lăm pơlei tih Susa, mă pơm tih, pơm iĕ sŏng sa lăm tơpơh năr tơ anih lăm pơgar pơkao sư.

Esther 7:10

Thoi noh na đe hrek atol Haman tơ 'long gơ̆ng mă sư đei pơdơ̆ng wă hrek atol Morđêkai. Đơ̆ng noh tơdrong pơtao blĕk ưh pă đei boih.

Tơdrông Pơđơk 14:35

Pơtao bơnê kơ đĭch đam tơpăt băt đon hlôh wao. Mă-lei đei hil mĭl kơ đĭch đam mă pơm kơ đe mơlâu.

Tơdrông Pơđơk 16:14

Tơdrong pơtao hil thoi bơngai năm roi tơbăt kơ tơdrong lôch. Mă-lei đei bơngai hơgei pơm kơ tơdrong hil ngach 'bônh.