Esther 7:2 - Sơ̆p Hlabơar Nơ̆r 'Bok Kei-Dei

² Lăm năr mă 'bar kơplah lu sư oei et sik hơmu pơtao khan dơ̆ng kơ Esther. Ih wă apinh tơdrong kiơ, ơ yă pơtao Esther? Inh gô ăn kơ ih tơdrong noh, mă khan ih apinh minh puăt dêh char inh pơgơ̆r inh kư̆m ăn mơ̆n.

Esther 7:2 Referans Kwoze

Yo 16:24

Iĕm athei apinh 'Bă Inh, thoi âu: Yua kơ nhôn lui kơ Kon Ih Yêsu na nhôn apinh Ih wă kơ Ih ăn kơ nhôn tơdrong noh. Iĕm apinh Sư thoi noh, gô đei kơ iĕm tơpă. Thoi noh na iĕm chơt hiôk chhơp kơ jơhngơ̆m iĕm tơpă. Mă-lei đơ̆ng sơ̆ khơ̆ dang ei iĕm tam mă krao khan apinh Sư thoi noh 'mơ̆i.

Esther 5:6

Kơplah sư oei et sik hơmu, pơtao apinh Esther Ih wă apinh kiơ? Inh gô ăn kơ ih. Tơdrong kiơ ih wă? Mă khan minh puăt dêh char inh pơgơ̆r inh kư̆m ăn mơ̆n.

Esther 5:3

Pơtao pơma apinh. Ơ yă pơtao Esther ih wă apinh inh tơdrong kiơ? Ih wă kơ inh ăn kơ ih kiơ? Mă ih apinh minh puăt teh đak inh kư̆m ăn kơ ih.

Esther 9:12

Pơtao roi kơ yă pơtao Esther khan: Lu bơngai Juđa đei pơlôch boih pơđăm-hrĕng 'nu bơngai lăm pơlei tih Susa păng kư̆m pơlôch mơjĭt 'nu kon drŏ-nglo Haman hai. Lei bĭ lu tơring nai lăm dêh char inh pơgơ̆r rŏ lu sư pơlôch lơ hloh kơ noh tơpă. Bĭ dang ei ih wă apinh tơdrong kiơ dơ̆ng? Inh gô ăn kơ ih, lei ih khan wăi wă apinh tơdrong kiơ plơ̆ng dơ̆ng inh gô ăn tơdrong noh.

Markôs 6:23

'Bok pơtao khan kơ sư tơpă: “Tơmam kiơ ih wă apinh, roi bĕ, inh gô ăn kơ ih tơpă. Dah inh hơlĕnh mă 'Bok Kei-Dei phak inh, mă ih apinh iŏk minh puăt teh đak inh, kư̆m bưh mơ̆n.”

Esther 7:1

Thoi noh pơtao păng Haman truh sŏng sa hơdai hăm yă pơtao Esther.

Jang 23:19

'Bok tih linh rôp ti mon Pôl chông ba sư tơ nai, na jet sư: “E wă roi kơ inh tơdrong kiơ?”