Esther 5:3 - Sơ̆p Hlabơar Nơ̆r 'Bok Kei-Dei

³ Pơtao pơma apinh. Ơ yă pơtao Esther ih wă apinh inh tơdrong kiơ? Ih wă kơ inh ăn kơ ih kiơ? Mă ih apinh minh puăt teh đak inh kư̆m ăn kơ ih.

Esther 5:3 Referans Kwoze

Markôs 6:23

'Bok pơtao khan kơ sư tơpă: “Tơmam kiơ ih wă apinh, roi bĕ, inh gô ăn kơ ih tơpă. Dah inh hơlĕnh mă 'Bok Kei-Dei phak inh, mă ih apinh iŏk minh puăt teh đak inh, kư̆m bưh mơ̆n.”

Esther 7:2

Lăm năr mă 'bar kơplah lu sư oei et sik hơmu pơtao khan dơ̆ng kơ Esther. Ih wă apinh tơdrong kiơ, ơ yă pơtao Esther? Inh gô ăn kơ ih tơdrong noh, mă khan ih apinh minh puăt dêh char inh pơgơ̆r inh kư̆m ăn mơ̆n.

Esther 9:12

Pơtao roi kơ yă pơtao Esther khan: Lu bơngai Juđa đei pơlôch boih pơđăm-hrĕng 'nu bơngai lăm pơlei tih Susa păng kư̆m pơlôch mơjĭt 'nu kon drŏ-nglo Haman hai. Lei bĭ lu tơring nai lăm dêh char inh pơgơ̆r rŏ lu sư pơlôch lơ hloh kơ noh tơpă. Bĭ dang ei ih wă apinh tơdrong kiơ dơ̆ng? Inh gô ăn kơ ih, lei ih khan wăi wă apinh tơdrong kiơ plơ̆ng dơ̆ng inh gô ăn tơdrong noh.

Esther 5:6

Kơplah sư oei et sik hơmu, pơtao apinh Esther Ih wă apinh kiơ? Inh gô ăn kơ ih. Tơdrong kiơ ih wă? Mă khan minh puăt dêh char inh pơgơ̆r inh kư̆m ăn mơ̆n.

I Pot 3:5

Tơ pơlei Gibeôn Kră Yang tơ'bôh akâu sư kơ Sôlômôn lăm tơdrong apo kiơ̆ kơmăng Kră Yang 'Bok Kei-Dei khan: “Apinh bĕ tơdrong kiơ ih wă kơ Inh ăn kơ ih.”

I Pot 2:20

Yă Batsêba roi ăn kơ pơtao: “Inh đei minh tơdrong iĕ ioch wă apinh ih kon dăm, ih 'nĕ kơ sơngah.” Pơtao tơl: “Ơ mĕ, ih wă apinh kiơ? Inh ưh kơ sơngah ôh dôm tơdrong ih wă apinh.”

Luka 18:41

“Ih wă kơ Inh pơm kiơ?” Na bơngai măt tol ei khan: “Ơ 'Bok, inh wă kơ Ih pơklaih măt inh gơh 'bôh hơdah.”

Esther 5:4

Yă Esther tơl: Tơdah ih lăp đon, apinh ih păng Haman năr âu năm sŏng sa inh đei hơmet ăn kơ ih boih.

Ne 2:4

Pơtao jet inh thoi âu: “Ih apinh kiơ?” Inh krao khan apinh hloi Kră Yang 'Bok Kei-Dei kơ dôm tăl plĕnh,

Jang 23:19

'Bok tih linh rôp ti mon Pôl chông ba sư tơ nai, na jet sư: “E wă roi kơ inh tơdrong kiơ?”