Esther 5:2 - Sơ̆p Hlabơar Nơ̆r 'Bok Kei-Dei

² Lăp pơtao 'bôh yă pơtao Esther dơ̆ng 'bơ̆t anăp 'măng, sư lăng 'brơ̆k mơnat, sư yơ̆r 'long jra maih sư tơ yă Esther, yă Esther năm jê̆ păng pel kơnhŏng 'long jra noh.

Esther 5:2 Referans Kwoze

Esther 8:4

Pơtao yơ̆r 'long jra maih kơ yă Esther. Đơ̆ng noh yă Esther iung dơ̆ng 'bơ̆t anăp pơtao.

Esther 4:11

Đĭ-đăng mă lu kuan linh krĕo jang kơ pơtao, dah kon pơlei pơla lăm char pơtao đĭ-đăng băt ngăl mă drŏ-nglo dah drŏ-kăn ưh kơ gơh kơ mơ̆t tơ lăm anih pơtao tơdah pơtao ưh kơ krao, tơdah bu mơ̆t ưh kơ kiơ̆ tơdrong juăt đe gô pơlôch; mă-lei tơdah pơtao yơ̆r 'long jra maih lei bơngai noh arih. Đei pêng-jĭt năr boih pơtao ưh kơ đei krao inh mơ̆t.

Tơdrông Pơđơk 21:1

Jơhngơ̆m pơtao lăm ti Kră Yang thoi đak glung ro; Sư ăn ro tơ yơ mơ̆ng kơ Sư wă.

Jang 10:4

Na 'bok Kôrnei lăng sư. Sư hli dêh. Na 'bok Kôrnei khan: “Ơ 'bok, Ih wă kơ kiơ?” Na linh jang 'lơ̆ng ei khan: “'Bok Kei-Dei kơtơ̆ng ih krao khan ling-lang păng 'bôh ih hơlăng kơ đe kon pơlei pơla tơmam, na 'Bok Kei-Dei wă tơgŭm ih.

Jang 7:10

Păng tơdrong anat anot sư 'Bok Kei-Dei kư̆m dŏng mơnat kơ sư mơ̆n. 'Bok Kei-Dei ăn kơ sư đei 'bơ̆r đon hơgei na 'bok pơtao Pharôn đe Êyiptơ lăp đon kơ Yôsep, na 'bok pơtao ăn kơ sư pơm kră pơgơ̆r dêh đe Êyiptơ păng pơgơ̆r hnam pơtao mơ̆n.

Horiso 116:1

Inh 'mêm bơnê kơ Kră Yang, yua kơ Sư kơtơ̆ng nơ̆r inh. Păng kơtơ̆ng nơ̆r inh krao apinh

Esther 2:9

Bơngai hơdruh mơlôh noh Hêgai lăp đon păng lăng mơnat; sư thar ăn hloi pơgang 'bâu phu wă pik păng ăn dôm tơmam kăl yua hăm tơmam sa. Păng kư̆m chă ăn tơpơh 'nu hơdruh 'lơ̆ng hơbŏ nai dơ̆ng lăm hnam pơtao, wă awih awăn kơ sư đơ̆ng noh ăn kơ sư năm hăm lu hơdruh noh. Lu sư năm oei tơ anih 'lơ̆ng hloh kơ lu hơdruh nai oei.

Ne 1:11

Ơ Kră Yang! Apinh Ih pơgling đon mơ̆ng nơ̆r lu đĭch đam Ih krao apinh păng krao chă, lu bơngai mă đĭ jơhngơ̆m hli yom kơ Anăn Ih, năr âu apinh Ih tơgŭm ăn gơh đei tơdrong pŭn hiôk păng ăn kơ lu sư gơh đei tơdrong mơnat 'bơ̆t anăp bơngai âu. Kơplah ei kơnh inh gô pôk glơng kơchŏk tơdrô ăn kơ pơtao.

Bl 32:28

Bơngai ei khan: “Anăn ih ưh pă Jakôp dơ̆ng boih. Mă-lei krao anăn ih Isơrael, b yua kơ ih tơglơ̆m hăm Kră Yang 'Bok Kei-Dei păng bơngai nai; tă kơ jei ih ngăl.”