Esơra 9:14 - Sơ̆p Hlabơar Nơ̆r 'Bok Kei-Dei

¹⁴ Thoi noh na liơ nhôn wă pơm yoch kơ khôi juăt Ih dơ̆ng lĕ, oei iŏk klo kăn hăm lu adrĕch adrung mă oei kơkuh tơdrong kơnê̆ dah kiơ? Hăm trŏ ih gô hil mĭl, Ih gô pơrăm lu nhôn, truh tơ mah pă đei bu oei arih, ưh kơ đei bu gơh klaih dah kiơ?

Esơra 9:14 Referans Kwoze

Both 9:8

Tơ Hôrêp lu iĕm kư̆m hlôi tơblĕk Kră Yang; na Sư blĕk hil dĭng mah Sư wă pơlôch pơđĭ lu iĕm,

Esơra 9:2

Yua kơ lu sư rôp oei kơ lu drŏ-kăn bơngai tơmoi păng kư̆m rôp ăn kon drŏ-nglo lu sư oei na lu adrĕch 'lơ̆ng rơgoh jing hrâu hre hăm adrĕch lăm dêh âu; tơpă lu đe kơdră păng 'bok kuan wei-lăng kon pơlei pơm yoch adrol hloh.

Both 9:14

Lê̆ Inh pơlôch pơđĭ lu sư păng sŭt lê̆ anăn lu sư đơ̆ng lăm teh đak âu, đơ̆ng noh inh gô pơm ăn kơ ih jing minh adrĕch pran kơtang păng lơ kơdrâ̆m hloh kơ lu sư.

Rom 6:1

Bơ̆n đei tơdrong yoch tih, mă-lei đei 'Bok Kei-Dei 'mêm kơ bơ̆n rai dêh. Mă-lei bơ̆n 'nĕ tơchĕng khan, lê̆ bơ̆n pơm yoch khŏm khŏm kư̆m bưh wă kơ 'Bok Kei-Dei 'mêm kơ bơ̆n rai hloh kơ noh, ưh ôh hŏ.

Yo 5:14

Đơ̆ng rŏng kơ noh Yêsu 'bôh bơngai Sư pơklaih noh tơ lăm hnam akŭm 'Bok Kei-Dei tơm na Yêsu khan kơ sư thoi âu: “Dang ei ih klaih boih, ih 'nĕ pă pơm yoch dơ̆ng, kơnh ih pŭ tơdrong trăp hloh kơ noh.”

Lu 2:2

Mă gah lu iĕm, 'nĕ kơ pơgơ̆p băl hăm lu bơngai mă oei tơ char âu; iĕm athei pơrăm lê̆ lu rup yang lu sư.’ Mă-lei iĕm ưh kơ mơ̆ng nơ̆r Inh khan. Yua kơ kiơ lu iĕm pơm tơdrong noh?

Jo 16:45

Kơdâu weh bĕ đơ̆ng lu bơngai tơpôl akŭm âu; na Inh gô pơlôch pơrăm lê̆ lu sư ưh kơ tam băt. Mă-lei bre sư drap tơ teh kơkuh,

Jo 16:21

Weh bĕ đơ̆ng tơpôl kon pơlei akŭm âu, na Inh gô pơlôch lu sư wă loh ưh kơ tam kơ băt.

Le 32:10

Thoi noh dang ei, lê̆ Inh hil mĭl kơ lu sư, pơrăm pơtôch lê̆ lu sư; mă-lei Inh gô pơjing đơ̆ng ih minh adrĕch adrung tih tơpă.

Êsêkiên 6:8

Mă-lei, kơplah lu iĕm tơklah tơklang jơ̆p kơ teh đak, Inh oei đei ăn mơ'nah oei arih, klaih đơ̆ng đao hơlă lu teh đak blah iĕm.

Je 46:28

Kră Yang khan: “Ơ Jakôp đĭch đam Inh, ih 'nĕ kơ hli, Inh oei hơdai ih, Inh gô pơrăm đĭ lu dêh char mă Inh đei puh iĕm tơ noh; bĕ gah lu iĕm Inh ưh kơ pơlôch đĭ, mă-lei gô phak bơtho iĕm trŏ tơpăt hơnơ̆ng, ưh kơ đei lê̆ ôh tơdrong phak bơtho iĕm.”

Êsai 1:9

Tơdah Kră Yang Tih Hloh ưh kơ lê̆ bơ̆n arih hơya tŏ sĕt, lei lu bơ̆n kư̆m răm lei-lăi thoi pơlei Sôđôm păng thoi pơlei Gômôrơ mơ̆n.

Esơra 9:8

Mă-lei dang ei lăm minh kơchon kơđeh đĕch Kră Yang 'Bok Kei-Dei lu nhôn đei pơdah boih tơdrong mơnat wă tơgŭm lu nhôn bơngai oei oăi arih brŏk tơ dêh 'lơ̆ng rơgoh păng ăn kơ lu nhôn minh anih kơjăp lăm anih 'lơ̆ng rơgoh Sư; wă kơ Kră Yang 'Bok Kei-Dei lu nhôn pơchrang ăn kơ măt lu nhôn păng ăn kơ lu nhôn hơdah oei arih 'biơ̆ tŏ sĕt kơplah lu nhôn jing đĭch đam đe.

Le 23:32

Ih 'nĕ kơ pơgơ̆p hăm lu sư, dah hăm yang lu sư.

Esơra 10:10

Đơ̆ng noh, Esơra, 'bok soi, sư iung păng khan kơ đĭ-đăng bơngai: Lu iĕm đei pơm yoch, iŏk oei kơ lu drŏ-kăn tơmoi, tơdrong yoch 'nâu pơthim lơ tơdrong yoch kơ bơngai Isơrael.

Ne 13:18

Sơ̆ 'bok yă lu iĕm đei pơm thoi noh boih, hăm trŏ lăm năr 'nâu Kră Yang 'Bok Kei-Dei ăn tơdrong răm truh kơ lu bơ̆n păng pơlei âu, lu iĕm pơm pơ'mê̆ kơ năr Sa'bat na pơthim ăn dơ̆ng tơdrong răm truh kơ lu bơngai Isơrael!

Je 44:9

Lu iĕm đĭ hiơt boih hă tơdrong yoch kơnê̆ lu 'bok yă iĕm, tơdrong kơnê̆ lu pơtao Juđa păng tơdrong kơnê̆ lu akăn lu sư, tơdrong yoch kơnê̆ lu iĕm păng akăn lu iĕm đei pơm lăm dêh Juđa păng tơ rok trong lăm pơlei Jêrusalem?