Esơra 8:23 - Sơ̆p Hlabơar Nơ̆r 'Bok Kei-Dei

²³ Thoi ei, lu bơ̆n athei ơ̆t kơ sŏng sa wă krao khan apinh Sư ăn kơ bơ̆n yak hiôk-hian gô tơl tơwih nơ̆r Kră Yang 'Bok Kei-Dei lu bơ̆n.

Esơra 8:23 Referans Kwoze

Esơra 8:31

Năr mơjĭt-'bar khei mônh, lu nhôn pơtơm yak năm đơ̆ng đak krong Ahawa, wă năm tơ pơlei Jêrusalem. Ti Kră Yang 'Bok Kei-Dei nhôn gô tơgŭm, dŏng pơklaih nhôn đơ̆ng ti lu ayăt, lu bơngai răp trong.

Both 4:29

Mă-lei đơ̆ng noh lu iĕm gô krao chă Kră Yang 'Bok Kei-Dei iĕm, layơ iĕm chă Kră Yang hăm đĭ jơhngơ̆m, đĭ tơdrong tơchĕng na gơh tơ'bơ̆p Sư.

Esther 4:16

Akŭm đĭ-đăng lu adrĕch bơngai Juđa tơ pơlei Susa bĕ, đơ̆ng noh athei ơ̆t kơ sŏng sa lăm pêng năr yua kơ inh, 'nĕ sŏng sa, kư̆m 'nĕ kơ nhă đak. Inh hăm lu bơngai awih awăn tơgŭm inh kư̆m ơ̆t kơ sŏng sa mơ̆n. Thoi noh inh gô mơ̆t tơ anih pơtao, mă khan pơm glăi kơ tơdrong juăt bưh mơ̆n. Tơdah trŏ kơ lôch lei inh lôch.

I Ho 5:20

Lăm kơplah tơblah băl, lu sư krao apinh Kră Yang 'Bok Kei-Dei, na Kră Yang 'Bok Kei-Dei tơgŭm lu sư tơblah hăm kon pơlei Hagrit păng đĭ-đăng lu bơngai kiơ̆ sư jei lu sư yua kơ lu sư đei jơhngơ̆m đon lui gơnang kơ Kră Yang.

Da 9:3

Inh lăng tơ Kră Yang 'Bok Kei-Dei, noh Kră Yang 'Bok Kei-Dei, inh krao khan, hơpơi apinh păng ơ̆t kơ sŏng sa, hrŭk ao 'bi, pung tơnuh tơ kơ̆l na krao chă.

Êsai 19:22

Kră Yang gô teh bơtho dêh char Êyiptơ đơ̆ng noh hơmet pơklaih lu sư dơ̆ng, lu sư gô wih tơ Kră Yang, Kră Yang gô mơ̆ng nơ̆r lu sư krao khan păng ming pơklaih ăn.

Jang 10:30

Na 'bok Kôrnei khan kơ Pêtrôs: “Puăn năr kơ âu boih, dang jơ âu mơ̆n, pêng jơ kơsơ̆, inh oei lăm hnam inh âu, krao khan kơ Kră Yang 'Bok Kei-Dei. Na inh 'bôh hloi minh 'nu bơngai hrŭk ao kok hơdah, sư dơ̆ng 'bơ̆t anăp inh.

Luka 2:37

Na sư adro oei oăi minh drô̆ truh kơ sư tơhngam-jĭt puăn sơnăm boih. Na sư ưh pă đei lĕch ngôi đơ̆ng hnam akŭm 'Bok Kei-Dei tơm boih. Sư oei lăm noh, sư ơ̆t kơ por krao khan măng năr.

Je 33:3

Krao apinh Inh bĕ, Inh gô tơl tơwih; Inh gô tơ'bôh ăn kơ ih tơdrong tih jrŭ păng tơnat kơ hlôh, dôm tơdrong mă ih ưh tam mă băt.”

Ne 9:1

Năr 'bar-jĭt puăn lăm khei noh, kon pơlei Isơrael akŭm ơ̆t kơ sŏng sa asu 'bi păng pung 'mui teh tơ kơ̆l lu sư.

Bl 25:21

Isăk krao apinh Kră Yang kơ akăn sư, yua kơ akăn sư hơwŏng. Kră Yang lăp đon kơ nơ̆r krao khan apinh noh, na ăn kơ Rê'bêka anăp.

II Pot 13:4

Jêhôahas krao apinh Kră Yang na Kră Yang mơ̆ng nơ̆r sư; yua kơ Kră Yang 'bôh pơtao đe Aram pơgŏ pơđep kon Pơlei Isơrael dêh.

Tơdrông Pơđơk 3:5

Gơnang bĕ kơ Kră Yang hăm đĭ jơhngơ̆m, 'Nĕ kơ gơnang kơ đon hlôh wao ih;