Esơra 8:16 - Sơ̆p Hlabơar Nơ̆r 'Bok Kei-Dei

¹⁶ Inh hloi wơh đe năm krao Adrĕch adrung Êliêser, Ariêl, Sêmaia, Êlnathan, Jarip Êlnathan, Nathan, Sachari păng Mêsulam, jing yŏng păng kư̆m krao Jôiarip păng Êlnathan hloi, bơngai đei 'bơ̆r đon.

Esơra 8:16 Referans Kwoze

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.

II Tim 2:7

Ơ Timôthê, ih tơchĕng lăng bĕ dôm nơ̆r inh pơma kơ ih yua kơ 'Bok Kei-Dei gô ăn kơ ih hlôh lăm tôm tơdrong lăm đon ih.

Da 2:21

Đơ̆ng Sư boih mă tơplih khei 'năr, bơyan, pơjing pơdơ̆ng pơtao păng ăn tơdrong gơh hơgei hlôh wao kơ lu bơngai hơgei păng ăn tơdrong hlôh băt kơ lu bơngai hơdah.

Tơdrông Pơđơk 28:2

Dêh char pơm kơnê̆, na đei lơ lu bơngai pơgơ̆r; Mă-lei bơngai hlôh wao na pơgơ̆r dêh char gei oei kơjăp đunh.

Tơdrông Pơđơk 20:5

Tơdrong chă đon lăm kon bơngai thoi đak jrŭ. Mă-lei bơngai hơgei đei đon hlôh wao gô sŏ iŏk tơ noh.

Tơdrông Pơđơk 2:6

Yua kơ Kră Yang ăn tơdrong gơh hơgei; Đơ̆ng 'bơ̆r Sư lĕch tơdrong băt hlôh, hlôh wao.

Esơra 10:39

Sêlêmia, Nathan, Ađaia,

Esơra 10:21

Lăm kon sâu Harim đei Masêia, Êli, Sêmaia, Jêhiêl păng Usia.

Esơra 8:18

Yua kơ đơ̆ng ti Kră Yang 'Bok Kei-Dei lu bơ̆n tơgŭm, lu sư ba ăn tơ lu bơ̆n minh 'nu bơngai hơgei, sư adrĕch adrung Mahli, noh kon drŏ-nglo Lêwi kon drŏ-nglo Isơrael, hăm Sêrêbia păng lu kon drŏ-nglo sư hăm lu 'nhŏng oh sư, đei mơjĭt-tơhngam 'nu;

Esơra 8:13

Lu bơngai oei gah kon sâu Ađônikam truh hơtuch hloh kơ đĭ-đăng; anăn lu sư: Êliphêlet, Jêuel păng Sêmaia păng lu sư đĭ-đăng đei tơdrâu-jĭt 'nu drŏ-nglo;

II Ho 2:12

Hiram khan dơ̆ng: “Bơnê kơ Kră Yang 'Bok Kei-Dei Isơrael, Kră Yang Tơ'ngla pơjing kơ plĕnh teh, Sư đei ăn boih kơ pơtao Đawit minh 'nu kon drŏ-nglo gơh hơgei, hlôh wao wă pơm hnam kơ Kră Yang păng wă pơm minh pôm hnam pơtao kơ sư.

I Ho 26:14

Hlang lăng 'măng jang hơlĕch trŏ kơ Sêlêmia. Hlang lăng 'măng jang yă-nơ̆m, trŏ kơ Sacharia kon drŏ-nglo Sêlêmia, bơngai gơh hơgei tơgŭm chă đon.

I Ho 12:32

Kon sâu Isakar đei lu bơngai băt hlôh khei 'năr păng tơdrong jang kon pơlei Isơrael wă pơm; lu sư đei 'bar-hrĕng 'nu bơngai yŏng pơgơ̆r; na đĭ-đăng lu 'nhŏng oh sư lăm ala kơ lu sư pơgơ̆r.

I Pot 3:11

Kră Yang 'Bok Kei-Dei khan kơ sư: “Yua kơ ih apinh tơdrong 'nâu, ưh kơ apinh kơ ih tơdrong arih sot, tơdrong mơdrŏng tih kư̆m ưh kơ apinh tơdrong kĕ jei blah pơrăm lu bơngai ayăt kơ ih, mă-lei ih apinh tơdrong hlôh wao gơh hơgei wă kơ gơh sek tơlang trŏ.

Esơra 8:15

Inh krao akŭm lu sư jê̆ đak krong ro tơ Ahawa đơ̆ng noh lu nhôn pơm anih tơ noh pêng năr, đơ̆ng noh inh chă lăng lu kon pơlei păng 'bok soi, mă-lei ưh kơ 'bôh bơngai Lêwi ôh.

Esơra 8:17

Inh wơh lu sư năm khan kơ kơdră Iđô tơ pơlei Kasiphia, inh bơtho kơ sư wă pơma khan kơ Iđô thoi yơ păng lu 'nhŏng oh sư, lu bơngai bơ̆jang tơ lăm hnam akŭm Kasiphia, wă apinh gơih ăn kơ lu nhôn lu bơngai gơh jang tơgŭm lăm hnam akŭm Kră Yang 'Bok Kei-Dei lu bơ̆n.