Esơra 7:25 - Sơ̆p Hlabơar Nơ̆r 'Bok Kei-Dei

²⁵ Gah ih, ơ Esơra, kiơ̆ kơ tơdrong hơgei Kră Yang 'Bok Kei-Dei ih, đei boih lăm ti ih, pơjing bĕ lu 'bok wei-lăng, 'bok sek tơlang, jĭ lu bơngai hlôh băt tôm khôi juăt Kră Yang 'Bok Kei-Dei ăn kơ ih, wă kơ lu sư sek tơlang ăn đĭ kon pơlei oei gah bơmơ̆t kơ đak krong; na lu đe bu mă ưh kơ băt khôi juăt, ih athei bơtho lu sư wă kơ băt.

Esơra 7:25 Referans Kwoze

Esơra 7:10

Esơra đei ling-lang lăng hŏk iŏk khôi juăt Kră Yang, wei răk pơm kiơ̆ păng bơtho ăn kơ kon pơlei Isơrael băt kơ dôm khôi juăt păng dôm tơdrong đei tơtă.

Both 16:18

Athei pôk ăn lu 'bok sek tơlang păng yŏng pơgơ̆r lăm lu adrĕch tơ lăm lu pơlei mă Kră Yang 'Bok Kei-Dei ăn kơ iĕm; wă gô sek tơlang kon pơlei hăm tơdrong tơpăt.

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.

Malachi 2:7

Yua kơ hơkŭng 'bơ̆r 'bok soi athei wei tơdrong hlôh wao, lu đe chă tơdrong juăt đơ̆ng lăm 'bơ̆r lu sư, yua kơ lu sư jơ̆ bơngai đơ̆ng Kră Yang Tih Hloh.

Horiso 19:7

Khôi juăt đơ̆ng Kră Yang jơ̆ 'lơ̆ng tơpăt, pơrih ăn bơhngol inh, c Kră Yang khan sĭt tơpă, pơm ăn kơ bơngai kơtul jing hơgei.

Markôs 6:34

Lăp Yêsu jur đơ̆ng thŏng-nan, Sư 'bôh lơ bơngai tơpă gô Sư tơ anih 'noh. Na Sư mơnat dêh kơ lu bơngai tơpôl 'noh yua kơ lu bơngai tơpôl 'noh thoi lĕ triu ưh kơ đei bơngai wei-lăng. Na Sư bơtho lu đe ei lơ tơdrong.

Mathiơ 13:52

Yêsu khan: “Thoi noh na lu iĕm bơngai mă pơhrăm păng Inh, iĕm gô jing thây bơtho đe tơdrong 'Bok Kei-Dei pơgơ̆r kon bơngai, na iĕm bơtho đe tơdrong 'nao tơdrong so kư̆m thoi 'bok tơ'ngla hnam chă asong kơ đe tơmam 'nao păng tơmam so sư, gô mơ̆ng kơ sư wă.”

Tơdrông Pơđơk 6:23

Yua kơ nơ̆r tơtă thoi ŭnh kơđeng; Tơdrong bơtho tơ'bôh thoi hơdah, Păng tơdrong chrih wă bơtho pơhrăm noh trong tơdrong arih.

Tơdrông Pơđơk 2:6

Yua kơ Kră Yang ăn tơdrong gơh hơgei; Đơ̆ng 'bơ̆r Sư lĕch tơdrong băt hlôh, hlôh wao.

Ne 9:3

Lu sư iung dơ̆ng kơtă anih, đŏk lăm sơ̆p hla bơar khôi juăt Kră Yang 'Bok Kei-Dei lu sư kơdih đunh dang minh lăm puăn lăm năr noh, minh lăm puăn dơ̆ng, lu sư tơbral tơdrong yoch păng kơkuh kơ Kră Yang 'Bok Kei-Dei lu sư.

Esơra 7:14

Inh păng tơpơh 'nu bơngai hơgei wơh ih brŏk chă lăng wă kơ băt lăm bơngai Juđa păng tơ Pơlei Jêrusalem, hăm kiơ̆ kơ khôi juăt Kră Yang 'Bok Kei-Dei mă đei chih rok ih oei chĕp lăm ti ih.

Esơra 6:6

Thoi noh dang ei, ơ Tatênai pơm 'bok pơgơ̆r gah bơmơ̆t đak krong, Sêthar Bôsênai păng đĭ-đăng lu bơngai bơ̆jang tơ Aphatsak gah to đak krong, athei weh bĕ đơ̆ng noh;

I Ho 23:4

Đawit khan. “Lăm lu bơngai noh, đei 'bar-jĭt puăn-rơbâu 'nu bơngai wei-lăng tơdrong jang lăm hnam Kră Yang; tơdrâu 'nu bơngai pơm bơngai wei-lăng păng pơm kră sek tơlang.

I Ho 22:12

Apinh Kră Yang ăn kơ ih tơdrong gơh hơgei hlôh wao wă kơ ih pơgơ̆r wei-lăng lu bơngai Isơrael wă kơ ih răk kiơ̆ tơdrong juăt Kră Yang 'Bok Kei-Dei ih.

I Pot 3:28

Đĭ-đăng bơngai Isơrael kơtơ̆ng tơdrong pơtao sek tơlang noh lu sư hli yom ư-ang kơ pơtao, yua kơ lu sư 'bôh pơtao đei tơdrong gơh hơgei đơ̆ng Kră Yang 'Bok Kei-Dei, wă kơ sek tơlang tơpăt.

Kôlôsê 1:28

Tơdrong 'Bok noh boih nhôn bơtho dang ei, 'Bok noh boih mă nhôn gơnang kơ 'Bok Kei-Dei, wă kơ 'Bok Kei-Dei ăn kơ nhôn hơgei tôm tơdrong Sư na gơh năm bơtho khan kơ jơ̆p-jang bơngai. Yua kơ tơdrong 'Bok noh boih na nhôn pơjao kon bơngai kơ 'Bok Kei-Dei wă kơ kon bơngai wih đĭ tơ 'Bok Kei-Dei jing bơngai 'lơ̆ng tơpăt hăm Sư boih, pôm đon hăm Yêsu Krist.

Bl 41:38

Pharaôn khan kơ lu kuan tih thoi âu: Lu bơ̆n chă bơngai bu dơ̆ng gơh băt thoi bơngai 'nâu, đei jơhngơ̆m đon gơh hơgei đơ̆ng Kră Yang 'Bok Kei-Dei?

Bl 41:39

Pharaôn pơma păng Jôsep khan: Yua kơ Kră Yang 'Bok Kei-Dei ăn boih kơ ih băt tơdrong âu, na pă đei bu hơgei hlôh wao thoi ih boih.

II Pot 17:27

Na pơtao đe Asiri wơh athei: “Lăm lu 'bok soi mă lu iĕm rôp bơih, iĕm athei rơih iŏk minh 'nu chông ba sư brŏk tơ dêh char noh wă kơ sư bơtho tơdrong juăt kơkuh kơ yang lăm dêh char noh.”

Esơra 10:4

Ih athei iung bĕ, yua kơ tơdrong âu 'bơm hăm ih păng lu nhôn gô tơgŭm; ih athei đei jơhngơ̆m pơ̆n nuih na pơm tơdrong 'nâu.