Esơra 6:8 - Sơ̆p Hlabơar Nơ̆r 'Bok Kei-Dei

⁸ 'Nâu nơ̆r inh athei, iĕm athei pơm kiơ̆ hăm lu đe kơdră pơgơ̆r kon pơlei Juđa, wă tơgŭm pơm dơ̆ng hnam akŭm Kră Yang 'Bok Kei-Dei: Athei iŏk dôm lu tơmam đei ra đơ̆ng gah to đak krong, jah ăn jên 'nĕ kơ hiơ̆ ăn kơ lu bơngai noh, wă kơ tơdrong jang ưh kơ đei layơ kơtĕch pơdơh.

Esơra 6:8 Referans Kwoze

Esơra 6:4

pơm pêng trong tơmo tih păng minh trong hơpok 'long 'nao; mă jên pơhuach pơm noh iŏk đơ̆ng lăm hnam mong tơmam pơtao ăn.

Hagai 2:8

‘Hu jơ̆ hu Inh, maih jơ̆ maih Inh, Kră Yang khan thoi noh.

Esơra 5:5

Mă-lei Kră Yang 'Bok Kei-Dei wei-lăng lu kră pơgơ̆r kon pơlei Juđa, thoi noh lu đe noh ưh kơ đei gơh pơgăn, gô chih roi tơdrong noh kơ pơtao Đarius băt, gô mơ̆ng kơ pơtao chih tơjur ăn thoi yơ.

Esơra 4:23

Lăp wă lu sư đŏk hla bơar pơtao Artaserses chih noh 'bơ̆t anăp Rêhum, Simsai bơngai chih hla bơar păng đĭ-đăng lu bơngai bơ̆jang, na lu sư năm hăt hot hloi truh tơ kon pơlei Juđa tơ pơlei Jêrusalem, iŏk tơdrong gơh păng tơdrong pran kơtang pơm kơ kon pơlei Juđa khă ưh kơ ăn pơm.

Esơra 4:16

Lu nhôn roi tơbăt kơ ih băt tơdah pơlei âu đei pơm ming dơ̆ng păng dur pơlei đe man ming dơ̆ng, tơdrong ei ưh kơ jor, ih gô hiong teh đak gah âu kơ đak krong.

Esơra 6:7

athei lê̆ 'bok kuan wei-lăng lu bơngai Juđa păng lu bơngai kơdră pơgơ̆r lu sư pơjing hnam akŭm Kră Yang 'Bok Kei-Dei tơ anih so sư.

Esơra 6:9

Rim năr athei ăn kơ lu 'bok soi tơ Jêrusalem lu tơmam soi mă kăl hloh wă kơ sư pơyơ̆r ăn kơ Kră Yang 'Bok Kei-Dei rơmo tơno, triu tơno, triu tơno kon, 'ba mi, 'boh, sik, dah đak rơmă, 'nĕ kơ kơ'bah ôh,

Esơra 7:14

Inh păng tơpơh 'nu bơngai hơgei wơh ih brŏk chă lăng wă kơ băt lăm bơngai Juđa păng tơ Pơlei Jêrusalem, hăm kiơ̆ kơ khôi juăt Kră Yang 'Bok Kei-Dei mă đei chih rok ih oei chĕp lăm ti ih.

Ne 11:23

Yua kơ đei nơ̆r tơtă đơ̆ng pơtao athei trŏ kơ lu sư păng đei pơkă asong tơmam sa kơ lu bơngai hơri, năr ayơ tôm mah kơ lăm năr ei,

Da 6:26

Inh chih tơbăt, ăn jơ̆p kơ lăm dêh char 'bôh, đĭ-đăng athei hli yom tơtơ̆ 'bơ̆t anăp Kră Yang 'Bok Kei-Dei arih ling-lang hlŏng hloi, Kră Yang 'Bok Kei-Dei Đaniel teh đak Sư ưh kơ đei layơ hiong răm păng tơdrong mơsêh mơyang Sư oei oei ling-lang truh năr tôch.

Esơra 6:14

Thoi noh, lu đe kră pơgơ̆r kon pơlei Juđa pơtơm pơjing ming dơ̆ng hnam akŭm, tơdrong jang pŭn hiôk tơpă, 'blep trŏ thoi nơ̆r Hagai păng Sachari khan lê̆ adrol, kon drŏ-nglo Iđô. Thoi noh lu sư pơm keh hnam akŭm kiơ̆ kơ nơ̆r tơtă đơ̆ng Kră Yang 'Bok Kei-Dei lu đe Isơrael păng kư̆m kiơ̆ kơ nơ̆r tơjur đơ̆ng Sirus, Đarius păng Artaserses pơtao dêh char Phersia.

Ne 2:8

kư̆m chih tơjur ăn kơ Asap, bơngai mă wei bri kơdrơ̆ng pơtao, roi ăn kơ sư asong inh 'long wă pơm jrăng 'măng jang ming pơdơ̆ng, dur pơlei gah hnam Kră Yang păng hnam inh oei.” Na pơtao ăn kơ inh dôm tơdrong noh, kiơ̆ thoi tơpang ti 'lơ̆ng rơgoh đơ̆ng 'Bok Kei-Dei tơgŭm inh.