Esơra 6:5 - Sơ̆p Hlabơar Nơ̆r 'Bok Kei-Dei

⁵ Đơ̆ng noh dơ̆ng, lu tơmam gĭt pơm hăm maih păng hăm hu lăm hnam Kră Yang 'Bok Kei-Dei, mă Nebukatnessar đei iŏk đơ̆ng lăm hnam akŭm tơ Pơlei Jêrusalem chĕp ba tơ Babilôn, athei pơdrâu păng chĕp ba tơ hnam akŭm Pơlei Jêrusalem; ih athei dan đêl tơ anih so sư lăm hnam Kră Yang 'Bok Kei-Dei.

Esơra 6:5 Referans Kwoze

Da 5:2

Belsatsar oei huch tơdrô, athei đe iŏk pơnhan maih, pơnhan hu mă đơ̆ng pơtao Nebukatnessar 'bă sư, mă đei iŏk kơchŏk đơ̆ng lăm hnam akŭm pơlei Jêrusalem noh, wă ăn kơ pơtao păng lu kuan tih, lu akăn tơm, akăn kơnhŏng pơtao kư̆m yua pơnhan noh huch.

Esơra 5:14

Pơtao Sirus kư̆m đei iŏk pơdrâu dôm lu tơmam kơthao hu, maih đơ̆ng lăm hnam yang Babilôn mă pơtao Nebukatnessar đei iŏk đơ̆ng lăm hnam akŭm Kră Yang 'Bok Kei-Dei tơ pơlei Jêrusalem, na chĕp ba tơmam noh tơ hnam yang Babilôn; Sirus pơjao ăn kơ Sêsbasar, mă sư đei ăn pơm 'bok yŏng pơgơ̆r,

Je 27:16

Inh kư̆m khan kơ lu 'bok soi păng đĭ-đăng kon pơlei âu: “Kră Yang khan: ‘'Nĕ pă mơ̆ng nơ̆r lu bơngai khan lê̆ adrol kơ iĕm khan: Dôm lu tơmam yua lăm hnam Kră Yang ưh pă đunh boih Babilôn gô pơdrâu tơwih tơ âu! Noh lu sư khan lê̆ adrol hơlĕnh kơ lu iĕm.

Je 52:19

Nêbusar Adan yŏng linh kư̆m iŏk lu pơnhan mong pham wă tơtreh, chhĕr dan ngar, kơthao, gŏ, chhĕr dan tơmam 'bâu phu, gơhnŏk wă huch sa tơmam pơyơ̆r, đĭ-đăng tơmam noh đe pơm păng maih rơgoh păng hu rơgoh.

II Ho 36:10

Truh lăm bơyan puih, pơtao Nebukatnessar wơh đe năm rôp chông ba sư tơ dêh char Babilôn, kư̆m iŏk dôm tơmam 'lơ̆ng gĭt đơ̆ng lăm Hnam Kră Yang, na pôk Sêdêkia ma sư pơm pơtao pơgơ̆r dêh char Juđa păng pơlei Jêrusalem.

II Pot 24:13

Thoi nơ̆r Kră Yang hlôi khan, pơtao Babilôn iŏk lê̆ đĭ dôm lu tơmam kăp đơ̆ng lăm hnam akŭm kơkuh kơ Kră Yang păng dôm lu tơmam gĭt đơ̆ng lăm hnam pơtao, teng iŏk lu tơmam yua lăm hnam akŭm kơkuh kơ Kră Yang mă Sôlômôn pơtao đe Isơrael hlôi pơm hăm maih.

Da 1:2

Kră Yang 'Bok Kei-Dei jao Jêhôiakim, pơtao đe Juđa păng đei tơmam đơ̆ng hnam Kră Yang 'Bok Kei-Dei lăm ti Nebukatnessar. Sư anhăk ba tơmam noh brŏk tơ dêh Babilôn, tơmơ̆t lăm rông yang sư păng 'măn lê̆ tơ lăm hnam mong tơmam ăn kơ yang sư kơdih.

II Ho 36:18

Pơtao iŏk đĭ lu tơmam yua đơ̆ng lăm Hnam Kră Yang 'Bok Kei-Dei, tih dah iĕ lu tơmam gĭt lăm Hnam Kră Yang, lu tơmam gĭt pơtao păng tơmam gĭt lu yŏng pơgơ̆r, iŏk đĭ chĕp ba tơ dêh char Babilôn.