Esơra 5:14 - Sơ̆p Hlabơar Nơ̆r 'Bok Kei-Dei

¹⁴ Pơtao Sirus kư̆m đei iŏk pơdrâu dôm lu tơmam kơthao hu, maih đơ̆ng lăm hnam yang Babilôn mă pơtao Nebukatnessar đei iŏk đơ̆ng lăm hnam akŭm Kră Yang 'Bok Kei-Dei tơ pơlei Jêrusalem, na chĕp ba tơmam noh tơ hnam yang Babilôn; Sirus pơjao ăn kơ Sêsbasar, mă sư đei ăn pơm 'bok yŏng pơgơ̆r,

Esơra 5:14 Referans Kwoze

Esơra 6:5

Đơ̆ng noh dơ̆ng, lu tơmam gĭt pơm hăm maih păng hăm hu lăm hnam Kră Yang 'Bok Kei-Dei, mă Nebukatnessar đei iŏk đơ̆ng lăm hnam akŭm tơ Pơlei Jêrusalem chĕp ba tơ Babilôn, athei pơdrâu păng chĕp ba tơ hnam akŭm Pơlei Jêrusalem; ih athei dan đêl tơ anih so sư lăm hnam Kră Yang 'Bok Kei-Dei.

Je 52:19

Nêbusar Adan yŏng linh kư̆m iŏk lu pơnhan mong pham wă tơtreh, chhĕr dan ngar, kơthao, gŏ, chhĕr dan tơmam 'bâu phu, gơhnŏk wă huch sa tơmam pơyơ̆r, đĭ-đăng tơmam noh đe pơm păng maih rơgoh păng hu rơgoh.

Esơra 5:16

Kơplah noh, Sêsbasar truh đei pơjing ming hnam akŭm Kră Yang 'Bok Kei-Dei tơ pơlei Jêrusalem; păng đơ̆ng noh truh tơ dang ei, đe oei pơm, mă-lei tam mă keh.

Jang 13:12

'Bok kuan tih wei dêh char ei, sư 'bôh tơdrong hlĭch thoi noh na sư lui hloi kơ Kră Yang Yêsu. Sư mơ̆ng hlĭch tơpă tơdrong lu bơngai bơtho tơdrong Kră Yang 'Bok Kei-Dei.

Hagai 2:21

“Athei roi kơ Sôrôbabel, kuan pơgơ̆r Juđa, thoi âu: ‘Inh gô kơgŭ plĕnh păng teh.

Hagai 2:2

“Dang ei athei roi kơ Sôrôbabel kon drŏ-nglo Salathiel, yŏng pơgơ̆r Juđa păng Jôsua kon drŏ-nglo Jêhôsađak 'bok soi tơm păng lu kon pơlei mă oei đei, khan kơ sư thoi âu:

Hagai 1:14

Đơ̆ng noh, Kră Yang pơtrŭt jơhngơ̆m Sôrôbabel, kon drŏ-nglo Salathiel, yŏng pơgơ̆r Juđa păng pơtrŭt jơhngơ̆m Jêhôsua kon drŏ-nglo Jêhôsađak 'bok soi tơm păng kư̆m pơtrŭt jơhngơ̆m kon pơlei mă oei oei; lu sư tă kơ năm bơ̆jang tơ anih hnam Kră Yang Tih Hloh noh jơ̆ Kră Yang sư.

Hagai 1:1

Sơnăm mă 'bar chăl pơtao Đarius, năr mônh khei tơdrâu, đei nơ̆r Kră Yang yua Hagai 'bok khan lê̆ adrol roi tơbăt ăn kơ Sôrôbabel, kon drŏ-nglo Salathiel kră wei-lăng char Juđa păng ăn Jêhôsua, kon drŏ-nglo Jêhôsađak, 'bok soi tơm thoi âu:

Tơdrông Pơđơk 21:1

Jơhngơ̆m pơtao lăm ti Kră Yang thoi đak glung ro; Sư ăn ro tơ yơ mơ̆ng kơ Sư wă.

Esơra 7:27

Na Esơra khan thoi âu: Trŏ bơnê ư-ang dêh tơpă kơ Kră Yang Kră Yang 'Bok Kei-Dei lu 'bok yă bơ̆n, đei hơmet jơhngơ̆m pơtao wă hơmet pơrŏ ming hnam akŭm Kră Yang tơ pơlei Jêrusalem.

II Ho 36:18

Pơtao iŏk đĭ lu tơmam yua đơ̆ng lăm Hnam Kră Yang 'Bok Kei-Dei, tih dah iĕ lu tơmam gĭt lăm Hnam Kră Yang, lu tơmam gĭt pơtao păng tơmam gĭt lu yŏng pơgơ̆r, iŏk đĭ chĕp ba tơ dêh char Babilôn.

II Ho 36:7

Nebukatnessar kư̆m blah iŏk lu tơmam đơ̆ng lăm Hnam Kră Yang chĕp ba tah tơ lăm hnam pơtao sư tơ Babilôn.

Esơra 5:15

păng khan kơ sư thoi âu: Iŏk bĕ dôm pơnhan tơmam gĭt 'nâu, năm 'măn tơ hnam akŭm tơ pơlei Jêrusalem păng pơjing pơm ming dơ̆ng hnam Kră Yang 'Bok Kei-Dei 'bơ̆t anih so sư.