Esơra 4:17 - Sơ̆p Hlabơar Nơ̆r 'Bok Kei-Dei

¹⁷ Pơtao hloi chih hla bơar tơjur nơ̆r tơtă ăn kơ yŏng linh Rêhum, ăn kơ Simsai bơngai chih hla bơar păng ăn kơ đĭ-đăng lu bơngai bơ̆jang oei lăm Samari păng oei lăm dêh nai gah bơmơ̆t kơ đak krong, thoi âu: Hơpơi ăn kơ lu iĕm đei tơdrong hiôk-hian.

Esơra 4:17 Referans Kwoze

Rom 1:7

Na dang ei inh chih kơthơ ăn kơ iĕm bơngai Rôm mă 'Bok Kei-Dei 'mêm kơeng. Iĕm boih 'Bok Kei-Dei krao wă kơ iĕm jing kon Sư. Inh krao khan apinh Sư 'Bă tơm bơ̆n hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Jang 23:26

“Anăn inh Klôt Lisia chih kơthơ âu kơ 'bok kuan tih Phêlik. Hmach kơ ih 'bok.

Luka 10:5

Lăp wă mơ̆t tơ hnam đe, iĕm khan: ‘'Bok Kei-Dei ăn kơ hnam iĕm chơt hiôk.’

Esơra 7:12

Artaserses, pơtao kơ lu pơtao, gơih ăn kơ Esơra, 'bok soi bơngai bơtho hơgei kơ hla bơar, hlôh tôm khôi juăt Kră Yang 'Bok Kei-Dei kơpal plĕnh, hơpơi ăn kơ ih hiôk-hian lăm tôm tơdrong.

Esơra 5:7

thoi nơ̆r 'nâu: “Hơpơi kơ pơtao Đarius hiôk-hian tôm tơdrong!

Esơra 4:7

Hlôi kơ chăl Artaserses, na Bislam, Mitrêdat, Tabêl păng hơdai đĭ 'bok kuan lu sư, chih roi ăn kơ Artaserses, pơtao Phersia. Hla bơar đe chih ei chih hăm nơ̆r Aram păng ăn kơ pơtao.

Esơra 4:16

Lu nhôn roi tơbăt kơ ih băt tơdah pơlei âu đei pơm ming dơ̆ng păng dur pơlei đe man ming dơ̆ng, tơdrong ei ưh kơ jor, ih gô hiong teh đak gah âu kơ đak krong.

Esơra 4:18

Kơthơ lu iĕm chih roi noh đei truh tơ inh đei đŏk tơblang rơđah nhen 'bơ̆t anăp inh boih.

Da 4:1

Pơtao Nebukatnessar roi tơbăt ăn kơ đĭ-đăng kon pơlei, lu dêh char, rim nơ̆r pơma, oei tơ jơ̆p kơpal teh thoi âu: Hơpơi kơ iĕm đei hiôk-hian rai dêh!

Da 6:25

Đơ̆ng noh, pơtao Đarius chih tơbăt ăn kơ đĭ-đăng kon pơlei pơla, tơ jơ̆p dêh char, tơ rim adrĕch, rim nơ̆r pơma kơpal teh thoi âu: Hơpơi kơ lu iĕm đei tơdrong pŭn hiôk rai dêh.