Esơra 10:18 - Sơ̆p Hlabơar Nơ̆r 'Bok Kei-Dei

¹⁸ Păng 'nâu lu anăn lăm 'bok soi kư̆m đei chă akăn lu bơngai tơmoi, lăm lu kon sâu Jêsua, kon drŏ-nglo Jôsađac păng 'nhŏng oh sư: Maasêya, Êliêser, Jarip păng Gêđalia.

Esơra 10:18 Referans Kwoze

Sa 3:1

Đơ̆ng noh, Kră Yang ăn kơ inh 'bôh 'bok soi tơm Jôsua oei dơ̆ng 'bơ̆t anăp linh jang Kră Yang păng Satana oei gah 'ma kơ sư wă kêng sư.

Hagai 1:1

Sơnăm mă 'bar chăl pơtao Đarius, năr mônh khei tơdrâu, đei nơ̆r Kră Yang yua Hagai 'bok khan lê̆ adrol roi tơbăt ăn kơ Sôrôbabel, kon drŏ-nglo Salathiel kră wei-lăng char Juđa păng ăn Jêhôsua, kon drŏ-nglo Jêhôsađak, 'bok soi tơm thoi âu:

Esơra 5:2

Đei Serubabel, kon drŏ-nglo Sêathiel păng Jêsua kon tơdăm Jôsađăk, bre sư iung, tơgŭm pơtơm pơjing hnam akŭm kơkuh kơ Kră Yang 'Bok Kei-Dei tơ pơlei Jêrusalem păng đei lu 'bok khan lê̆ adrol Kră Yang 'Bok Kei-Dei wang tơgŭm.

Esơra 3:2

Kơplah noh, Jêsua, kon drŏ-nglo Jôsađăk păng lu 'bok soi hăm Serubabel, kon drŏ-nglo Sêathiel păng lu 'nhŏng oh sư, đĭ-đăng wang iung pơdơ̆ng chơnang soi Kră Yang 'Bok Kei-Dei đe Isơrael, wă pơyơ̆r tơmam soi 'buh tơ noh, kiơ̆ kơ đei chih lăm hla bơar khôi juăt Môis, bơngai Kră Yang 'Bok Kei-Dei.

Esơra 2:2

lu yŏng pơgơ̆r đei đe Serubabel, Jêsua, Nêhêmi, Sêraia, Rêlaia, Mordêkai, Bilsan, Mitpar, Bikwai, Rêhum păng Baanah chông wih brŏk. 'Nâu chih jô̆ lu kon drŏ-nglo Isơrael.

I Tim 3:11

Lu bơngai drŏ-kăn wă jang lăm hnam 'Bok Kei-Dei, sư kư̆m athei pơm mă 'lơ̆ng tơpăt mơ̆n; 'nĕ kơ pơma plĕch kơ đe, 'nĕ kơ et sik suai. Sư athei pơm tôm tơdrong 'lơ̆ng tơpăt ngăl.

Êsêkiên 44:22

Lu sư ưh kơ gơh iŏk akăn adro wă pơm akăn păng ưh kơ gơh iŏk drŏ-kăn mă klo sư achăng, mă-lei gơh iŏk drŏ-kăn hơlai hle 'lơ̆ng lăm adrĕch Isơrael; mă-lei dah akăn adro lu 'bok soi sư kư̆m gơh iŏk.

Je 23:14

Inh 'bôh lăm lu bơngai khan lê̆ adrol lăm pơlei Jêrusalem pơm tơdrong kơnê̆ dêh; Lu sư pơm pơyô kư̆ kă păng yak kiơ̆ trong hơlĕnh pơdăr; lu sư pơdrŭt bơngai pơm kơnê̆ rai dêh, na lu sư ưh pă đei bu 'maih lê̆ tơdrong kơnê̆. Inh lăng rim kơ lu sư thoi pơlei Sôđôm, păng kon pơlei Jêrusalem nhen thoi pơlei Gômôrơ.”

Je 23:11

“Đĭ lu bơngai khan lê̆ adrol hăm đĭ lu 'bok soi tă kơ pơm kơnê̆ dêh, Inh 'bôh boih lu sư pơm kơnê̆ truh tơ lăm hnam Inh hloi.” Noh Kră Yang khan,

Ne 13:28

Đei minh 'nu lăm kon drŏ-nglo Jôiada, sâu Êliasip 'bok soi tơm, ŏng Sanbalat, bơngai Hôrôn; yua kơ thoi noh inh puh tơweh lê̆ sư.

Ne 12:10

Jêsua 'bă kơ Jôiakim; Jôiakim 'bă kơ Êliasip, Êliasip 'bă kơ Jiađa;

Ne 8:7

Kŭm đei Jêsua, Bani, Sêrêbia, Jamin, Akup, Sabêthai, Hôđia, Masêja, Kêlita, Asaria, Jôsabat, Hanan, Pêlaia păng bơngai Lêwi, kư̆m tơblang ăn kơ kon pơlei hlôh khôi juăt; păng lu kon pơlei dơ̆ng kơtă anih lu sư.

Ne 8:4

Thây bơtho khôi juăt Esơra dơ̆ng tơ kơpal hơdrơ̆l đe pơm păng 'long; kơplah noh Matithia, Sêma, Anaia, Uri, Hilkia păng Masêia, dơ̆ng gah 'ma sư; gah 'ngiĕo sư đei Pêđaia, Misael, Malkija, Hasum, Hasbađana, Sachari păng Mêsulam.

Esơra 9:1

Đơ̆ng rŏng kơ tơdrong noh, lu 'bok kuan tih năm jê̆ pơma hăm inh thoi âu: Kon pơlei Isơrael, lu 'bok soi păng bơngai Lêwi hai, ưh kơ đei tơklah đơ̆ng adrĕch păng lăm tơring âu, lu sư pơm rok lu kon pơlei Kanaan, kon pơlei Hêtit, kon pơlei Phêrêsit, kon pơlei Jêbus, kon pơlei Ammôn, kon pơlei Môap, kon pơlei Êyiptơ păng kon pơlei Amôrit.

Lêwi 21:7

'Bok soi ưh kơ gơh ôh oei kơ drŏ-kăn đi, dah drŏ-kăn kơnê̆ bơih; kư̆m ưh kơ gơh oei kơ drŏ-kăn đêl klo sư achăng; yua kơ 'bok soi bơngai 'lơ̆ng rơgoh kơ Kră Yang 'Bok Kei-Dei lu sư.

Esơra 9:2

Yua kơ lu sư rôp oei kơ lu drŏ-kăn bơngai tơmoi păng kư̆m rôp ăn kon drŏ-nglo lu sư oei na lu adrĕch 'lơ̆ng rơgoh jing hrâu hre hăm adrĕch lăm dêh âu; tơpă lu đe kơdră păng 'bok kuan wei-lăng kon pơlei pơm yoch adrol hloh.

Esơra 10:17

Truh tơ năr mă mônh khei mônh, lu sư pơm keh kơ tơdrong sek hơlen kơ lu bơngai mă chă akăn bơngai tơmoi.

Hagai 1:12

Thoi Sôrôbabel kon drŏ-nglo Salathiel păng Jôsua kon drŏ-nglo Jêhôsađak, 'bok soi tơm păng lu kon pơlei mă oei đei. Mơ̆ng kiơ̆ nơ̆r Kră Yang 'Bok Kei-Dei sư păng nơ̆r Hagai khan lê̆ adrol mă Kră Yang 'Bok Kei-Dei đei wơh, thoi noh đĭ-đăng kon pơlei tă hli yom 'bơ̆t anăp Kră Yang ngăl.

Hagai 2:4

Dang ei Kră Yang khan: ‘Ơ Sôrôbabel ih athei nuih kơtang bĕ; ih Jôsua, kon drŏ-nglo Jêhôsađak, 'bok soi tơm, kư̆m athei nuih kơtang Kră Yang khan dơ̆ng: Đĭ-đăng kon pơlei kơpal teh, lu iĕm kư̆m athei nuih kơtang păng bơ̆jang bĕ; yua kơ Inh oei hăm iĕm,’ Kră Yang Tih Hloh khan thoi noh.

Sa 6:11

Iŏk jên dah maih đơ̆ng sư, pơm bĕ minh tŏ môk pơtao na pơyơ̆l ăn bĕ tơ kơ̆l Jôsua 'bok soi tơm kon dăm Jêhôsađak.

Esơra 2:36

Lu 'bok soi: Adrĕch Jêđaia, lăm hnam dơnŏ Jêsua, tơsĭn-hrĕng tơpơh-jĭt pêng;

Esơra 3:8

Sơnăm mă 'bar khei 'bar, đơ̆ng rŏng lu sư brŏk tơ hnam akŭm Kră Yang 'Bok Kei-Dei tơ pơlei Jêrusalem, Serubabel, kon drŏ-nglo Sêathiel păng Jêsua kon drŏ-nglo Jôsađăk, lu 'nhŏng oh, lu 'bok soi păng bơngai Lêwi, hăm đĭ-đăng lu bơngai mă đe rôp pơm bơnă 'nao wih brŏk tơ pơlei Jêrusalem, đĭ-đăng wang pơtơm pơm pơjing hnam akŭm; Lu sư ăn bơngai Lêwi đơ̆ng 'bar-jĭt sơnăm năm tơ kơpal, wă kơ wei-lăng tơdrong jang pơm pơjing hnam akŭm Kră Yang.

Je 23:10

‘Dêh char âu 'bĕnh kơ lu bơngai pơm pơyô kư̆ kă, Yua kơ đơ̆ng Kră Yang hiap pơtê̆, teh hrĕng kro, tơmăn 'nhĕt tơ char glă kro đĭ. Lu sư kơdâu kiơ̆ trong kơnê̆; yua iŏk tơdrong gơh kĕ ưh kơ trŏ.’ ”