Esơra 10:14 - Sơ̆p Hlabơar Nơ̆r 'Bok Kei-Dei

¹⁴ Thoi noh, apinh lu 'bok kuan tih dơ̆ng tơ noh tơplih kơ lu nhôn wă pơma dŏng kon pơlei mă trŏ; mă bơngai bu lăm pơlei lu nhôn đei iŏk lu bơngai tơmoi pơm akăn, athei pơm kiơ̆ kơ năr đei hơgăt, hăm lu đe kră păng 'bok sek tơlang kơtă pơlei, wă hơmet tơdrong âu dĭng truh tơ layơ mă Kră Yang hil mĭl kơ nhôn gơh ngach rơngơp.

Esơra 10:14 Referans Kwoze

II Ho 30:8

'Nĕ pă arăng kơ̆l thoi lu 'bok iĕm; chu bĕ Kră Yang, năm tơ anih rơgoh Sư mă 'măn lê̆ pha rơgoh ling-lang. Kơkuh ư-ang bĕ kơ Kră Yang 'Bok Kei-Dei lu iĕm, wă kơ Sư huay pă hil mĭl,

II Ho 29:10

Dang ei jơhngơ̆m inh wă pơm tơdrong pơgơ̆p hăm Kră Yang 'Bok Kei-Dei Isơrael, wă kơ tơdrong hil mĭl Sư ngach.

Jo 25:4

Kră Yang khan kơ Môis thoi âu: Rôp đĭ-đăng lu yŏng pơgơ̆r kon pơlei păng hrek atol lu sư 'bơ̆t tŏ, anăp Kră Yang wă kơ tơdrong Kră Yang hil mĭl weh đơ̆ng Isơrael.

Êsai 12:1

Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

Horiso 78:38

Mă-lei yua kơ tơdrong 'mêm mơnat Sư huay kơ jô̆ yoch, ưh kơ wă pơrăm lu sư; Lơ wơ̆t sư gơ̆t lê̆ kơ hil, Sư ưh kơ mah tơ'bôh dêh tơdrong Sư hil.

Jôsuê 7:26

Lu sư dan lê̆ tơmo, tơ kơpal akâu Akan lôch, hơlôk dang ei oei đei, Kră Yang huay pă hil mĭl, đơ̆ng noh truh tơ dang ei, đe krao anih noh thŭng Akôr.c

Both 17:9

Năm roi kơ lu 'bok soi tơm adrĕch bơngai Lêwi păng kră sek tơlang hơgei mă oei jang lăm chăl noh, na apinh lu sư gô tơ'bôh ăn kơ iĕm băt sek tơlang trŏ.

Both 13:17

Dôm tơmam trŏ kơ đe pơrăm tơhiong ưh kơ đei bu mă chro ti iŏk ôh wă kơ Kră Yang huay kơ hil mĭl, na tơ'bôh tơdrong Sư 'mêm mơnat kơ iĕm ăn kơ iĕm hrôh ngôh rai lơ thoi sư đei pơkă pơkăm hăm lu 'bok iĕm sơ̆.

II Pot 23:26

Mă-lei, Kră Yang oei blĕk, Sư hil mĭl kơ lu bơngai Juđa ưh kơ hơi ôh, oei ơh blĕk yua kơ tơdrong yoch mă Manase oei pơm

II Ho 28:11

Na dang ei mơ̆ng bĕ inh, tơbrŏk đĭ-đăng lu bơnă mă đêl lu iĕm rôp noh lu 'nhŏng oh iĕm kơdih 'mơ̆i. Kră Yang oei hil mĭl kơ lu iĕm.”

Esơra 10:13

Mă-lei kon pơlei lơlap lơlang; păng trŏ 'blep kơ bơyan 'mi tih, lu nhôn ưh kơ gơh dơ̆ng ngôi tơ 'nguaih. Păng mă loi đei lơ bơngai pơm tơdrong âu ưh kơ sĭ minh dah 'bar năr đĕch ôh, bơ̆n gơh pơma pơkeh đĭ.

Esơra 10:15

Lăp bre Jônathan, kon drŏ-nglo Asahel păng Jaseia kon drŏ-nglo Tikwa, bre sư đĕch pơ̆n pơjah plơ̆ tơdrong âu; păng Mêsulam hăm Sabêtai, bơngai Lêwi, tơgŭm ăn kơ lu sư.