Êsêkiên 9:2 - Sơ̆p Hlabơar Nơ̆r 'Bok Kei-Dei

² Inh 'bôh đei tơdrâu 'nu năm đơ̆ng gah 'măng kơpal tơ gah yă-nơ̆m. Rim 'nu ti chĕp 'long tơnôn. Lăm lu sư đei minh 'nu bơngai hrŭk ao che 'bui se kok, bĕng ba kơdŭng 'long chih đak mơ̆k. Lu sư mơ̆t păng dơ̆ng 'bơ̆t cheng chơnang soi kong.

Êsêkiên 9:2 Referans Kwoze

Êsêkiên 10:2

Kră Yang khan kơ bơngai hrŭk ao che 'bui: “Mơ̆t bĕ tơ sơlam tang-wang gre ala kơ chêrubim iŏk ngar ŭnh 'bĕnh kơ tơpang ti ih, đơ̆ng sơlam lu chêrubim na săi jơ̆p kơ pơlei noh”. Bơngai noh mơ̆t tơm măt inh.

Lêwi 16:4

Sư gô hrŭk ao tai che hơtăng rơgoh păng hơbĕn che, tơ̆n tơlei tơ̆n che păng yơ̆l môk che tơ kơ̆l sư, noh jơ̆ hơbĕn ao 'lơ̆ng rơgoh mă-lei sư gô hrŭk đang kơ sư hum.

Tơdrông Tơ'bôh 15:6

Na tơpơh 'nu lu linh jang mă wă iŏk tơpơh pơnhan đak pơgang wă pơmat đe ei, lu sư lĕch đơ̆ng hnam 'Bok Kei-Dei noh tă hrŭk ao tai kok rơgoh ngăl păng chô̆ gơ'năm maih tơ kơtơh lu sư.

II Pot 15:35

Mă-lei, sư ưh kơ yuih lê̆ hnam kơkuh kơ yang đe pơm tơ anih kơjung, kon pơlei oei nŏng soi sơmah păng soh 'long 'bâu phu tơ noh. Lăm chăl Jôtham pơgơ̆r, sư đei pơm 'măng jang gah kơpơ̆ng Hnam akŭm kơkuh kơ Kră Yang.

Je 26:10

Lu kră pơgơ̆r dêh Juđa kơtơ̆ng tơdrong noh, lĕch đơ̆ng hnam pơtao năm tơ hnam Kră Yang păng hơ-oei sek tơlang 'bơ̆t 'Măng Jang 'Nao hnam Kră Yang.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 1:15

'Nâu Kră Yang khan: “Inh gô krao lu adrĕch adrung đơ̆ng dêh char gah yă-nơ̆m,” Lu sư gô truh, rim 'nu lu sư kư̆m gô pơdơ̆ng anih pơtao lu sư tơ 'măng jang pơlei Jêrusalem; wă pơrăm dur tăp dăr kơ pơlei păng pơrăm đĭ lu pơlei lăm char Juđa.

II Ho 27:3

Sư man ming 'Măng Jang Kơpal hnam Kră Yang păng kư̆m đei man pơdơ̆ng ming dur tơ groi Ôphel.

II Ho 4:1

Sư pơm chơnang soi hăm kong, tor kơjung 'bar-jĭt hơgăt, wơ̆l 'bar-jĭt hơgăt, kơjung mơjĭt hơgăt.

Le 40:29

Sư dan chơnang soi 'buh 'bơ̆t 'măng mơ̆t tơ Bơsŭn Anih Akŭm sư pơyơ̆r tơmam soi 'buh păng tơmam soi phe 'ba tơpŭng, kiơ̆ thoi nơ̆r Kră Yang đei pơkă kơ Môis.

Êsêkiên 9:3

Na tơdrong rang mơnhal Kră Yang 'Bok Kei-Dei Isơrael tŏk đơ̆ng chêrubim, đơ̆ng anih Sư oei, năm truh 'bơ̆t 'măng hnam akŭm. Na Kră Yang krao bơngai hrŭk ao che 'bui mă bĕng kơdŭng 'long chih đak mơ̆k,

Êsêkiên 9:11

'Nâu bơngai hrŭk ao che 'bui, bĕng 'long chih đak mơ̆k, brŏk roi thoi âu: “Inh đei pơm kiơ̆ kơ nơ̆r Ih tơtă.”

Da 10:5

Inh bơyar măt inh păng lăng 'bôh, minh 'nu hrŭk ao che 'bui kok, tơ̆n tơlei tơ̆n păng maih rơgoh Upha.

Da 12:6

Minh 'nu bơngai apinh bơngai hrŭk ao che brai se oei dơ̆ng kơpal đak glung, thoi âu: Truh năr tôch lu tơdrong hlĭch 'nâu hăm pă đunh?

Je 4:6

Pơdơ̆ng bĕ hla-kơ tơ gah Siôn! Kơdâu ôn bĕ tơ anih hơđơ̆ng 'nĕ pă dơ̆ng, yua kơ Inh gô ăn tơdrong pơrăm truh đơ̆ng yă-nơ̆m, minh tơdrong pơrăm tih.

Êsêkiên 8:3

Sư yơ̆r kiơ noh thoi tơpang ti, rôp sŏk tơ kơpal kơ̆l inh. Yang Bơhngol pôk hơtŏk inh tŏk-bŏk teh hăm plĕnh, păng lăm tơdrong Kră Yang 'Bok Kei-Dei tơ'bôh sư ba inh mơ̆t tơ pơlei Jêrusalem tơ trong 'măng jang gah yă-nơ̆m kơ cham gah lăm, anih mă đe dan rup yang areh wă khan rup yang mă pơm kơ 'Bok Kei-Dei areh.

Am 9:1

Inh 'bôh Kră Yang dơ̆ng jê̆ chơnang soi păng khan thoi âu: Teh pơchah lê̆ bĕ lu jrăng tơm, wă kơ lu 'măng pơpơ̆, teh pơhĕch tơ kơpal kơ̆l lu kon pơlei! Lu đe bu mă oei arih lăm lu sư inh gô pơlôch păng đao gưm, ưh kơ đei bu gơh klĕnh, ưh kơ đei minh 'nu bu gơh kơdâu klĕnh klaih hlôi.