Êsêkiên 8:12 - Sơ̆p Hlabơar Nơ̆r 'Bok Kei-Dei

¹² Sư khan kơ inh: “Ơ kon bơngai, ih hăm 'bôh tơdrong kơnê̆ lu kră pơlei adrĕch Isơrael pơm lăm măng mu ưh, rim 'nu lu sư lăm anih rup yang sư kơdih? Lu sư đei khan: ‘Kră Yang ưh kơ 'bôh lu bơ̆n ôh; Kră Yang achăng lê̆ boih teh đak âu.’ ”

Êsêkiên 8:12 Referans Kwoze

Êsai 29:15

Răm dêh kơ lu bơngai ôn kơ Kră Yang tơdrong lu sư pơđâu, tơdrong jang lu sư pơm oei lăm măng mu păng lu sư khan: Bu 'bôh bơ̆n? Bu băt kơ bơ̆n?

Êsêkiên 9:9

Kră Yang tơl inh: “Tơdrong yoch lăm adrĕch Isơrael păng Juđa tih dêh tơpă; teh 'bĕnh kơ pham pơlôch băl, lăm pơlei 'bĕnh kơ tơdrong kơnê̆ pơrăm băl. Lu sư khan: ‘Kră Yang achăng lê̆ boih teh âu, Kră Yang ưh kơ 'bôh.’

Êsêkiên 8:15

Sư khan kơ inh: “Ơ kon bơngai, hăm 'bôh ưh? Ih gô 'bôh tơdrong krưp tih hloh kơ tơdrong 'nâu dơ̆ng”

Êphêsô 5:12

Bơ̆n băt kơ tơdrong kơnê̆ lu sư pơm noh kơnê̆ tơpă păng mơlâu ră kơ pơma 'bơm tơdrong noh.

Horiso 10:11

Sư khan lăm jơhngơ̆m. “Kră Yang 'Bok Kei-Dei hiơt boih, Kră Yang ôn muh măt Sư, lăng pă 'bôh boih.”

Êsêkiên 20:1

Sơnăm tăl mă tơpơh, năr mơjĭt khei pơđăm, đei lu kră pơlei Isơrael năm krao apinh Kră Yang, dơ̆ng 'bơ̆t anăp inh.

Êsêkiên 14:1

Đei lu kră pơlei Isơrael truh tơ inh, hơ-oei 'bơ̆t anăp inh:

Êsêkiên 8:17

Sư khan kơ inh: “Ơ kon bơngai, ih hăm 'bôh ưh? Noh adrĕch Juđa oei đei pơm tơdrong yoch kơnê̆ krưp, hăm trŏ tơdrong iĕ dah liơ? Lu sư pơm tơdrong kơnê̆ 'bĕnh lăm teh đak âu, păng tơblĕk Inh ling-lang dơ̆ng. Âu, lăng bĕ lu sư tah 'long lăm trôm muh wă tơblĕk Inh!

Êsêkiên 8:11

'Bơ̆t anăp rup inh 'bôh thoi đei tơpơh-jĭt 'nu kră pơlei adrĕch Isơrael oei dơ̆ng hơdai hăm Jaasania kon drŏ-nglo Saphan. Rim 'nu lu sư chĕp get pơgang 'bâu phu 'nhui pơgang 'bâu phu đông jơ̆p-jang.

Horiso 73:11

Lu sư khan: “Liơ Kră Yang 'Bok Kei-Dei gơh băt? Thoi yơ Kră Yang Tih Hloh gơh hlôh?”

Horiso 14:1

Lu bơngai kơtul khan lăm jơhngơ̆m; “Ưh kơ đei Kră Yang 'Bok Kei-Dei.”* Lu sư ôm răm, pơm dôm tơdrong kơnê̆.

Êsai 47:10

Ih gơnang tơdrong ih pơm kơnê̆ ih Ih khan: ‘Ưh kơ đei bu 'bôh inh.’ Tơdrong gơh hơgei hlôh wao ih gô pơm kơ ih wơ̆l jrok. Ih pơma lăm jơhngơ̆m: ‘Inh âu, 'nguaih kơ inh ưh kơ đei bơngai bu.’

Êsêkiên 8:13

Sư khan dơ̆ng: “Ih gô 'bôh tơdrong krưp tih hloh phara kơ noh dơ̆ng mă lu sư oei pơm.”

Jêphania 1:12

Lăm kơplah noh, Inh gô iŏk ŭnh kơđeng păng ŭnh hơchô̆ nhơk chơchă lăng Jêrusalem, Inh gô phak lu bơngai pơgŏk et tơdrô lăm anih noh, lu sư khan lăm jơhngơ̆m lu sư thoi âu: ‘Kră Yang ưh pă đei tơjur ăn tơdrong pŭn hiôk, kư̆m ưh pă đei wă tuh tơdrong gleh truh.’

Both 27:15

Hiap pơtê̆ bĕ kơ bơngai bu pơm rup yang, man dah hling, tơmam mă Kră Yang areh krưp dêh, tơdrong jang đơ̆ng tơpang ti kon bơngai, pơdơ̆ng kơkuh sư noh tơ anih hlơp! Đĭ-đăng kon pơlei gô khan: A-men!

II Pot 17:9

Kon pơlei Isơrael oei ôn klĕnh pơm dôm lu tơdrong ưh kơ trŏ tơplơ̆ hăm Kră Yang 'Bok Kei-Dei lu sư, pơdơ̆ng pơjing lu anih kơjung kơkuh kơ lu yang nai lăm jơ̆p kơ pơlei lu sư, đơ̆ng pơlei iĕ truh kơ pơlei tih kơjăp.