Êsêkiên 7:9 - Sơ̆p Hlabơar Nơ̆r 'Bok Kei-Dei

⁹ Măt Inh ưh pă lăng mơnat kơ ih, Inh kư̆m ưh pă dŏng ih, Inh gô phak kiơ̆ kơ trong ih yak kiơ̆ păng tơdrong kơnê̆ krưp lăm ih. Na ih gô băt Inh boih Kră Yang Tơ'ngla mă đei phak ih.

Êsêkiên 7:9 Referans Kwoze

Tơdrông Tơ'bôh 20:13

'Bơ̆t ei gô 'bôh tôm bơngai lôch. Lu bơngai lôch glơ̆k kơ đak dơsĭ, đak dơsĭ tơlĕch sư. Yŏng pơgơ̆r tơdrong lôch achăng đĭ lu bơngai lôch đơ̆ng dêh atâu. Na 'Bok Kei-Dei sek tơlang lu sư kiơ̆ kơ tơdrong lu sư đêl pơm tơ ala teh.

Galati 6:7

Iĕm 'nĕ tơchĕng khan iĕm gơh hơlĕnh kơ 'Bok Kei-Dei, yua kơ Sư băt tôm tơdrong. Bơ̆n pơtăm găr kiơ gô đei plei 'nei tơpă.

Mi 6:9

Mơ̆ng bĕ nơ̆r Kră Yang krao pơret blah hăm pơlei âu, bơngai hơgei athei hli yom kơ anăn Sư. Mơ̆ng bĕ 'long jra teh na băt kơ bu mă Kră Yang pơkă năm blah.

Êsai 9:13

Thoi noh na lăp minh năr đĕch, Kră Yang gô chơ̆ng lê̆ đơ̆ng Isơrael chơ̆ng kơ̆l păng kiĕng đĭ-đăng 'long gao hăm 'nhĕt gơlăr.

Je 21:7

Đơ̆ng rŏng kơ noh, Kră Yang khan: Inh gô jao Sêđekia, pơtao đe Juđa păng yŏng pơgơ̆r, hăm lu, kon pơlei sư mă oei arih lăm pơlei tih âu; oei arih huay kơ lôch rŭng, đơ̆ng đao gưm, hăm klaih đơ̆ng lôch kơ pơngot rơwĕt, Inh gô jao lu sư lăm ti Nebukatnessar pơtao Babilôn, lăm ti lu bơngai ayăt chă wă 'maih pơlôch lu sư. Pơtao Babilôn gô koh lu sư hăm đao gưm, pă đei mơnat, pă 'mêm kư̆m pă lăng lu sư boih.”

Nhom 2:17

Kră Yang pơm boih dôm đêl sư pơkă, Pơm keh boih mă sư kơdih đei khan lê̆; thoi sư đei pơkă lê̆ đunh boih. Sư tơhuŏng lê̆ iĕm ưh pă đei mơnat boih, Đei ăn boih kơ lu ayăt chơt hiôk, yua kơ iĕm, pơm ăn hơke lu ayăt tưk kơjung.

Êsêkiên 7:8

Âu Inh wă tuh tơdrong Inh hil tơ ih păng wă pơhrăp tơdrong Inh hil blĕk kơ ih, Inh gô sek tơlang phak ih kiơ̆ kơ trong ih yak păng gô pơm tơwih kơ ih kiơ̆ kơ dôm tơdrong kơnê̆ krưp mă ih đei pơm.

Êsêkiên 7:10

Âu, năr 'nâu! Sư truh boih. Tơdrong răm truh kơ ih boih, tơdrong pơm kơnê̆ rai krưp thoi 'long bluh pơkao, tơdrong pơang rai tih thoi 'long bluh tơmơ̆ng.

Êsêkiên 23:49

Iĕm gô pŭ tơdrong pơm pơyô kư̆ kă iĕm; lu iĕm gô pŭ tơdrong phak yua kơ kơkuh kơ rup yang, na lu iĕm gô băt Inh boih Kră Yang.

Je 13:14

Inh gô hơtŭt lu sư, lu sư pơchah hơtŭt băl kon drŏ-nglo hăm 'bă sư, Inh ưh pă pơdơh ti, pă mơnat, ưh pă 'mêm kơ lu sư, kơplah Inh pơrăm lu sư.”

Je 36:31

Inh gô phak sư, phak lu kon sâu sư păng lu yŏng pơgơ̆r yua kơ tơdrong yoch lu sư. Inh gô ăn tơdrong truh kơ lu sư, lu kon pơlei Jêrusalem păng bơngai Juđa, tơdrong phak pơrăm Inh đei khan tơbăt lê̆ kơ lu sư adrol boih, mă-lei lu sư ưh kơ wă mơ̆ng.”

Êsêkiên 5:11

Lei na Kră Yang Tih Hloh khan: Tơpă thoi Inh oei arih, yua kơ ih pơm kơnê̆ 'mê̆-'mach lăm anih rơgoh Inh hăm pơm kơnê̆ krưp, mă Inh areh dêh. Thoi noh na Inh pơrăm ih, măt Inh ưh kơ wă lăng păng ưh pă mơnat.

Êsêkiên 22:22

Thoi hu lek lăm ŭnh thoi yơ, na lu iĕm kư̆m gô lek lăm noh thoi noh mơ̆n, na lu iĕm gô băt Inh boih Kră Yang mă tuh boih tơdrong Inh hil mĭl tơ lu iĕm.’ ”