Êsêkiên 7:8 - Sơ̆p Hlabơar Nơ̆r 'Bok Kei-Dei

⁸ Âu Inh wă tuh tơdrong Inh hil tơ ih păng wă pơhrăp tơdrong Inh hil blĕk kơ ih, Inh gô sek tơlang phak ih kiơ̆ kơ trong ih yak păng gô pơm tơwih kơ ih kiơ̆ kơ dôm tơdrong kơnê̆ krưp mă ih đei pơm.

Êsêkiên 7:8 Referans Kwoze

Êsêkiên 14:19

Dah Inh ăn tơdrong lôch hơbuh truh lăm char noh, Inh tuh tơdrong hil hăm pham lĕch, wă pơlôch pơrăm đĭ bơngai hăm lu sem dơrong,

Êsêkiên 9:8

Kơplah lu sư năm pơlôch đe, inh oei minh 'nu. Inh bon muh măt tơ teh ôr krao: “Ơ Kră Yang Tih Hloh, Ih hil mĭl kơ pơlei Jêrusalem, Ih wă pơlôch đĭ lu kon pơlei Isơrael hă?”

Na 1:6

Bơngai bu kĕ dơ̆ng 'bơ̆t anăp Sư hil? Bu kĕ chơ̆n jơhngơ̆m kơ tơdrong Sư hil mĭl? Tơdrong blĕk Sư tuh thoi pla ŭnh, lu tơmo tih pơchah yua kơ đơ̆ng Sư.

Êsêkiên 20:21

Mă-lei lu kon sâu lu sư blah Inh; ưh kơ chu kiơ̆ khôi juăt Inh, ưh kơ wei răk nơ̆r Inh tơtă lu tơdrong mă tơdah bu pơm kiơ̆ gô arih; lu sư kư̆m pơm yoch 'mê̆-'mach lăm năr Sa'bat Inh. Thoi noh Inh khan bơih gô tuh tơdrong hil mĭl Inh tơ lu sư păng tơdrong blĕk Inh phak lu sư lăm char glă.

Êsêkiên 20:8

Mă-lei lu sư oei blah Inh, ưh kơ wă mơ̆ng Inh, ưh kơ hŭt lê̆ rup yang kơnê̆ krưp mă măt lu sư 'maih lăng; kư̆m ưh kơ hŭt lê̆ lu rup yang Êyiptơ. Yua kơ thoi noh Inh khan Inh gô tuh tơdrong Inh hil tơ lu sư, wă kơ hrăp tơdrong Inh blĕk kơ lu sư tơ lăm char Êyiptơ.

Êsai 42:25

Na Kră Yang tuh tơdrong Sư hil, tơdrong tơblah wang tih dêh tơ lu sư, thoi ŭnh sa jum dăr mă lu sư ưh kơ hlôh, ŭnh sa lu sư mă-lei kư̆m ưh kơ bơngơ̆t.

Êsêkiên 20:33

Kră Yang khan: Thoi Inh mă arih ling-lang, Inh gô pơgơ̆r lu iĕm hăm tơpang ti pran kơtang, Inh yơ̆r ti tơ kơpal păng tuh tơdrong hil mĭl.

Êsêkiên 20:13

Mă-lei adrĕch Isơrael blah inh lăm char glă. Lu sư ưh kơ pơm kiơ̆ khôi juăt Inh, sơngah kơ nơ̆r inh tơtă, noh tơdrong mă bơngai bu pơm kiơ̆ gô arih; lu sư kư̆m pơm yoch 'mê̆-'mach lăm năr Sa'bat Inh dơ̆ng. Inh khan wă tuh tơdrong Inh hil mĭl tơ lu sư lăm char glă.

Tơdrông Tơ'bôh 14:10

bơngai noh 'Bok Kei-Dei hil areh tơpă, dang ăn kơ sư et sik hrăp, sik noh 'Bok Kei-Dei tring tơ kơchŏk 'nhŭ tăng hơ̆-hang. Bơngai noh gô hăl hang oei tơ anih pơmat-tat tơ lăm dơnâu ŭnh tơbang 'bơ̆t anăp lu linh jang 'lơ̆ng păng Kon Triu.

Hôsia 5:10

Lu kră pơgơ̆r char Juđa jing thoi lu đe tơgar kơ hơdral; na Inh gô tuh tơdrong hil Inh thoi đak lơ̆p.

Da 9:27

Sư pơjing tơdrong kơjăp hăm lơ bơngai lăm minh 'măng giĕng păng truh lăm tŏk-bŏk 'măng giĕng noh, Sư kư̆m ăn kơ tơmam soi 'buh pơyơ̆r kư̆m pơdơh. Lu bơngai nai mă pơrăm gô truh hao pơnăr sem krưp dêh păng gô đei tơdrong hil krưp dêh tuh tơ anih juơ dĭng truh tơ sơnăm tôch, mă sơnăm đei pơkă lê̆ boih.

Da 9:11

Đĭ-đăng bơngai Isơrael pơm yoch boih kơ khôi juăt Ih păng jing ưh pă wă mơ̆ng nơ̆r Ih. Thoi noh na tơdrong hiap pơtê̆ păng nơ̆r pơkă hiap đei chih lăm sơ̆p hla bơar khôi juăt Môis mă đĭch đam Kră Yang 'Bok Kei-Dei, đei tuh boih tơ lu nhôn, yua kơ lu nhôn đei pơm yoch glăi boih hăm Ih.

Êsêkiên 30:15

Inh gô tuh hil kơ pơlei Sin, pơlei mă kơjăp lăm char Êyiptơ păng pơrăm kon pơlei Thêbes

Êsêkiên 22:31

Na Inh tuh tơdrong hil mĭl tơ lu sư păng iŏk ŭnh Inh hil soh pơrăm lu sư; Inh gô pơm tơwih tuh tơ kơ̆l lu sư, kiơ̆ kơ trong lu sư pơm. Kră Yang khan thoi noh.

Êsêkiên 6:12

Lu bơngai oei ataih gô lôch kơ jĭ hơbuh. Lu bơngai oei jê̆ gô pơ̆k răm kơ đao, lu bơngai oei arih, gô lôch kơ pơngot rơwĕt Thoi noh Inh gô ăn truh tơdrong Inh hil mĭl kơ lu sư.

Nhom 4:11

Kră Yang đei pơm keh boih tơdrong Sư hil, tuh tơdrong blĕk sư; Kră Yang đei soh pơlei Siôn, ŭnh sa pơrăm đĭ lu hơnă sư.

Nhom 2:4

Sư gŭt hră thoi lu ayăt, yơ̆r ti 'ma Sư pơm thoi lu bơngai wă blah; Sư pơlôch boih dôm bơngai pơhiôk kơ măt, Lăm anih kon adruh Siôn, Sư tuh tơdrong hil thoi ŭnh.

Je 7:20

Yua kơ thoi noh Kră Yang khan: “'Nâu Inh gô tuh tơdrong Inh hil tơ lăm dêh char âu, tơ lu kon bơngai tơ lu sem dơrong tơ lu 'long plei lăm mir păng plei yua đơ̆ng teh. Tơdrong Inh hil gô soh pơđĭ, ŭnh gô sa ưh kơ đei păt.”

Horiso 79:6

Tuh bĕ tơdrong Ih hil kơ lu teh đak mă ưh kơ băt kơ Ih. Păng tơ lu teh đak mă ưh kơ đei krao apinh hăm anăn Ih

II Ho 34:21

“Năm krao apinh bĕ Kră Yang kơ inh kơ lu bơngai Isơrael oei arih hlot păng lu bơngai Juđa gah dôm nơ̆r mă đei chih lăm sơ̆p hla bơar mă 'nao 'bôh âu khan; kơ tơdrong Kră Yang hil mĭl mă truh tơ lu bơ̆n tih tơpă, yua kơ lu 'bok bơ̆n sơ̆ ưh kơ wă mơ̆ng păng ưh kơ chu kiơ̆ nơ̆r Kră Yang, kư̆m kuă kơ pơm kiơ̆ nơ̆r mă đei chih lăm sơ̆p hla bơar âu.”

Nhom 2:17

Kră Yang pơm boih dôm đêl sư pơkă, Pơm keh boih mă sư kơdih đei khan lê̆; thoi sư đei pơkă lê̆ đunh boih. Sư tơhuŏng lê̆ iĕm ưh pă đei mơnat boih, Đei ăn boih kơ lu ayăt chơt hiôk, yua kơ iĕm, pơm ăn hơke lu ayăt tưk kơjung.

Êsêkiên 7:9

Măt Inh ưh pă lăng mơnat kơ ih, Inh kư̆m ưh pă dŏng ih, Inh gô phak kiơ̆ kơ trong ih yak kiơ̆ păng tơdrong kơnê̆ krưp lăm ih. Na ih gô băt Inh boih Kră Yang Tơ'ngla mă đei phak ih.

Êsêkiên 33:20

Lu iĕm khan: ‘Trong Kră Yang ưh kơ tơpăt!’ Ơ adrĕch Isơrael, Inh gô sek tơlang lu iĕm rim 'nu kiơ̆ kơ trong lu sư kơdih.”

Je 36:31

Inh gô phak sư, phak lu kon sâu sư păng lu yŏng pơgơ̆r yua kơ tơdrong yoch lu sư. Inh gô ăn tơdrong truh kơ lu sư, lu kon pơlei Jêrusalem păng bơngai Juđa, tơdrong phak pơrăm Inh đei khan tơbăt lê̆ kơ lu sư adrol boih, mă-lei lu sư ưh kơ wă mơ̆ng.”

Êsêkiên 7:27

Pơtao gô nhơ̆m hmoi. Lu kon pơtao gô pŭ iŏk tơdrong răm, pă hơmĕng tơpang ti lu kon pơlei pơla gô hli tơtey. Inh gô pơm kơ lu sư kiơ̆ kơ trong lu sư, oei arih sa thoi yơ Inh gô sek tơlang thoi noh. Lu sư gô băt Inh boih Kră Yang.”

Êsêkiên 9:10

Gah Inh, măt Inh lăng kư̆m pă mơnat păng Inh kư̆m pă đei lê̆ lu sư oei arih; Inh gô tuh tơ kơ̆l lu sư dôm tơdrong mă lu sư đei pơm.”

Êsêkiên 11:21

Mă-lei, lu mơ'nah đei jơhngơ̆m 'maih kiơ̆ tơdrong Inh areh păng tơdrong kơnê̆ krưp, Inh gô pơm tơwih tơdrong lu sư pơm tuh tơ kơ̆l lu sư, Kră Yang Tih Hloh khan thoi noh.”

Êsêkiên 16:43

Yua kơ ih ưh kơ 'blŏk kơplah ih oei 'lơ̆p sơ̆, na mă pơgreh Inh tôm tơdrong, thoi noh na Inh gô tuh pơdrâu tơ kơpal kơ̆l ih, Kră Yang Tih Hloh khan thoi noh; hăm trŏ kơ ih pơm pơyô kư̆ kă hăm thim đơ̆ng tơdrong kơnê̆ krưp mă Inh areh?

Êsêkiên 16:59

'Nâu Kră Yang Tih Hloh khan thoi âu: Inh gô pơm kơ ih kiơ̆ thoi tơdrong ih đei pơm, yua kơ ih tŭk lê̆ nơ̆r pơkă hăm hŭt lê̆ tơdrong pơgơ̆p Inh,

Êsêkiên 18:30

Thoi noh Kră Yang khan: “Ơ adrĕch Isơrael, Inh gô sek tơlang lu iĕm, rim 'nu kiơ̆ kơ tơdrong sư đei pơm. Athei wih tơbral bĕ păng hŭt lê̆ dôm tơdrong yoch kơnê̆ lu iĕm, wă kơ tơdrong kơnê̆ huay kơ pơgăn pơrăm lu iĕm.

Êsêkiên 24:14

Inh bơih Kră Yang, đei khan dôm tơdrong noh gô truh, Inh gô pơm. Inh ưh kơ gơ̆t lê̆ ti, ưh kơ hmach, ưh kơ tơplih. Inh gô sek kiơ̆ kơ trong ih năm păng kiơ̆ kơ tơdrong jang ih, Kră Yang khan thoi noh.

Hôsia 12:3

Oei lăm klak mĕ sư, Jakôp rôp kơnơl jơ̆ng 'nhŏng sư; păng truh tơ 'lŏ tơ̆l, sư tơglơ̆m hăm Kră Yang 'Bok Kei-Dei.