Êsêkiên 7:19 - Sơ̆p Hlabơar Nơ̆r 'Bok Kei-Dei

¹⁹ Lu sư hŭt lê̆ hu tơ trong, maih lu sư jing thoi tơmam kơnê̆. Maih, hu ưh kơ gơh pơklaih lu sư kơplah năr Kră Yang hil. Kŭm ưh kơ đei pơm kơ lu sư huay kơ pơngot, kư̆m ưh kơ pơm kơ lu sư phĭ klak, tơmam noh pơm kơ lu sư pơ̆k lăm tơdrong yoch.

Êsêkiên 7:19 Referans Kwoze

Jêphania 1:18

Mă hu dah maih lu sư kư̆m ưh kơ gơh pơklaih lu sư đơ̆ng tơdrong Kră Yang hil mĭl; đĭ-đăng kơ teh gô răm đĭ lăm ŭnh mă Kră Yang hil mĭl, yua kơ Sư pơlôch pơđĭ kon bơngai kơpal teh âu ưh kơ tam kơ băt.”

Tơdrông Pơđơk 11:4

Mŭk tơmam mơdrŏng ưh kơ yua kiơ lăm năr hil blĕk, Mă-lei đei đon tơpăt pơklaih đơ̆ng tơdrong lôch.

Êsêkiên 14:7

Khan kơ đĭ-đăng lu bơngai lăm adrĕch Isơrael păng đĭ-đăng tơmoi mă oei lăm Isơrael: Bơngai bu mă weh ataih đơ̆ng Inh, mă oei 'măn rup yang lăm jơhngơ̆m păng dan 'bơ̆t anăp lu sư tơdrong kơnê̆ yoch, wă pơm kơ đe kơtơih pơ̆k, na năm tơ'bơ̆p bơngai khan lê̆ adrol wă krao apinh Inh, Inh boih Kră Yang gô tơl tơwih kơ sư.

Êsai 2:20

Lăm 'năr 'nei kơnh đe gô klơ̆m ăn kơ kơne, klơ̆m ăn kơ hơmiĕt, lu rup yang păng maih, hu, mă đêl lu sư pơm wă kơkuh.

Mathiơ 16:26

Mă bu mơdrŏng đei tôm mŭk tơmam tơ teh âu, dah sư ưh kơ arih ling-lang, lei truh sư lôch ưh pă đei yua kiơ boih. Mă sư mơdrŏng kư̆m ưh kơ gơh răt tơdrong arih sư ôh.

Êsêkiên 44:12

Yua kơ lu sư đei tơgŭm kon pơlei bơ̆jang 'bơ̆t anăp rup yang lu sư, pơm ăn kơ lu bơngai Isơrael pơ̆k huŏng pơm yoch, yua kơ tơdrong noh, Inh đei hiŏng ti phak lu sư, athei pŭ iŏk tơdrong yoch lu sư kơdih, Kră Yang khan.

Bôk Bơthô 5:10

Lu bơngai ham kơ jên đei jên lơ kư̆m khan ưh kơmah; lu bơngai ham kơ mŭk tơmam đei lơ dôm yơ kư̆m ưh kơ hrăp. Tơdrong noh kư̆m tơdrong kơ đei.

Êsai 55:2

Liơ lu iĕm pơhuach jên wă răt tơmam mă ưh kơ trŏ kơ tơmam sŏng sa ôh. Ăn jơhngơ̆m gleh lap tơplih iŏk tơmam ưh kơ phĭ? Adrin mơ̆ng bĕ Inh athei sa tơmam mă 'lơ̆ng. Na jơhngơ̆m lu iĕm hiôk kơ tơmam sa bek 'lơ̆ng.

Êsai 30:22

Lu iĕm gô tŭk hŭt lê̆ rup iĕm traih lom hăm hu păng rup man bah hăm maih, na lu iĕm klơ̆m lê̆ sư tơ ataih thoi tơmam 'mê̆-'mach. Păng khan: “Lĕch bĕ đơ̆ng anih âu!”

Rom 11:9

Sơ̆ Đawit kư̆m pơma kơ tơdrong noh thoi âu: “Lu bơngai noh ưh kơ băt kơdih lu sư bơngai sa et bơlŭk, na lu sư jing lôch hiong yua kơ tơdrong lu sư sa et noh.

II Pot 7:15

Lu sư 'moi lu linh Aram truh tơ đak krong Jôrđăn, lu sư 'bôh hơbĕn ao păng tơmam lu sư hŭt lê̆ thơ̆r thăr glơch glach tôch môch kơ trong, kơplah lu sư hăt hot kơdâu ôn 'noh. Lu bơngai mă pơtao wơh năm ei, hơlơ̆k brŏk roi ăn kơ pơtao dơ̆ng.

Tơdrông Pơđơk 10:2

Mŭk tơmam đei đơ̆ng pơm kư̆ kă ưh kơ yua kiơ; Mă-lei đei tơdrong tơpăt gơh klaih đơ̆ng lôch.

Nhom 4:1

Ô! Maih hiong boih rang sư, maih se tơplih boih. Tơmo tơ anih rơgoh pơchah đĭ tơ âu tơ to tơ rim mum trong pơlei tih!

Êsêkiên 13:5

Lu iĕm ưh kơ đei năm tơ anih dur pơlei đe pơrăm pơchah hĕch wă hơmet ăn kơ adrĕch Isơrael, wă kơ oei dơ̆ng kơjăp lăm tơdrong tơblah lăm năr Kră Yang.

Êsêkiên 30:3

Yua kơ năr noh wă jê̆ boih, năr Kră Yang wă jê̆ boih. Năr noh năr măng mu năr noh năr đĭ-đăng lu adrĕch adrung lăm teh.

Jêphania 1:3

“Inh wă pơlôch kon bơngai păng kon sem brem, sem păr păng ka lăm đak dơsĭ, Inh gô tơhuŏng lê̆ lu bơngai pơm kơnê̆; păng Inh gô tơhuŏng lê̆ kon bơngai đơ̆ng kơpal teh.” Kră Yang khan thoi noh.