Êsêkiên 5:2 - Sơ̆p Hlabơar Nơ̆r 'Bok Kei-Dei

² Lăm năr mă wang pơlei đĭ boih, ih soh minh lăm pêng sŏk noh lăm pơlei tih noh. Ih iŏk minh lăm pêng chơ̆ng hăm đao tơ tăp dăr kơ pơlei păng minh lăm pêng oei oei noh ih săi tơ kial yua kơ Inh gô iŏk đao gưm druh lu sư đơ̆ng rŏng.

Êsêkiên 5:2 Referans Kwoze

Êsêkiên 5:12

Minh lăm pêng lăm lu khŭl ih gô lôch hơbuh păng gô lôch kơ pơngot rơwĕt minh lăm pêng gô pơ̆k lôch kơ đao hơlă tăp dăr kơ ih; mă minh lăm pêng dơ̆ng Inh gô pơm kơ lu sư tơklah tơklang tơ jơ̆p-jang kơ teh păng Inh gô toh đao druh 'moi lu sư.

Lêwi 26:33

Inh pơrŭng lu iĕm tơklah tơklang jơ̆p kơ adrĕch adrung bơngai păng Inh gô iŏk đao gưm 'bet lu iĕm; na char lu iĕm gô juơ rơhiăng, pơlei tih lu iĕm hrơ-hrĕng kơkot.

Êsêkiên 12:14

Lu bơngai oei jum dăr kơ sư păng lu linh sư, inh gô pơm kơ lu sư tơklah tơklang jơ̆p kơ puăn pah, păng Inh gô chĕp đao druh 'moi lu sư.

Je 15:2

Tơdah lu sư apinh ih: ‘Lu nhôn gô năm tơ yơ?’ Ih khan kơ lu sư: 'Nâu Kră Yang khan: “Bu Inh pơkă ăn kơ sư lôch kơ hơbuh, gô chu lôch kơ hơbuh, Bu Inh pơkă wă pơlôch hăm đao gưm, gô lôch kơ đao gưm. Bu Inh pơkă wă ăn kơ sư lôch pơngot rơwĕt, gô lôch kơ pơngot rơwĕt. Bu Inh pơkă wă ăn pơm bơnă, sư gô pơm bơnă.”

Je 9:16

Inh gô pơpuh lu sư tơklah tơklang năm tơ jơ̆p-jang kơ adrĕch adrung kon bơngai, mă lu sư dah 'bok yă lu sư tam biơh băt, Inh gô ăn kơ đe druh pơlôch lu sư hăm đao gưm, dĭng Inh pơrăm đĭ lu sư.”

Je 38:2

“'Nâu Kră Yang khan: ‘Bơngai bu oei lăm pơlei âu gô lôch kơ đao gưm, pơngot rơwĕt dah lôch hơbuh. Mă-lei bơngai bu lĕch yơ̆r ti kơ lu bơngai Kalđê gô arih, sư gô pơklaih tơdrong arih sư.’ ”

Je 24:10

Inh gô ăn kơ lu sư lôch kơ đao gưm, lôch kơ pơngot rơwĕt, lôch hơbuh, pơrăm pơlôch pơgoh lu sư đơ̆ng lăm teh mă Inh đei ăn kơ lu sư păng lu 'bok yă lu sư sơ̆.”

Je 13:24

“Inh gô pơpuh pơđông lu iĕm thoi kial bah đơ̆ng char glă pơđông hơkam 'ba.

Je 39:1

Lăm khei mơjĭt sơnăm mă tơsĭn, chăl Sêđekia, pơm pơtao pơgơ̆r teh đak Juđa, Nebukatnessar, pơtao dêh Babilôn, hăm đĭ-đăng lu linh sư năm wang blah pơlei Jêrusalem.

Je 39:2

Lăm năr tơsĭn khei puăn sơnăm mơjĭt-mônh chăl Sêđekia pơgơ̆r dur pơchah tơblŭt.

Êsêkiên 5:3

Ih kư̆m iŏk minh 'bar ioi đơ̆ng sŏk noh chô̆ sư 'bơ̆t ao ih.

Êsêkiên 5:10

Na lăm ih mĕ 'bă gô 'buh sa kon lu sư păng lu kon sư gô 'buh sa mĕ 'bă lu sư. Inh gô sek tơlang ih păng lu bơngai mă oei oei, Inh gô ăn kơ lu sư tơklah tơklang tơ jơ̆p-jang kơ teh.

Êsêkiên 17:21

Đĭ-đăng lu linh sư mă pran kơtang hloh gô lôch kơ đao, hơlă, mă lu bơngai oei arih gô tơklah tơklang jơ̆p kơ kial. Na ih gô băt kơ, Inh boih Kră Yang, đei khan thoi noh.

Sa 13:8

Kră Yang khan thoi âu: “Gô đei tơdrong truh jơ̆p kơ teh đak. Đei 'bar khŭl lăm pêng khŭl noh gô pơlôch đĭ, oei pă minh khŭl lăm pêng noh oei oei.

Je 9:15

Thoi noh Kră Yang Tih Hloh 'Bok Kei-Dei lu bơngai Isơrael khan: “'Nâu Inh gô 'me rong kon pơlei 'nâu hăm 'long tăng păng ăn kơ lu sư nhă đak hơkăm bơnhŭl.

Am 9:4

Mă khan lu sư năm pơm bơnă 'bơ̆t anăp lu ayăt kơ lu sư, tơ noh inh kư̆m gô ăn đao gưm năm pơlôch lu sư. Inh gô răp lăng tơ lu sư wă pơrăm, ưh kơ trŏ wă ăn tơdrong hiôk ôh.