Êsêkiên 48:15 - Sơ̆p Hlabơar Nơ̆r 'Bok Kei-Dei

¹⁵ Teh oei wơ̆l pơđăm-rơbâu hơgăt păng tor 'bar-jĭt pơđăm-rơbâu hơgăt tor, noh 'măn lê̆ wă yua lăm pơlei tih, pơm hnam oei gah 'nguaih rong 'nhĕt, pơm pơlei tih lăm tŏk-bŏk.

Êsêkiên 48:15 Referans Kwoze

Êsêkiên 45:6

'Bơ̆t cheng jê̆ teh noh, lu iĕm gô 'măn lê̆ teh wơ̆l sư pơđăm-rơbâu hơgăt păng tor sư 'bar-jĭt pơđăm-rơbâu hơgăt; 'bơ̆t cheng jê̆ teh jang sa lu bơngai oei lăm pơlei tih, noh boih teh jang sa lu bơngai Isơrael.

Êsêkiên 42:20

Thoi noh sư pơtŏ puăn pah jum dăr kơ cham hnam akŭm tor pơđăm-hrĕng hơgăt, wơ̆l pơđăm-hrĕng hơgăt; tơnăr âu plah sơlam anih 'lơ̆ng rơgoh păng anih hmă.

I Tim 3:15

Dah inh ưh kơ yĕng năm, inh chih kơthơ âu boih wă kơ ih băt bơ̆n 'nhŏng oh bơngai lui wă pơm thoi yơ lăm hnam 'Bok Kei-Dei. Bơ̆n bơngai lui jing kon Kră Yang 'Bok Kei-Dei. Sư boih arih ling-lang ưh kơ đei layơ lôch, na lu bơ̆n bơngai lui mă răk tơdrong 'Bok Kei-Dei kơjăp, trŏ kơ bơ̆n bơtho tơdrong Sư kơ đe nai dơ̆ng.

Êsêkiên 44:23

Lu sư gô bơtho khan kơ kon pơlei băt kơ tơdrong kiơ mă 'lơ̆ng rơgoh Păng tơdrong kiơ mă hmă đĕch, tơdrong kiơ 'mê̆-'mach păng băt tơdrong kiơ mă rơgoh.

Êsêkiên 22:26

Lu 'bok soi pơm glăi kơ khôi juăt Inh, pơm 'mê̆-'mach kơ tơmam rơgoh Inh. Lu sư ưh kơ băt lăng ayơ rơgoh, ayơ hmă, ưh kơ băt bơtho tơ'bôh ayơ 'mê̆-'mach, ayơ rơgoh. Lu sư tep măt ưh kơ kiơ̆ lu năr Sa'bat Inh, lei na pơm pơ'mê̆ kơ Inh boih lăm lu sư.