Êsêkiên 47:10 - Sơ̆p Hlabơar Nơ̆r 'Bok Kei-Dei

¹⁰ Lu bơngai traih ka gô dơ̆ng 'bơ̆t jih krong; đơ̆ng pơlei Êngêđi truh tơ Ên Eglaim đei anih wă dăng hơnhuăl; tơ noh đei lơ ka tôm kơ adrĕch ka kư̆m thoi lăm đak Dơsĭ Tih.

Êsêkiên 47:10 Referans Kwoze

Mathiơ 4:19

Na Yêsu khan kơ bre sư: “Bĕ bơ̆n kiơ̆ Inh na Inh pơchĕp ăn kơ biĕm tơdrong jang traih bơngai.”

Horiso 104:25

To đak dơsĭ tih să pă băt. Lăm noh đei kon sem, ka tih iĕ pă kĕ jô̆.

Jo 34:6

Bĕ hơdral gah bơmơ̆t lu iĕm rok đak Dơsĭ Tih.

Markôs 1:17

Na Yêsu khan kơ bre sư thoi âu: “Bĕ bơ̆n kiơ̆ Inh, na Inh pơchĕp ăn kơ biĕm tơdrong jang chă bơngai lui kơ 'Bok Kei-Dei.”

Êsêkiên 48:28

Hơdral teh Gat tơ gah gơal, Iŏk đơ̆ng Thamar truh tơ lu Đak Mêriba, Kades rok Thong Đak Êyiptơ dĭng truh tơ Đak Dơsĭ Tih.

Êsêkiên 47:15

Âu jing hơdral teh: Gah yă-nơ̆m, đơ̆ng Đak Dơsĭ Tih, rok rong pơlei Hêtlôn truh trong năm truh tơ pơlei Sêdat,

II Ho 20:2

Đei bơngai năm roi tơbăt ăn kơ Jêhôsaphat thoi âu: “Đei minh khŭl linh lơ tơpă đơ̆ng char Eđôm pah to dơsĭ lu sư năm wă tơblah hăm ih; to lu sư oei lăm pơlei Hasasôn Tamar, (kư̆m anăn pơlei Êngêđi)

Êsêkiên 26:5

Sư gô jing anih đe sơ̆k hơnhuăl tŏk-bŏk đak dơsĭ; yua kơ Kră Yang khan: Inh khan boih sư jing tơmam lu dêh char đe blah tơgar iŏk.

Êsai 49:20

Lu kon hơ'lơ̆p tơpŭ lăm kơplah chăl pơmat-tat, gô pơma lăm đon ih khan: Bri teh âu hrăt-hrot dêh kơ bơ̆n: Rĭ asong kơ nhôn wă oei mă să bĕ.

Êsai 49:12

Lăng to lu sư gô truh đơ̆ng ataih; mơ'nah gô truh đơ̆ng gah yă-nơ̆m, lu mơ'nah gô truh đơ̆ng gah bơmơ̆t păng lu bơngai nai dơ̆ng đơ̆ng dêh char Sinim.a

I Sam 23:29

Na, Đawit weh hlôi đơ̆ng anih năm oei tơ anih kơjăp tơ kông Êngêđi.

Jôsuê 23:4

Athei 'blŏk bĕ kơ inh đei hlang klah asong ăn kơ lu iĕm teh jang sa mir 'ba kơ rim adrĕch adrung lu iĕm, teh đak mă ưh tam mă đei blah iŏk. Teh đak mă inh đei blah iŏk boih, iŏk đơ̆ng đak Krong Jôrđăn truh tơ đak Dơsĭ Tih, gah măt 'năr mơ̆t.

Jôsuê 15:62

Nipsan, noh krao pơlei 'Boh păng Êngêđi, đĭ-đăng đei tơdrâu tŏ pơlei tih hăm pơlei iĕ lu sư.

Bl 14:7

Đơ̆ng noh lu pơtao krao akŭm lu linh sư brŏk truh tơ Ênmispatb mă krao Kêdêh, wang blah jơ̆p kơ tơring Amalek păng kon pơlei Amôrit oei tơ Hasasôn Tamar.

I Sam 24:1

Kơplah Sôl druh blah lu bơngai Philistin wih brŏk đei minh 'nu bơngai năm roi kơ Sôl thoi âu: To, Đawit oei lăm char glă Êngêđi.

Êsai 19:8

Lu bơngai chă ka gô tơtok, lu bơngai chă wah tơ krong Nil nhơ̆m ôr păng lu bơngai traih jal dăng hơnhuăl gô ơh klai đĭ.

Êsêkiên 26:14

Inh gô pơm kơ ih jing tơmo ih gô jing anih đe sơ̆k hơnhuăl; ưh pă đei gơh man pơdơ̆ng ming dơ̆ng; yua kơ Inh boih Kră Yang hlôi khan, Kră Yang khan thoi noh.

Êsêkiên 47:19

Gah gơal iŏk đơ̆ng Thamar truh tơ lu Đak Mêriba tơ Kades, rok Thong đak Êyiptơ, truh tơ đak Dơsĭ Tih; noh boih hơdral gah gơal.